വെള്ളായണി കായൽ

തിരുവനന്തപുരം ജില്ലയിൽ തെക്കു മാറി കോവളത്തിനു സമീപം കല്ലിയൂർ, വെങ്ങാനൂർ പഞ്ചായത്തുകളിലായി വ്യാപിച്ചുകിടക്കുന്ന ഒരു തടാകം ആണ് വെള്ളായണി തടാകം. കോവളത്തു നിന്നും 7 കിലോമീറ്റർ അകലെയായി സ്ഥിതിചെയ്യുന്ന ഈ ശുദ്ധജലതടാകത്തിന്റെ വിസ്തീർണ്ണം, സർവ്വേ ഒഫ് ഇന്ത്യയുടെ കണക്കുപ്രകാരം 750 ഹെക്റ്റർ ആണ്‌,^[1] എന്നാൽ കായൽ കൈയേറ്റങ്ങളെത്തുടർന്ന് ഇപ്പോൾ കായൽ വിസ്തൃതി 450 ഏക്കറായി ചുരുങ്ങിയിരിക്കുകയാണെന്ന് റവന്യൂ വകുപ്പ് കരുതുന്നു ^[2]ഈ കായലിലെ പകലൂർ കുടിവെള്ളപദ്ധതിയാണ്‌ കല്ലിയൂർ, വെങ്ങാനൂർ, തിരുവല്ലം ഭാഗങ്ങളിൽ ശുദ്ധജലം പ്രദാനം ചെയ്യുന്നത്^[3] സംസ്ഥാനത്തെ ഏറ്റവും വലിയ 2-മത്തെ ശുദ്ധജലതടാകമാണിത്^[4]

വെള്ളായണി കായൽ
സ്ഥാനം	തിരുവനന്തപുരം ജില്ല, കേരളം
നിർദ്ദേശാങ്കങ്ങൾ	8°24′N 76°59′E
ബേസിൻ രാജ്യങ്ങൾ	ഇന്ത്യ
അധിവാസ സ്ഥലങ്ങൾ	തിരുവനന്തപുരം

വെള്ളായണി കാർഷിക കോളേജ് ഈ തടാകത്തിനടുത്തായാണ്‌ സ്ഥിതി ചെയ്യുന്നത്.