Ростов Великий

Энэ хуудас нь Ярославль муж дахь хотын тухай өгүүлнэ. Ростов мужийн захиргааны төвийн талаар, "Донын Ростов"-с харна уу. хэрэглээг, "Ростов Великий (салаа утга)"-с харна уу.

Ростов нь Оросын Холбооны Улсын Ярославль мужийн 31.792 оршин суугчтай (мэдээ 14. Аравдугаар сар 2010)^[8] хот бөгөөд улсын нийслэл Москва хотоос зүүн хойд зүгт ойролцоогоор 225 км зайд, 1930-аад оноос хойш мөн Транссибирийн галт тэрэг зорчиж буй Москва-Ярославлийн төмөр замын дэргэд оршдог. Дон дахь Ростовоос ялгахын тулд хотын дэргэд орших Неро нууртай холбон Неро дахь Ростов буюу Нерогийн Ростов эсвэл Ярославлийн Ростов гэж бас нэрлэдэг. Хот оросын аялал жуулчлалын чухал төв болох Алтан цагаригт харьяалагдана. 18-р зууныг хүртэл тус хотыг Ростов Великий хэмээн нэрлэдэг байсан ба энэ нь монголоор «Их Ростов» хот гэх утгатай юм.

Ростов Ростов
Суурин[1]
Спасс-Яковлевийн сүм
Далбаа Сүлд
Байршил: Ростов
Ростов Байршил: Ростов Орос дахь байршил Ростов Ростов (Ярославль муж) Ярославль муж дахь байршил
Солбицол: 57°11′N 39°25′E
Улс	Орос
Холбооны субъект	Ярославль муж[1]
Байгуулагдсан	862
Засаг захиргаа
• Хотын дарга	Андрей Лось[2]
Өндөр	100 м (300 фут)
Хүн ам  (2010 оны тооллого)[3]
• Нийт	31,792
• Тооцоо  (2018)[4]	30,969 (−2.6%)
Засаг захиргааны статус
• Харьяалагдах нэгж	Ростов мужийн ач холбогдолтой суурин[1]
• Нийслэл нь	Ростовын район,[1] Ростов мужийн ач холбогдолтой суурин[1]
Хотын захиргааны статус
• Хотын район	Ростовын хотын район[5]
• Хотын суурин	Ростов хотын суурин[5]
• Нийслэл нь	Ростовын хотын район, Ростов хотын суурин[5]
Цагийн бүс	UTC+3 (Москвагийн цаг [6])
Шуудангийн код[7]	152150
Залгах код(ууд)	+7 48536
OKTMO ID	78637101001

Түүх

Ростов нь оросын хамгийн эртний хотуудын нэг. Несторын он дараалалд Ростов хотыг анх 862 онд дурдсан байдаг. 988 оны орчим Цэцэн Ярославын удирдлаганд бие даасан вант улсын бүрэлдэхүүний төв болжээ. 991 онд Киевийн Русийн анхны эпархи (хамба ламын сүм) бий болов. 1015 онд Борис ван хорлогдон үхэв. Тэр Оросын Үнэн Алдартны Сүмийн анхны гэгээнтэн байсан юм.

1113 онд Ростов нь ахиад Юрий Долгорукийн байгуулсан вант улсын төв нь болжээ. 1125 онд тэрбээр вангийн ордыг Суздаль руу нүүлгэсэн нь бояруудын нөлөөнөөс зайлах арга нь байлаа. 1207 оноос 1219 оныг хүртэл Константин Всеволодовичийн ноёрхлын үед хот дахин вант улсын төв болов. Энэ үед хотод хүн ам шигүү суурьшсан, вангийн ордонтой, бояруудын төвтэй болон иргэний хамгаалалттай байв. Хотын иргэдийн дийлэнхийг худалдаачид болон гар урчууд бүрдүүлж байлаа. 1238 онд Монголчуудын аян дайны хөлд өртөн хот юу ч үгүй сүйрчээ.

1474 онд их ван III Иван Ростовыг Москвагийн Их Вант Улсад нэгтгэн авснаар хот улс төрийн нөлөөгөө үндсэндээ алдав. Соёл, архитектур, шашны үүднээс авч үзвэл түүний ач холбогдол дараагийн зуунуудад өссөн байдаг. 18-р зуунаас хойш жил бүр зохион байгуулагддаг худалдааны зах ба 19-р зуунд нэхмэлийн үйлдвэрүүд байгуулагдсан нь хотын эдийн засгийн хөгжлийг тодорхойлсоор ирэв.

Хүн амын өсөлт

Он	Хүн ам
1897	13.715
1939	29.808
1959	29.230
1970	30.815
1979	31.538
1989	35.707
2002	34.141
2010	31.792

Тайлбар: Хүн амын тооллогын мэдээлэл

Зургийн цомог

• 
  Ростовын кремль
• 
  Неро нуур ба Спасо-Яковлевскийн хийд
• 
  Ростовын өвөл (1906 он), Константин Юон
• 
  Неро нуур

Цахим холбоос

 Commons: Ростов – Викимедиа зураг, бичлэг, дууны сан

• Районы захиргааны албан ёсны цахим хуудас (оросоор)
• mojgorod.ru цахим хуудсан дахь Ростов хотын тухай мэдээлэл (оросоор)
• Museum Ростовын кремль музей (оросоор)