Умард Чолла муж

Өмнөд Солонгосын нэгдүгээр түвшний 17 нэгж, одоогийн 8 аймгийн нэг нь Умард Чолла (Хойд Чолла, Чоллапүг-ду; Чолла-пук-ду; Чоллабүг-ду; сол. 전라북도, 全羅北道 Jeollabuk-do; Англи: North Jeolla Province; Орос: Чолла-Пукто) юм. 1896 онд Чолла аймгийг хоёр хувааснаар тус аймаг үүсэв. Эхлээд бүхэл Солонгосын аймаг байсан бол 1945 онд Солонгос хоёр хуваагдсанаар БНСУ-ынх болжээ.1896 оноос өмнөх бүхэл Чоллагийн төв байсан Чонжү хотод одоогийн энэ аймгийн засгийн газар байрладаг. Чоллапүгдугийн 8,067 ам дөрвөлжин километр газарт 2010 оны байдлаар 1,777,220 хүн аж төрөн сууж байна.

Ягаан нь Умард Чолла аймаг

Умард Чолла аймаг нь засаг захиргааны эрх үүрэггүй нутаг болох Хунам мужид багтдаг. Баруун талаараа Шар тэнгист тулж, Өмнөд Чүнчон, Умард Чүнчон, Умард Кёнсан, Өмнөд Кёнсан, Өмнөд Чолла гэсэн 5 аймагтай хаяа залгадаг. 1960-аад оноос энд улсын чанартай "Хунам" цардмал замтай болсон нь хурдны зам болж сайжирчээ. Иксан, аймгийн төв Чонжү, далайн боомт Күнсан гурваар ороогдох аж үйлдвэрийн нутаг энэ аймагт бий.

Засаг захиргааны хуваарь

Умард Чолла нь яг доороо 6 хот (시 - ши), 8 хошуу (군 - gun, монголоор күн, үгийн хойно орвол гүн гэж хэлэгдэнэ; Англи: county; Орос: уезд), бүгд 14 нутаг болон хуваагдана.

Газрын зураг	#	Нэр	солонгос	англи	орос	Хүн ам (2010)
	— хот — (시 - ши)
	1	Чоньжү	전주시	Jeonju	Чонджу	649,728
	2	Иксань	익산시	Iksan	Иксан	296,366
	3	Күньсань	군산시	Gunsan	Кунсан	260,546
	4	Чон-Өп	정읍시	Jeongeup	Чонып	110,352
	5	Кимжэ	김제시	Gimje	Кимдже	78,679
	6	Намвонь	남원시	Namwon	Намвон	78,770
	— хошуу — (군 - күнь)
	7	Ваньжү	완주군	Wanju	Ванджу	83,408
	8	Кучан	고창군	Gochang	Кочхан	53,333
	9	Пүань	부안군	Buan	Пуан	50,814
	10	Сүньчан	순창군	Sunchang	Сунчхан	25,241
	11	Имшиль	임실군	Imsil	Имсиль	23,663
	12	Мүжү	무주군	Muju	Муджу	21,827
	13	Чиньань	진안군	Jinan	Чинан	20,446
	14	Чансү	장수군	Jangsu	Чансу	19,424