ലത്തീൻ കത്തോലിക്കാസഭ
From Wikipedia, the free encyclopedia
കത്തോലിക്ക സഭയിലെ പ്രധാന വ്യക്തിഗതസഭയായ പാശ്ചാത്യ സഭയെയാണ് റോമൻ കത്തോലിക്കാ സഭ അഥവാ ലത്തീൻ കത്തോലിക്കാസഭ. പാശ്ചാത്യ സഭയോടൊപ്പം മാർപാപ്പയുടെ പരമാധികാരത്തെ അംഗീകരിയ്ക്കുന്ന ഇരുപത്തിമൂന്നു പൗരസ്ത്യ കത്തോലിക്കാ സഭകളും കൂടി ചേർന്നതാണ് ഇന്ന് കത്തോലിക്കാ സഭ.
ലത്തീൻ കത്തോലിക്കാ സഭ | |
---|---|
വിഭാഗം | കത്തോലിക്ക |
വീക്ഷണം | പാശ്ചാത്യ സഭ, ലത്തീൻ റീത്ത് |
സഭാ സംവിധാനം | എപ്പിസ്കോപ്പൽ |
Leader | ഫ്രാൻസിസ് മാർപ്പാപ്പ |
പ്രദേശം | ലോകവ്യാപകം |
ഉത്ഭവം | എ. ഡി. ഒന്നാം നൂറ്റാണ്ട് റോമ |
അംഗങ്ങൾ | 118.5 കോടി+ |
മറ്റ് പേരുകൾ | റോമൻ കത്തോലിക്ക സഭ |
വെബ്സൈറ്റ് | www |
റോമാസഭയുടെ ആരാധനാഭാഷ ലത്തീൻ ആയതിനാലാണ് ലത്തീൻ സഭ എന്ന് അത് അറിയപ്പെട്ടത്. ആരാധനാക്രമ പാരമ്പര്യംകൊണ്ടും വ്യക്തിത്വം കൊണ്ടും റോമാ പാപ്പായുടെ കീഴിൽ തുടക്കം മുതൽ നിലകൊള്ളുന്ന ഏക സഭയും ലത്തീൻസഭ തന്നെയാണ്. ആഗോള കത്തോലിക്കാ സഭയിലെ അംഗങ്ങളിൽ 98% ത്തിൽ അധികവും ലത്തീൻ റീത്തിൽ പെട്ടവരാണ്. 129.14 കോടിയിൽ അധികം അംഗങ്ങളാണ് കത്തോലിക്കാ സഭയിലുള്ളത്. അതിൽ 118.5 കോടി അംഗങ്ങൾ ഈ സഭാസമൂഹത്തിലാണ്. കത്തോലിക്കാ സഭയിൽ പാപ്പാ നേരിട്ട് ഭരണം നടത്തുന്ന ഈ സഭ ലോകം മുഴുവനും വ്യാപിച്ചുകിടക്കുന്നു.
കേരളത്തിൽ റോമൻ കത്തോലിക്കാ സഭയ്ക്ക് രണ്ട് അതിരൂപതാ പ്രവിശ്യകളിലായി 12 രൂപതകളുണ്ട്. ലത്തീൻ കത്തോലിക്കാ സഭയെക്കൂടാതെ സീറോ മലങ്കര കത്തോലിക്കാ സഭയുടെ ആറ് രൂപതകളും സീറോ മലബാർ കത്തോലിക്കാ സഭയുടെ പതിമൂന്ന് രൂപതകളും ചേർന്നതാണ് കേരളത്തിലെ കത്തോലിക്ക സഭ.
റോമൻ കത്തോലിക്കാ സഭ (ലത്തീൻ സഭ) യോട് ഐക്യപ്പെട്ട് നിൽക്കുന്ന രണ്ട് പ്രാദേശിക സഭകളാണ് സീറോ മലങ്കര കത്തോലിക്കാ സഭയും സീറോ മലബാർ കത്തോലിക്കാ സഭയും.
റോമൻ കത്തോലിക്കാ സഭ (ലത്തീൻ സഭ) | |
---|---|
ആസ്ഥാനം | വത്തിക്കാൻ(റോം) |
സഭാധ്യക്ഷൻ | മാർപ്പാപ്പ |
കർദിനാൾമാർ | 197 |
പാത്രിയർക്കീസുമാർ | 5 |
ആർച്ച് ബിഷപ്പുമാർ | 1004 |
ബിഷപ്പുമാർ | 3746 |
രൂപതകൾ | 2879 |
വിശ്വാസികൾ | 118.5 + കോടി |