ജെ.ഡി.ടി. ഇസ്‌ലാം

11.321973°N 75.935386°E / 11.321973; 75.935386

ജെ.ഡി.ടി.ഇസ്‌ലാം

ലത്തീൻ പേര്	ജെ.ഡി.ടി.
തരം	വിദ്യാഭ്യാസം
സ്ഥാപിതം	1922
സ്ഥലം	വെള്ളിമാട്‌കുന്ന്‌, കേരളം, ഇന്ത്യ
ക്യാമ്പസ്	20 acres
അഫിലിയേഷനുകൾ	സ്റ്റേറ്റ് ഓർഫനേജ് കൺ‌ട്രോൾ ബോർഡ് സി.ബി.എസ്.എസി കാലികറ്റ് യൂനിവേഴ്സിറ്റി
വെബ്‌സൈറ്റ്	http://www.jdtislam.org/

ജെ.ഡി.ടി.ഇസ്‌ലാം അല്ലെങ്കിൽ ജം‌ഇയ്യത്തെ ദ‌അവത്ത് വ തബ്‌ലീഗെ ഇസ്‌ലാം (Jam’iyyat Da’wa wa Tablighul Islam) കോഴിക്കോട് നഗരത്തിലെ പ്രധാനപ്പെട്ട ഒരു സ്ഥാപനമാണ്. നഗരത്തിൽ നിന്നും 5 കി.മി.ദൂരത്തിൽ വെള്ളിമാട്കുന്നിലാണ്‌ ഇതിന്റെ ആസ്ഥാനം. 1921ൽ മലബർ കലാപത്തിൽ തകർന്ന് പോയ മലബാറിലെ അവസ്ഥ വിശദീകരിച്ച് കെ. എം.സീതി സാഹിബിൻ്റെ കത്ത് ലഭിച്ച അബ്ദുൽ ഖാദർ കസൂരി സീതി സാഹിബുമായുള്ള സൗഹൃദത്തിൻ്റെ അടിസ്ഥാനത്തിൽ അദ്ദേഹത്തിൻറെയും കുടുംബത്തിന്റെയും സഹായത്തിൽ രൂപീകരിച്ചതാണ് ജെ .ഡി.ടി. കേരളത്തിൽ ഏറ്റവും പഴക്കമുള്ള ഒന്നാണ്‌ ജെ.ഡി.ടി ഇസ്‌ലാമിന്റെ കീഴിലുള്ള ജെ.ഡി.റ്റി അനാഥാലയം. കേരള സർക്കാരിന്റെയും സംസ്ഥാന സർക്കാരിന്റെയും അംഗീകാരമുള്ള സ്ഥാപനമാണിത്.^[1]

ചരിത്രം

1921-ലെ മലബാർ കലാപത്തെ തുടർന്ന് നിരവധി മാപ്പിള കുട്ടികൾ അനാഥരായി. ഈ കുട്ടികൾക്ക് അഭയവും വിദ്യാഭ്യാസവും നൽകുന്നതിനായി പ്രമുഖ സ്വതന്ത്രസമര സേനാനിയായിരുന്ന മുഹമ്മദ് അബ്ദുറഹ്‌മാൻ സാഹിബ് പഞ്ചാബിലെ ഒരു പ്രമുഖ ധനിക കുടുംബത്തിലെ കാരണവരും സ്വാതന്ത്ര്യസമര സേനാനിയും ജം‌ഇയ്യത്തെ ദ‌അവത്ത് വ തബ്‌ലീഗെ ഇസ്‌ലാം (ജെ.ഡി.റ്റി ഇസ്‌ലാം) എന്ന സംഘടനയുടെ സ്ഥാപകനുമായ മൗലാന അബ്ദുൽ ഖാദിർ ഖസൂരിയുമായി ബന്ധപ്പെട്ടു. അബ്ദുൽ ഖാദർ കസൂരിയുമായി അടുത്ത സൗഹൃദം ഉണ്ടായിരുന്ന കെഎം സീതി സാഹിബ് കാര്യങ്ങൾ വിശദീകരിച്ച് അദ്ദേഹത്തിന് കത്തെഴുതുകയും ചെയ്തു . സീതി സാഹിബിന്റെ കത്തിന്റെ അടിസ്ഥാനത്തിൽ അബ്ദുൽ ഖാദിർ ഖസൂരിയുടെയും കുടുംബത്തിന്റെയും സഹായത്താൽ ആണ്‌ 1922 ൽ ജെ.ഡി.റ്റി ഇസ്‌ലാം പിറവി കൊള്ളുന്നത്^[2].

പ്രധാനപ്പെട്ട സ്ഥാപനങ്ങൾ

1. അനാഥാലയം
2. ഇഖ്റഅ ആശുപത്രി.^[3]
3. ആർട്ട്സ് കോളേജ്
4. പോളി ടെക്നിക്ക്
5. നഴ്സിങ് കോളേജ്
6. ഫാർമസി കോളേജ്
7. IGNOU Study Center
8. ഹയർ സെക്കണ്ടറി സ്കൂൾ
9. JDT ISLAM VHSE