പത്തനംതിട്ട ജില്ലയിൽ സ്ഥിതിചെയ്യുന്ന ഒരു ഗ്രാമമാണു തട്ടയിൽ. പത്തനംതിട്ടയിൽ നിന്നും 12 കി.മി. ദൂരെയാണ്‌ ഈ ഗ്രാമം. ഒരിപ്പുറത്ത് ഭഗവതി ക്ഷേത്രം ഈ നാട്ടിലെ ഏറ്റവും പ്രസിദ്ധമായ ക്ഷേത്രമാണ്‌. മീനഭരണിയാണ്‌ ഇവിടുത്തെ ഏറ്റവും പ്രധാന ഉത്സവം. ഇവിടത്തെ കെട്ടുകാഴ്ച പ്രസിദ്ധമാണ്. തട്ടയുടെ സാംസ്‌കാരിക തലസ്ഥാനമെന്ന് ഒരിപ്പുറം ക്ഷേത്രത്തെ വിലയിരുത്തപ്പെടുന്നു .തട്ട് തട്ടുകളായി കിടക്കുന്ന ഭൂപ്രകൃതി കാരണമാണ് ഈ നാടിനു തട്ടയിൽ എന്ന നാമം സിദ്ധിച്ചത്. പരമ്പരാഗതമായി കൃഷിയെ ആശ്രയിച്ച ആയിരുന്നു ഇവിടുത്തെ ജനങ്ങൾ ജീവിച്ചിരുന്നത്. എന്നാൽ ഇന്നു എല്ലാ മേഖലയിലും തട്ടക്കരുടെ സാന്നിധ്യമുണ്ട്. തട്ടയുടെ സാംസ്കാരികമായ വൈഭവവും കലാച്ചര്തുയും ഒരിപ്പുറം ക്ഷേത്രത്തിലെ കെട്ടുകാഴ്ച വെളിവാക്കുന്നു. എൻ .എസ്.എസ് - ന്റെ ആദ്യ കരയോഗം സ്ഥാപിതമായത് ഇവിടെയാണ്. പഴയകാലത്ത് തന്നെ ഇവിടെ അദ്ധ്യാത്മിക പഠനകേന്ദ്രങ്ങൾ ഉണ്ടായിരുന്നു. സാംസ്കാരികമായും ഈ ഗ്രാമം ഉന്നതനിലയിലയിരുന്നു. ലോകത്തിലെ ഏറ്റവും വേഗതയേറിയ പെർഫോമിംഗ്‌ ചിത്രകാരനും വേഗവരയിലെ ലോകറെക്കോർഡ് ജേതാവുമായ ഡോ. ജിതേഷ്ജി, ആർ. എസ്. എസ് മുൻ സംസ്ഥാന അദ്ധ്യക്ഷൻ പ്രൊഫ. ഗോവിന്ദൻ നായർ തുടങ്ങിയവർ തട്ടയിൽ ജനിച്ച് വളർന്നവരാണ്.