David Beckham

David Robert Joseph Beckham (twieled fit-2 ta' Mejju 1975) huwa eks-plejer tal-futbol Ingliż li attwalment huwa l-president u ko-proprjetarju ta' Inter Miami u ko-proprjetarju ta' Salford City.

David Beckham

Informazzjoni personali
Isem sħiħ	David Robert Joseph Beckham
Twelid	2 ta' Mejju 1975 (1975-05-02) (50 sena) Leytonstone, Ingilterra
Tul	1.80 m
Rwol	Midfilder
Mixtliet
	Ridgeway Rovers
1987–1991	Tottenham Hotspur
1989–1991	Brimsdown Rovers
1991–1993	Manchester United
Karriera professjonali
Snin	Klabb
1993–2003	Manchester United
1995	→ Preston North End (self)
2003–2007	Real Madrid
2007–2012	Los Angeles Galaxy
2009	→ Milan (self)
2010	→ Milan (self)
2013	Paris Saint-Germain
Tim nazzjonali
1994–1996	Ingilterra U21
1996–2009	Ingilterra

Beckham beda l-karriera professjonali tiegħu ma' Manchester United, fejn iddebutta ta' 17-il sena fl-1992. Ma' United, Beckham rebaħ sitt titli tal-Premier League, żewġ FA Cups, u l-UEFA Champions League fl-1999. Hu ħalla lil Manchester United biex jingħaqad ma' Real Madrid fl-2003, fejn baqa' magħhom għal erba' staġuni u rebaħ it-titlu tal-La Liga fl-aħħar staġun mal-klabb. F'Jannar tal-2007 ġie mħabbar li Beckham kien se jissieħeb mal-klabb Amerikan tal-Major League Soccer, Los Angeles Galaxy, fejn iffirma kuntratt ta' ħames snin fl-1 ta' Lulju ta' wara. Waqt li kien plejer ma' Galaxy, ġie misluf darbtejn lill-klabb ta' Milan fl-2009 u fl-2009.

Fil-kamp internazzjonali, Beckham iddebutta mat-tim nazzjonali tal-Ingilterra fl-1 ta' Settembru 1996, fl-età ta' 21 sena. Hu kien kaptan tat-tim bejn il-15 ta' Novembru 2000 sal-fażi finali tat-Tazza tad-Dinja 2006, fejn lagħab għal 58 darba. Hu lagħab il-100 logħba tiegħu kontra Franza fis-26 ta' Marzu 2008, u b'115-il preżenza hu jibqa' t-tieni l-iktar plejer li għamel preżenzi mat-tim nazzjonali Ingliż.

Beckham spiċċa darbtejn fit-tieni post għall-unur tal-Plejer tas-Sena tal-FIFA u fl-2004 kien l-aktar plejer imħallas fid-dinja meta jiġu inklużi s-salarju u r-reklamar. Beckham kien l-ewwel plejer Brittaniku illi lagħab 100 logħba fiċ-Champions League, u hu hu t-tielet fil-klassifika tal-aktar assists mogħtija fil-Premier League, b'152 assist f'265 dehra.

Hu hu miżżewweġ lil Victoria Beckham u għandhom erbat itfal — Brooklyn Joseph, Romeo James, Cruz David, u Harper Seven. Sal-2009, il-ġid tal-koppja flimkien huwa smat li jammonta mal-£125 sterlina.

Unuri

Klabb

Manchester United

• Premier League: 1995–96, 1996–97, 1998–99, 1999–2000, 2000–01, 2002–03
• FA Cup: 1995–96, 1998–99
• FA Community Shield: 1993, 1994, 1996, 1997
• FA Youth Cup: 1991–92
• UEFA Champions League: 1998–99
• Tazza Interkontinentali: 1999

Real Madrid

• La Liga: 2006–07
• Supercopa de España: 2003

Los Angeles Galaxy

• Major League Soccer: 2011
• MLS Supporters' Shield: 2010, 2011

Individwali

• Plejer tax-Xahar tal-Premier League: Awwissu 1996
• Plejer Żagħżugħ tas-Sena tal-PFA: 1996–97
• Tim tas-Sena tal-PFA: 1996–197, 1997–98, 1998–99, 1999–2000
• Plejer tas-Sena tal-UEFA: 1998–99
• L-Aqwa Midfilder tal-UEFA: 1998–99
• Tim tas-Sena tal-UEFA: 2000–01, 2002–03
• Plejer tas-Sena tal-Ingilterra: 2003

Ħoloq esterni

• (EN) Sit uffiċjali
• David Beckham fuq Soccerbase