ചാർകോട്ട്–ബൗച്ചാർഡ് അന്യൂറിസം

ബ്രയിൻ വാസ്കുലേച്ചറിലെ ചെറിയ രക്തക്കുഴലുകളിൽ (300 മൈക്രോമീറ്ററിൽ താഴെ വ്യാസമുള്ള) സംഭവിക്കുന്ന അന്യൂറിസമാണ് ചാർകോട്ട്-ബൗച്ചാർഡ് അന്യൂറിസം. വിട്ടുമാറാത്ത രക്താതിമർദ്ദവുമായി ബന്ധപ്പെട്ടിരിക്കുന്ന ഈ അന്യൂറിസം മിക്കപ്പോഴും ബാസൽ ഗാംഗ്ലിയയുടെ ലെന്റികുലോസ്ട്രിയറ്റ് വെസ്സലുകളിലാണ് സ്ഥിതിചെയ്യുന്നത്.^[1] മസ്തിഷ്ക രക്തസ്രാവത്തിനുള്ള ഒരു സാധാരണ കാരണമാണ് ചാർകോട്ട്-ബൗച്ചാർഡ് അന്യൂറിസം.

ചാർകോട്ട്–ബൗച്ചാർഡ് അന്യൂറിസം
മറ്റ് പേരുകൾ	മിലിയറി അന്യൂറിസം, മൈക്രോഅന്യൂറിസം
സ്പെഷ്യാലിറ്റി	കാർഡിയോളജി
ഡയഗ്നോസ്റ്റിക് രീതി	CT or MRI brain scan

അടയാളങ്ങളും ലക്ഷണങ്ങളും

ചാർകോട്ട്-ബൗച്ചാർഡ് അന്യൂറിസം പൊട്ടിയാൽ ഇൻട്രാസെറിബ്രൽ രക്തസ്രാവത്തിലേക്ക് നയിക്കും, ഇത് പെട്ടെന്നുള്ള ഫോക്കൽ പരാലിസിസ് അല്ലെങ്കിൽ സംവേദനക്ഷമത നഷ്ടപ്പെടുന്ന ഹെമറാജിക് സ്ട്രോക്കിന് കാരണമാകും.^[1]

പാത്തോഫിസിയോളജി

തലച്ചോറിലെ ചെറിയ പെനിട്രേറ്റിങ്ങ് രക്തക്കുഴലുകളിലെ അന്യൂറിസമാണ് ചാർകോട്ട്-ബൗച്ചാർഡ് അനൂറിസം. അവ രക്താതിമർദ്ദവുമായി ബന്ധപ്പെട്ടിരിക്കുന്നു. മിഡിൽ സെറിബ്രൽ ആർട്ടറിയുടെ ലെന്റികുലോസ്ട്രിയറ്റ് ശാഖയാണ് ഇതിൽ ഉൾപ്പെടുന്ന സാധാരണ ധമനി. ഹൈപ്പർടെൻസിവ് രക്തസ്രാവം സംഭവിക്കുന്ന സാധാരണ സ്ഥലങ്ങളിൽ പുട്ടമെൻ, കോഡേറ്റ്, തലാമസ്, പോൺസ്, സെറിബെല്ലം എന്നിവ ഉൾപ്പെടുന്നു . 

ഏതൊരു അന്യൂറിസത്തെയും പോലെ, ഒരിക്കൽ രൂപപ്പെട്ടാൽ ലാപ്ലേസ് നിയമത്തിന് അനുസൃതമായി ഇതിനും വികസിക്കാനും ഒടുവിൽ വിണ്ടുകീറാനുമുള്ള പ്രവണതയുണ്ട്.^{[2] [3]}

രോഗനിർണയം

സാധാരണയായി സിടി ആൻജിയോഗ്രാഫിയിലൂടെ ഇത് കണ്ടെത്താനാവില്ല.^[4] ഡയബറ്റിക് റെറ്റിനോപ്പതി പോലെയുള്ള അസുഖങ്ങളിൽ റെറ്റിനയിൽ കാണുന്ന മൈക്രോഅന്യൂറിസം കണ്ടെത്താൻ ഒഫ്താൽമോസ്കോപ്പി, ഫണ്ടസ് ഫോട്ടോഗ്രഫി, എഫ്.എഫ്.എ, ഒ.സി.ടി എന്നിവ ഉപയോഗിക്കാം.^[5]

ചരിത്രം

ഫ്രഞ്ച് ഡോക്ടർമാരായ ജീൻ-മാർട്ടിൻ ചാർകോട്ട്, ചാൾസ്-ജോസഫ് ബൗച്ചാർഡ് എന്നിവരുടെെ പേരാണ് ചാർകോട്ട്- ബൗച്ചാർഡ് അന്യൂറിസത്തിന് നൽകിയിരിക്കുന്നത്.^[6] ചാർക്കോട്ടിനു കീഴിൽ ഡോക്ടറൽ ഗവേഷണം നടത്തുന്നതിനിടെയാണ് ബൗച്ചാർഡ് ഈ അന്യൂറിസം കണ്ടെത്തിയത്.^[7]

ഇതും കാണുക

• ഇൻട്രാക്രേനിയൽ ഹെമറേജ്