തൃശൂർ ജില്ലയിലെ തലപ്പിള്ളി താലൂക്കിലെ കടങ്ങോട് പഞ്ചായത്തിൽപ്പെട്ട പുരാവസ്തുപരമായി പ്രാധാന്യമാർജിച്ചിട്ടുള്ള ഒരു ഗ്രാമമാണ് എയ്യാൽ . ഇയ്യാൽ എന്ന പേരിലും ഈ ഗ്രാമം അറിയപ്പെടുന്നു. 1946-ൽ ഇവിടെ നിന്നു കുറേ റോമൻ നാണയങ്ങളും മുദ്രിത നാണയങ്ങളും കണ്ടുകിട്ടി. മുസിരീസ്സിൽ (കൊടുങ്ങല്ലൂർ) നിന്ന് തിണ്ടിസ്സി (കടലുണ്ടി) ലേക്കുള്ള രാജപാത എയ്യാലിലൂടെ കടന്നു പോയിരുന്നു. മുസിരിസ് തുറമുഖത്തേക്ക് അയക്കാനുള്ള കുരുമുളക്, ഏലം, ചന്ദനം മുതലായവ ഇവിടെ ശേഖരിക്കപ്പെട്ടിരുന്നതായി കാണുന്നു.