പുളി (മരം)

ദക്ഷിണേന്ത്യയിലെങ്ങും സാധാരണയായി കാണപ്പെടുന്ന പുളി (മരം) അഥവ വാളൻപുളിയുടെ ജന്മദേശം ആഫ്രിക്കയാണ്. ഇതിന്റെ പുളിരുചിയുള്ള ഫലം കറികളിൽ പ്രധാന ചേരുവയായി ഉപയോഗിക്കുന്നു. (ശാസ്ത്രീയനാമം: Tamarindus indica)

പുളി എന്ന വാക്കാൽ വിവക്ഷിക്കാവുന്ന ഒന്നിലധികം കാര്യങ്ങളുണ്ട്. അവയെക്കുറിച്ചറിയാൻ പുളി (വിവക്ഷകൾ) എന്ന താൾ കാണുക.

വാളൻപുളി
കായ്ച്ചു കിടക്കുന്ന വാളൻപുളി മരം
Scientific classification
Kingdom:	Plantae
Division:	Magnoliophyta
Class:	Magnoliopsida
Order:	Fabales
Family:	Fabaceae
Subfamily:	Caesalpinioideae
Tribe:	Detarieae
Genus:	Tamarindus
Species:	T. indica
Binomial name
Tamarindus indica L.
Synonyms
Tamarindus occidentalis Gaertn. Tamarindus officinalis Hook. Tamarindus umbrosa Salisb.

പുളി പോഷക സമൃദ്ധമായ ഒരു ഫലമാണ്. വാളൻ പുളിയിൽ തയമിൻ (വിറ്റാമിൻ B1), റിബോഫ്ലാവിൻ (B2), നിയസിൻ (B3), വിറ്റാമിൻ സി തുടങ്ങിയ വിറ്റാമിനുകൾ, മഗ്‌നേഷ്യം, പൊട്ടാസ്യം, ഫോസ്ഫറസ്, അയൺ തുടങ്ങിയ ധാതുക്കൾ, പോളിഫീനോൾസ് തുടങ്ങിയ നിരോക്സീകാരികൾ, നാരുകൾ എന്നി പോഷകങ്ങൾ അടങ്ങിയിട്ടുണ്ട്. ഇതിൽ കൊഴുപ്പ് കുറവും മധുരത്തിന്റെ അളവ് കൂടുതലുമാണ്.

ഒരു ദീർഘകാല ഫലവൃക്ഷം ആണ് വാളൻപുളി. വിത്ത് കിളിർപ്പിച്ചോ ഒട്ടിച്ചോ തൈകൾ തയ്യാറാക്കാം. സാധാരണയായി പത്തു വർഷത്തോളം സമയം തൈകൾ കായ്ക്കാൻ വേണ്ടി വരുന്നു. ബഡിംഗ് നടത്തിയുണ്ടാക്കുന്ന തൈകൾക്ക് ഇതിന്റെ പകുതി കാലം മതിയാകും മൂപ്പെത്താൻ.വേനൽക്കാലത്തിനൊടുവിൽ പുഷ്പിക്കുകയും ഫിബ്രവരി മാസത്തോടെ വിളഞ്ഞ് പഴുക്കുകയും ചെയ്യും, മധുരമുള്ളയിനം പുളി സ്വീറ്റ് താമരിൻഡ് എന്ന പേരിൽ വിപണിയിൽ കിട്ടും. പത്തു വർഷം കഴിഞ്ഞാൽ ഒരു മരത്തിൽ നിന്ന് 200 മുതൽ 250 കിലോ വാളൻപുളി വരെ പ്രതിവർഷം കിട്ടിയേക്കാം.

പുളിമരം

പേരിനു പിന്നിൽ

ടാമറിൻഡസ് ഇൻഡിക്ക എന്ന ശാസ്ത്രീയ നാമത്തിലുള്ള “ടാമറിൻഡസ്” എന്ന അറബി ഭാഷയിൽ നിന്നും ഉണ്ടായതാൺ. അറബിയിൽ ടാമർ എന്ന വാക്കിനു ഈന്തപ്പന എന്നാണർഥം. ടാമർ-ഇൻഡസ് അഥവാ ഇന്ത്യയിലെ ഈന്തപ്പന എന്ന അർത്ഥത്തിലാണ് വാളൻപുളിക്ക് ഈ പേർ കിട്ടിയത്.

രസാദി ഗുണങ്ങൾ

രസം :അമ്ലം

ഗുണം :ഗുരു, രൂക്ഷം

വീര്യം :ഉഷ്ണം

വിപാകം :അമ്ലം ^[1]

പോഷകങ്ങൾ

ഊർജം : ഏകദേശം 240 കാലറി

അന്നജം : 63%

പ്രോട്ടീൻ : ഏകദേശം 3%

കൊഴുപ്പ് : കുറവാണ്, 1%

ധാതുക്കൾ : മഗ്‌നേഷ്യം, പൊട്ടാസ്യം, ഫോസ്ഫറസ്, അയൺ

വിറ്റാമിനുകൾ : തയമിൻ (വിറ്റാമിൻ B1), റിബോഫ്ലാവിൻ (B2), നിയസിൻ (B3), വിറ്റാമിൻ സി തുടങ്ങിയവ.

നിരോക്സീകാരികൾ : പോളിഫീനോൾസ് തുടങ്ങിയ ധാരാളം പോഷകങ്ങൾ അടങ്ങിയിട്ടുണ്ട്.

ഔഷധയോഗ്യ ഭാഗം

ഇല, പൂവ്, ഫലമജ്ജ,വിത്ത്,മരതൊലി ^[1]

ചിത്രശാല

• പുളിയുടെ ചിത്രങ്ങൾ
• 
  വാളൻപുളി പൂക്കൾ
• 
  വാളൻ പുളി മരം
• 
  വാളൻ പുളികൾ
• 
  വാളൻ പുളികൾ മരത്തിൽ
• 
  പൂവ്
• 
  പൂവിൽ നിന്ന് പുളികളുണ്ടാകുന്നതും
• 
  വാളൻ പുളിയുടെ ഇല
• 
  പുളിമരം. തമിഴ്നാട്ടിലെ കാഴ്ച്ച
• 
  റോഡിനിരുവശവും പുളിമരം നിൽക്കുന്നു. തമിഴ്നാട്ടിലെ കാഴ്ച്ച
• 
  തളിർത്തു_നിൽക്കുന്ന_പുളിമരം
• 
• 
  പുളിമരത്തിന്റെ മുകൾ കാഴ്ച
• 
  പൂവ്
• 
  തൈ
• 
  മുളച്ചുവരുന്ന പുളിമരത്തിന്റെ തൈ.
• 
  പുളിങ്കുരു