റെറ്റിന
From Wikipedia, the free encyclopedia
മിക്ക കശേരുകികളുടെയും ചില മോളസ്കുകളുടെയും കണ്ണിന്റെ ഏറ്റവും ഉള്ളിലുള്ള പ്രകാശഗ്രാഹി പാളിയാണ് റെറ്റിന. കണ്ണിന്റെ ഒപ്റ്റിക്സ് (കോർണിയയും ലെൻസുമെല്ലാം ചേർന്ന്), റെറ്റിനയിൽ വിഷ്വൽ ലോകത്തിന്റെ ദ്വിമാന ഇമേജ് സൃഷ്ടിക്കുന്നു, ഇത് തലച്ചോറിലേക്ക് ഇലക്ട്രിക്കൽ ന്യൂറൽ ഇംപൾസുകളായി അയച്ച് കാഴ്ച എന്ന അനുഭവം നൽകുന്നു. റെറ്റിന ഒരു ക്യാമറയിലെ ഫിലിം അല്ലെങ്കിൽ ഇമേജ് സെൻസറിന് സമാനമായ ഒരു ഫംഗ്ഷൻ നൽകുന്നു.
റെറ്റിന | |
---|---|
Details | |
Pronunciation | UK: /ˈrɛtɪnə/, US: /ˈrɛtənə/, pl. retinae /-ni/ |
Part of | Eye |
System | Visual system |
Artery | Central retinal artery |
Identifiers | |
Latin | Rēte |
MeSH | D012160 |
TA | A15.2.04.002 |
FMA | 58301 |
Anatomical terminology |
ന്യൂറൽ റെറ്റിനയിൽ സിനാപ്സുകളാൽ പരസ്പരം ബന്ധിപ്പിച്ചിരിക്കുന്ന ന്യൂറോണുകളുടെ നിരവധി പാളികൾ അടങ്ങിയിരിക്കുന്നു, കൂടാതെ പിഗ്മെന്റഡ് എപ്പിത്തീലിയൽ സെല്ലുകളുടെ പുറം പാളിയുമുണ്ട്. റെറ്റിനയിലെ പ്രാഥമിക പ്രകാശഗാഹീ കോശങ്ങൾ ഫോട്ടോറിസെപ്റ്റർ സെല്ലുകളാണ്, അവ റോഡ് കോശങ്ങൾ, കോൺ കോശങ്ങൾ എന്നിങ്ങനെ രണ്ട് തരത്തിലാണ്. റോഡുകൾ പ്രധാനമായും മങ്ങിയ വെളിച്ചത്തിലുള്ള കാഴ്ചയ്ക്കാണ് പ്രവർത്തിക്കുന്നത്, ഒപ്പം കറുപ്പും വെളുപ്പും നിറത്തിലുള്ള കാഴ്ച നൽകുന്നു. കോണുകൾ നന്നായി പ്രകാശമുള്ള അവസ്ഥയിൽ പ്രവർത്തിക്കുന്നു, ഒപ്പം വർണ്ണത്തെക്കുറിച്ചുള്ള ധാരണയ്ക്കും വായന പോലുള്ള ജോലികൾക്കായി ഉപയോഗിക്കുന്ന ഉയർന്ന അക്വിറ്റി കാഴ്ചയ്ക്കും ഉത്തരവാദികളാണ്. മൂന്നാമത്തെ തരത്തിലുള്ള ലൈറ്റ് സെൻസിങ് കോശങ്ങളാണ് ഫോട്ടോസെൻസിറ്റീവ് ഗാംഗ്ലിയോൺ സെൽസ്. പ്യൂപ്പിലറി ലൈറ്റ് റിഫ്ലക്സുകളുടെയും, സിർകാഡിയൻ റിഥത്തിൻറെയും കാര്യത്തിൽ പ്രധാന പങ്കുള്ളത് ഈ കോശങ്ങൾക്കാണ്.
റെറ്റിനയിൽ പ്രകാശം പതിക്കുന്നത് രാസ, വൈദ്യുത മാറ്റങ്ങളുടെ ഒരു കാസ്കേഡിന് തുടക്കമിടുന്നു, ഈ നേർവ് ഇംപൾസുകൾ തലച്ചോറിലെ വിവിധ വിഷ്വൽ സെന്ററുകളിലേക്ക് ഒപ്റ്റിക് നാഡിയുടെ നാരുകളിലൂടെ അയയ്ക്കുന്നു. റോഡുകളിൽ നിന്നും കോണുകളിൽ നിന്നുമുള്ള ന്യൂറൽ സിഗ്നലുകൾ മറ്റ് ന്യൂറോണുകളുടെ പ്രോസസ്സിംഗിന് വിധേയമാകുന്നു, ഇത് റെറ്റിന ഗാംഗ്ലിയോൺ സെല്ലുകളിലെത്തുന്നു. ഗാംഗ്ലിയോൺ കോശങ്ങളുടെ ആക്സോണുകൾ ഒപ്റ്റിക് നാഡിയായി രൂപപ്പെടുന്നു.[1] റെറ്റിനൽ എൻകോഡിംഗിലും പ്രകാശത്തിന്റെ പ്രോസസ്സിംഗിലും കാഴ്ചയുടെ നിരവധി പ്രധാന സവിശേഷതകൾ കണ്ടെത്താൻ കഴിയും.
റെറ്റിനയെ കേന്ദ്ര നാഡീവ്യവസ്ഥയുടെ (സിഎൻഎസ്) ഭാഗമായി കണക്കാക്കുന്നു, ഇത് യഥാർത്ഥത്തിൽ മസ്തിഷ്ക കോശമാണ്.[2] [3] കേന്ദ്ര നാഡീ വ്യൂഹത്തിലെ ശസ്ത്രക്രീയയിലൂടെയല്ലാതെ കാണാൻ സാധിക്കുന്ന ഏക ഭാഗം റെറ്റിനയാണ്.