ഡാർവിൻ, നോർത്തേൺ ടെറിട്ടറി
From Wikipedia, the free encyclopedia
ഓസ്ട്രേലിയയിലെ ഒരു പ്രധാന നഗരവും നോർത്തേൺ ടെറിട്ടറിയുടെ തലസ്ഥാനവുമാണ് ഡാർവിൻ (ഇംഗ്ലിഷ്: Darwin). രാജ്യത്തിന്റെ വടക്കേ അറ്റത്ത് തിമൂർ കടലിന്റെ തീരത്തായാണ് ഈ നഗരം സ്ഥിതി ചെയ്യുന്നത്. ദക്ഷിണപൂർവേഷ്യയുമായി ചേർന്നുകിടക്കുന്നതിനാൽ ഏഷ്യയുടെ കവാടം എന്നാണ് ഡാർവിൻ നഗരം ഓസ്ട്രേലിയയിൽ പൊതുവെ അറിയപ്പെടുന്നത്. പാർമേസ്റ്റൺ എന്നായിരുന്നു നഗരത്തിന്റെ പഴയപേർ. 1839ൽ ചാൾസ് ഡാർവിനെയും വഹിച്ചുകൊണ്ടുള്ള എച്ച്.എം.എസ് ബീഗിൾ കപ്പൽ ഈ തുറമുഖത്തെത്തുകയുണ്ടായി. ചാൾസ് ഡാർവിനോടുള്ള ആദരസൂചകമായാണ് നഗരത്തിനു ആ പേർ ലഭിച്ചത്.[7] ഓസ്ട്രേലിയയിലെ ആധുനികനഗരങ്ങളിലൊന്നായാണ് ഡാർവിൻ അറിയപ്പെടുന്നത്.[8][9]
ഡാർവിൻ നോർത്തേൺ ടെറിട്ടറി | |||||||||
---|---|---|---|---|---|---|---|---|---|
ജനസംഖ്യ | 1,46,245 (2014)[1] (16th) | ||||||||
• സാന്ദ്രത | 926/km2 (2,400/sq mi) (2008)[2] | ||||||||
സ്ഥാപിതം | 1869 | ||||||||
വിസ്തീർണ്ണം | 112.01 km2 (43.2 sq mi) | ||||||||
സമയമേഖല | ACST (UTC+9:30) | ||||||||
സ്ഥാനം | |||||||||
LGA(s) | ഡാർവിൻ ,പാമേർസ്റ്റൺ,ലിച്ച്ഫീൽഡ് | ||||||||
രാജ്യം | പാമേർസ്റ്റൺ കൗണ്ടി | ||||||||
Territory electorate(s) | ഡാർവിൻ ഭരണകൂടം (and 14 others) | ||||||||
ഫെഡറൽ ഡിവിഷൻ | സോളമൻ | ||||||||
| |||||||||
Error: unknown |type= value (help) |
തദ്ദേശീയർക്കുപുറമെ ചൈന, ന്യൂസിലൻഡ്, അയർലണ്ട്, ഇന്തോനേഷ്യ, കിഴക്കൻ ടിമോർ എന്നീ രാജ്യങ്ങളിൽനിന്നുള്ളവരും ഇവിടെ താമസിക്കുന്നു.[10] ഔദ്യോഗിക കണക്കുകൾ അനുസരിച്ച് 1,36,245 ആണ്[1] ഡാർവിനിലെ ജനസംഖ്യ. ക്രിസ്തുമതമാണ് ഇവിടുത്തെ പ്രധാനമതം. ഇംഗ്ലീഷിനുപുറമെ ഇറ്റാലിയൻ, ഗ്രീക്ക്, ചൈനീസ് ഭാഷകളും ഇവിടുത്തുകാർ സംസാരിച്ചുപോരുന്നു.[11] രാജ്യത്തെ പ്രധാന വിനോദസഞ്ചാരകേന്ദ്രങ്ങളിലൊന്നായ ഡാർവിനിൽ പ്രതിവർഷം ലക്ഷക്കണക്കിനു ടൂറിസ്റ്റുകളാണ് എത്താറുള്ളത്. ഓസ്ട്രേലിയയിലെ മറ്റു പ്രധാന നഗരങ്ങളുമായി ദേശീയപാത വഴി ബന്ധപ്പെട്ടിരിക്കുന്ന ഡാർവിനിൽ ഒരു രാജ്യാന്തര വിമാനത്താവളവുമുണ്ട്[12]