ക്യിപാ ഫോർമെഷൻ

മധ്യ ചൈനയിലെ ഹെനാൻ പ്രവിശ്യയിൽ കാണുന്ന ഒരു ശിലാക്രമം ആണ് ക്യിപാ ഫോർമെഷൻ(Qiupa Formation) അഥവാ ക്യിപാ ശിലാക്രമം. ഇത് അന്ത്യ ക്രിറ്റേഷ്യസ്‌ കാലത്ത് നിന്നും ഉള്ള ശിലാക്രമം ആണ്. ഈ ശിലക്രമത്തിന്റെ പ്രത്യേകത എന്തെന്നാൽ ഇവ അന്ത്യ ക്രിറ്റേഷ്യസ് മുതൽ തുടക്ക പാലിയോജീൻ (പാലിയോസീൻ) വരെ ഉള്ള ശിലകൾ പൂർണമായും ഉൾകൊള്ളുന്നു എന്നതാണ് ഇത് കൂടാതെ ഇതിൽ കെ ടി ബൌണ്ടറി ഉൾകൊള്ളുന്നു എന്നതും ഇതിനെ പ്രമുഖമായ ശിലക്രമം ആകുന്നു . ^[1]

ക്യിപാ ഫോർമെഷൻ Stratigraphic range: അന്ത്യ ക്രിറ്റേഷ്യസ്
Type	Geological formation
Location
Region	Henan Province, ചൈന

ഫോസ്സിലുകൾ

ഇവിടെ നിന്നും നിരവധി ദിനോസർ ഫോസ്സിലുകളും , മുട്ടയുടെ ഫോസ്സിലും കിട്ടിയിട്ടുണ്ട് . കിട്ടിയിടുള്ള പല ഫോസ്സിലുകളും ഇനിയും വർഗ്ഗികരിച്ചിട്ടില്ല . കണ്ടു കിട്ടിയതിൽ തിരിച്ചറിഞ്ഞിടുള്ള ദിനോസർ കുടുംബങ്ങൾ ഇവയാണ് ഡ്രോമയിയോസോറിഡ്, ഓവിറാപ്റ്റോർ , അങ്കയ്ലോസൗർ , ഓർനിത്തോപോഡ് , ഓർനിത്തോമിമിഡ് , ട്രൂഡോൺറ്റിഡ്.

ദിനോസറുകൾ

തെറാപ്പോഡകൾ

• Luanchuanraptor henanensis - ഇടത്തരം വലിപ്പമുള്ള ഡ്രോമയിയോസോറിഡ് വിഭാഗത്തിൽ പെട്ട ദിനോസർ . കണ്ടെത്തി വർഗ്ഗീകരിച്ച വർഷം 2007. ^[2]
• Qiupalong henanensis - ഏഷ്യയിൽ നിന്നും കണ്ടെത്തിയ ആദ്യത്തെ ഓർനിത്തോമിമിഡ് വിഭാഗം ദിനോസർ . കണ്ടെത്തി വർഗ്ഗീകരിച്ച വർഷം 2011.^[3]
• Tyrannosaurus luanchuanensis - റ്റിറാനോസോറിഡ് വിഭാഗത്തിൽ പെട്ട വലിയ മാംസഭോജി . ഇത് ടർബോസോറസ് തന്നെ ആണ് എന്നും അല്ല പുതിയ ഒരു വകഭേദം ആണെന്നും വാദങ്ങൾ ഉണ്ട് . കണ്ടെത്തിയ വർഷം 1977-79.^[4]
• Yulong mini - ഒരു ഓവിറാപ്റ്റോർ, ഈ വിഭാഗത്തിലെ ഏക ഉപവർഗം ആണ് ഇത് . അഞ്ചു ഫോസ്സിലുകൾ ലഭ്യമാണ് . HGM 41HIII-0107 - ഒരു ഏകദേശം പൂർണമായ തലയോട്ടി , HGM 41HIII-0108 - കിഴ് താടി ഇല്ലാത്ത ഒരു തലയോട്ടി , HGM 41HIII-0109 - ഭാഗികമായ ഒരു അസ്ഥികൂടം തലയോട്ടിയും കീഴ് തടിയും ഉണ്ട്, HGM 41HIII-0110 - ഭാഗികമായ തലയോട്ടി കീഴ് താടി , കഴുത്തിലെ കശേരുകികൾ , HGM 41HIII-0111 ഭാഗികമായ അരകെട്ട് . വർഗ്ഗീകരിച്ച വർഷം 2013. ^[5]

മുട്ടകൾ

ക്യിപാ ശിലാക്രമത്തിൽ നിന്നും നൂറു കണക്കിന് ദിനോസർ മുട്ടകളും മുട്ട തോടുകളും കിട്ടിയിടുണ്ട് . ഇവ മിക്കതും മൂന്ന് അവസ്ഥകളിൽ ആണ് ,ഒന്ന് പൂർണമായും ഫോസ്സിലായ മുട്ടകൾ , രണ്ടു കൂട്ടിൽ തന്നെ ഫോസ്സിൽ ആയ രീതിയിൽ ഉള്ള മുട്ടകൾ , ദിനോസർ ഫോസ്സിളിനുള്ളിൽ ഫോസ്സിൽ ആയ നിലയിൽ.^[6]

മറ്റു ജീവികൾ

• Funiusaurus luanchuanensis - ഒരു പുരാതന ഇനം പല്ലി ആണ് , ഈ പല്ലിയുടെ ഒരു അപൂർണമായ തലയോട്ടി ഇവിടെ നിന്നും 2014 കിട്ടിയിട്ടുണ്ട് . ടൈപ്പ് സ്പെസിമെൻ HGM 4IHIII-114 ഒരു ഭാഗികമായ തലയോട്ടി , കിഴ് താടി എല്ല് എന്നിവയാണ് . ^[7]
• Yubaartar zhongyuanensis - മൾടിട്യുബർക്യുലേറ്റ് എന്ന വിഭാഗത്തിൽ പെട്ട ഒരു പുരാതന സസ്തിനി ആണ് ഇത് . കിട്ടിയ ഭാഗങ്ങൾ തലയോട്ടി , കിഴ് താടി എല്ല് , ഭാഗികമായ അസ്ഥികൂടം , മുൻ കാലുകൾ എന്നിവയാണ് . ഹോലോ ടൈപ്പ് 41HIII0111 ഇപ്പോൾ ഹെനാൻ ജിയോളോജിക്കൽ മ്യൂസിയത്തിൽ പ്രദർശനത്തിൽ ഉണ്ട് .^[8]