മാർ തോമ ചെറിയപള്ളി, കോതമംഗലം
എറണാകുളം ജില്ലയിലെ ഒരു പള്ളി From Wikipedia, the free encyclopedia
Remove ads
കേരളത്തിലെ എറണാകുളം ജില്ലയിലെ കോതമംഗലം പട്ടണത്തിൽ സ്ഥിതി ചെയ്യുന്ന ഒരു മലങ്കര യാക്കോബായ സുറിയാനി പള്ളിയാണ് മാർ തോമ ചെറിയപള്ളി . മാർത്ത് മറിയം വലിയപള്ളിയിൽ നിന്ന് വേർപിരിഞ്ഞ 18 കുടുംബങ്ങൾ 1455 ൽ സ്ഥാപിച്ചതാണ് ഈ പള്ളിയെന്ന് വിശ്വസിക്കപ്പെടുന്നു. സുറിയാനി ഓർത്തഡോക്സ് മഫ്രിയോനോ ബസേലിയോസ് യൽദോ കോതമംഗലത്ത് എത്തിയതോടെയാണ് ഈ പള്ളി കേരളത്തിൽ പ്രസിദ്ധമായത്. ഈ പള്ളിയിലെ അൾത്താര മുറിയിലാണ് അദ്ദേഹത്തെ അടക്കം ചെയ്തത്.
Remove ads
ചരിത്രം
ഇന്നത്തെ കോതമംഗലം പ്രദേശം ചരിത്രപരമായി മാലാഖച്ചിറ എന്നാണ് അറിയപ്പെട്ടിരുന്നത്. [1] [2] ഭരിച്ചിരുന്ന കർത്താക്കളുടെ കാലം മുതൽ കോതമംഗലം അതിന്റെ സമൃദ്ധിക്ക് പേരുകേട്ടതാണ്. ‘പൂക്കോട്ടുമല’ നസ്രാണി വ്യാപാരി കുടുംബങ്ങൾക്ക് പള്ളി സ്ഥാപിക്കാൻ കർത്താ അനുവദിച്ചു. പരിശുദ്ധ കന്യകാമറിയയുടെ പേരിലുള്ള മർത്തമറിയം വലിയപള്ളി അവിടെ 1340 എ.ഡി.യിൽ സിറിയൻ ക്രിസ്ത്യാനികൾ നിർമ്മിച്ചതാണ്, അന്നുമുതൽ ഇത് ദേശത്തിന്റെ ഈ ഭാഗത്തെ ക്രൈസ്തവ ഭക്തരുടെ നിത്യ സഹായ സ്രോതസ്സാണ്. ഒരു നൂറ്റാണ്ടിലേറെക്കാലം സഭയുടെ ആത്മീയവും കാലികവുമായ കാര്യങ്ങൾ നിയന്ത്രിച്ചത് ഏതാനും സുറിയാനി ക്രൈസ്തവ കുടുംബങ്ങളായിരുന്നു. 'പാസരം'(സ്ത്രീധനത്തിന്റെ ഒരു അംശം) [3] കാരണം നിർവാഹക സമിതിയിലെ സ്വാധീനമുള്ള ചില അംഗങ്ങൾ തമ്മിലുള്ള വ്യക്തിപരമായ അഭിപ്രായവ്യത്യാസങ്ങളാൾ പതിനെട്ട് കുടുംബങ്ങൾ വേർപെട്ടൂ, ഒടുവിൽ ചരിത്രപ്രസിദ്ധമായ മാർത്തോമ്മാ ചെറിയപ്പള്ളി പണിതു. എ.ഡി 1455-ൽ പ്രാദേശിക ഭരണാധികാരി കൈമൾ പള്ളി പണിയാൻ കൊല്ലിക്കാട്ടുമലയിൽ സ്ഥലം അനുവദിച്ചു. അവർ ആദ്യം അവിടെ ഒരു കുരിശ് സ്ഥാപിച്ച് ആരാധിച്ചു. ഈ കുരിശ് അക്രമികൾ പിഴുതെറിഞ്ഞ് നദിയിലേക്ക് എറിഞ്ഞു. കർത്താക്കളുടെ സാന്നിധ്യത്തിൽ മറ്റൊരു കുരിശ് സ്ഥാപിക്കുകയും അവിടെയുണ്ടായിരുന്നവർക്ക് മധുരപലഹാരങ്ങൾ അർപ്പിക്കുകയും ചെയ്തു. കന്നി 13ന് അവിടെ ഒരു പള്ളി പണിതു. അതിന്റെ ഓട് മേഞ്ഞ മേൽക്കൂരയ്ക്ക് തീപിടിച്ചു, തുടർന്ന് മേൽക്കൂര ടൈൽ പാകി.[4]
സഭാ ചരിത്രമനുസരിച്ച്, 1685-ൽ സിറിയക് ഓർത്തഡോക്സ് ബിഷപ്പ് ബസേലിയോസ് യെൽദോ പള്ളിയിൽ എത്തി. മലയാളം കലണ്ടറിലെ കന്നിമാസം 11-നാണ് അദ്ദേഹം പള്ളിയിലെത്തിയത്. [5]
Remove ads
വർത്തമാനം
1600-ലധികം കുടുംബങ്ങൾ അംഗത്വമുള്ള ഈ പള്ളി യാക്കോബായ സുറിയാനി സഭയിലെ ഏറ്റവും വലിയ ഭദ്രാസനമായ അങ്കമാലി ഭദ്രാസനയുടെ കീഴിലാണ്. ലൗകിക കാര്യങ്ങളിൽ പള്ളി സ്വന്ത ഭരണഘടനയാൽ നിയന്ത്രിക്കപ്പെടുന്നു. എന്നിരുന്നാലും, അന്ത്യോഖ്യായിലെയും എല്ലാ കിഴക്കിന്റെയും പാത്രിയർക്കീസിന്റെ കീഴിൽ, മലങ്കരയിലെ കാതോലിക്ക മുഖേന, അന്ത്യോഖ്യയിലെ അപ്പസ്തോലിക സിംഹാസനത്തോട് വിധേയത്വം പുലർത്തുന്ന അങ്കമാലി ഭദ്രാസനത്തിന്റെ മെത്രാപ്പോലീത്തായാണ് അതിന്റെ ആത്മീയ കാര്യങ്ങൾ നയിക്കുന്നത്. പരിശുദ്ധ ബസേലിയോസ് യെൽദോ ബാവയുടെ പേരിൽ ഒരു ഉയർന്നതരം വിദ്യാശാലയും ഒരു പ്രധാന ആശുപത്രിയും ഇടവക നടത്തുന്നു. സംസ്ഥാനത്തെ ഏറ്റവും വലിയ കലാ-വിജ്ഞാന ഉന്നതവിദ്യാഭ്യാസസ്ഥാപനങ്ങളിലൊന്നായ കോതമംഗലത്ത് യന്ത്രശാസ്‌ത്ര ഉന്നതവിദ്യാഭ്യാസസ്ഥാപനം നടത്തുന്ന മാർ അത്തനേഷ്യസ് കോളേജ് അസോസിയേഷന്റെ പ്രധാന പിന്തുണ കൂടിയാണ് ഈ ഇടവക. ഇവർ ഒരു പ്രശസ്ത പാർപ്പിട ഉയർന്നതരവിദ്യാശാലയും നടത്തുന്നു. 1953-ൽ അന്തരിച്ച മലങ്കര മെത്രാപ്പോലീത്ത വിശുദ്ധ അത്തനേഷ്യസ് പൗലോസിന്റെ പേരിലാണ് രണ്ട് സ്ഥാപനങ്ങൾക്കും പേര് നൽകിയിരിക്കുന്നത്. [4]
Remove ads
യെൽദോയും ബേസിലും
യെൽദ (കിഴക്കൻ സുറിയാനി)/യെൽദോ (പടിഞ്ഞാറൻ സുറിയാനി) എന്ന പേരിന്റെ അർത്ഥം ക്രിസ്മസ് എന്നാണ്. യെൽദോ നോമ്പ് ഡിസംബർ 1 മുതൽ ഡിസംബർ 25 വരെ ആണ്. ഇംഗ്ലീഷിൽ യെൽദോ എഴുതാൻ വിവിധ അക്ഷരവിന്യാസങ്ങൾ (Yeldho, Eldho, Eldo, Yeldo) ഉപയോഗിക്കുന്നു.
"രാജാവ്" അല്ലെങ്കിൽ "ചക്രവർത്തി" എന്നർത്ഥമുള്ള ഗ്രീക്ക് പദമായ ബസേലിയോസിന്റെ ഹ്രസ്വ രൂപമാണ് ബേസിൽ.
ചിത്രശേഖരം
മദ്ബഹായും കബറിടവും.
മോർ ബസേലിയോസ് യെൽദൊ ബാവയുടേ കബറിടം
മാർ ബസേലിയോസ് യെൽദോയുടെ മഞ്ചൽ
പൂമുഖത്ത് നിന്നുള്ള കാഴ്ച
ഇതും കാണുക
അവലംബം
ബാഹ്യ ലിങ്കുകൾ
Wikiwand - on
Seamless Wikipedia browsing. On steroids.
Remove ads