അഞ്ചുരുളി

ഇടുക്കി ജില്ലയിലെ ഒരു വിനോദസഞ്ചാരകേന്ദ്രമാണ് അഞ്ചുരുളി. കട്ടപ്പനയിൽ നിന്നും ഏലപ്പാറ വഴി 9 കി.മി. ദൂരം മാത്രമേ ഉള്ളൂ ഇവിടേക്ക്.^[1][2] ഇരട്ടയാർ ഡാമിൽ നിന്നും ഇവിടേയ്ക്ക് വെള്ളം ഒഴുക്കുന്ന ടണലാണ് ഇവിടുത്തെ പ്രത്യേകത. ഇതിലൂടെ ഇടുക്കി ഡാമിലേക്ക് വെള്ളം പതിക്കുന്നു^[3]. അഞ്ചുരുളി ഫെസ്റ്റ് ഇവിടെ അറിയപ്പെടുന്ന ഒരു ആഘോഷമാണ്.

അഞ്ചുരുളി
വിനോദസഞ്ചാര കേന്ദ്രം
അഞ്ചുരുളിയിലെ തുരങ്കം
അഞ്ചുരുളി Location in Kerala, India Show map of Kerala അഞ്ചുരുളി അഞ്ചുരുളി (India) Show map of India
Coordinates: 9°41′45″N 76°59′47″E
Country	India
State	കേരള
District	ഇടുക്കി
പ്രശസ്തം	അഞ്ചുരുളി ടണൽ
സർക്കാർ
• തരം	പഞ്ചായത്ത്
• ഭരണസമിതി	കാഞ്ചിയാർ പഞ്ചായത്ത്
ഉയരം	755 മീ (2,477 അടി)
Languages
• Official	മലയാളം, ഇംഗ്ലീഷ്
സമയമേഖല	UTC+5:30 (IST)
PIN	685511
ഏരിയ കോഡ്	04868
വാഹന രജിസ്ട്രേഷൻ	KL-37
Nearest cities	കട്ടപ്പന

പേരിനു പിന്നിൽ

ഈ ജലാശയത്തിൽ അഞ്ച് മലകൾ നിരയായി ഉരുളി കമിഴ്ത്തിയതുപോലെ ഇരിക്കുന്നതിനാൽ ആദിവാസികളാണ് അഞ്ചുരുളി എന്ന പേരിട്ടത്.

നിർമ്മാണം

1974 മാർച്ച് 10ന് നിർമ്മാണം ആരംഭിച്ച അഞ്ചുരുളി ടണൽ 1980 ജനുവരി 30ന് ഉദ്ഘാടനം ചെയ്തു. 5 കിലോമീറ്റർ നീളവും 24 അടി വ്യാസവുമുള്ള ടണൽ ഇരട്ടയാർ മുതൽ അഞ്ചുരുളി വരെ ഒറ്റ പാറയിൽ കോലഞ്ചേരി സ്വദേസി കോൺട്രാക്ടർ പൈലി പിള്ളയുടെ നേതൃത്വത്തിലാണ് നിർമിച്ചത്. രണ്ടിടങ്ങളിൽ (ഇരട്ടയാറിൽനിന്ന് ഇവിടേയ്ക്ക് 2 കിലോമീറ്ററും ഇവിടെനിന്ന് ഇരട്ടയാറിലേയ്ക്ക് 3 കിലോമീറ്ററും) നിന്നും ഒരേ സമയം നിർമ്മാണം ആരംഭിച്ച് കൂട്ടിയോജിപ്പിക്കുകയായിരുന്നു. ടണലിന്റെ സാങ്കേതിക വിദ്യ കാനഡയിലെ എസ്.എൻ.സി. ലാവ്ലിൻ കമ്പനിയുടേതായിരുന്നു. നിർമ്മാണ കാലയളവിൽ 22 പേർ അപകടങ്ങളിൽ മരിച്ചു. കല്യാണത്തണ്ട് മലയുടെ ഏറ്റവും ഉയരം കൂടിയ ഭാഗത്താണ് തുരങ്കം. ഇരട്ടയാറിൽ അണക്കെട്ട് നിർമിച്ച് അവിടെ നിന്നുള്ള വെള്ളം തുരങ്കത്തിലൂടെ അഞ്ചുരുളിയിലെ ഇടുക്കി ജലാശയത്തിലേയ്ക്ക് എത്തിക്കുന്നതാണ് പദ്ധതി. ഇടുക്കി അണക്കെട്ടിൽ വെള്ളം പൂർണമായി നിറയുമ്പോൾ ടണൽ മുഖത്തുവരെ വെള്ളം കയറും. അപ്പോൾ 1000 അടിക്കു മുകളിൽ വെള്ളമുണ്ടാകും.^[4][5] 

ചിത്രശാല

• 
  ഇരട്ടയാറിൽ നിന്നും ഇടുക്കി ഡാമിലേക്കു അഞ്ചുരുളി ടണൽ വഴി വെള്ളമൊഴുകുന്ന ഭാഗം
• 
  അഞ്ചുരുളി ഗുഹയിൽ നിന്നുമുള്ള ദൃശ്യം