Maria De Filippi

Maria De Filippi (twieldet fil-5 ta' Diċembru 1961) hija preżentatriċi televiżiva Taljana, ospitant u sid ta' kumpanija tal-produzzjoni televiżiva msejħa Fascino PGT. Hi waħda mill-iżjed preżentatriċi Taljani popolari fit-televiżjoni Taljana.

Maria De Filippi
Ħajja
Twelid	Milan, 5 Diċembru 1961 (63 sena)
Nazzjonalità	Italja
Familja
Konjuga/i	Maurizio Costanzo  (28 Awwissu 1995 -  24 Frar 2023)
Edukazzjoni
Alma mater	Università ta' Pavia
Lingwi	Taljan
Okkupazzjoni
Okkupazzjoni	preżentatur televiżiv

Bijografija

Maria De Filippi twieldet f'Milan, il-Lombardia, iżda trabbiet f'Pavia fejn il-familja tagħha marret tgħix meta kellha għaxar snin.^[1] Hija miżżewġa mal-preżentatur u l-ospitant televiżiv Maurizio Costanzo u miegħu adottat tifel.^[2][3]

Karriera

Maria De Filippi ospitat diversi talk shows li xxandru fuq l-istazzjoni Canale 5 tal-Mediaset, fosthom Uomini e donne u C'e posta per te. Mill-1993 sal-2021 ospitat it-talent show Amici fuq Canale 5. Dan il-programm huwa simili għas-sensiela Amerikana Fame, u l-format tiegħu huwa simili għal skola tat-talenti mużikali ta' kantanti u żeffiena li jikkompetu kontra xulxin, u jwettqu spettakli f'ħin reali quddiem udjenza, ġurija u għalliema, xi kultant flimkien ma' kantanti u żeffiena professjonisti.^[4] Iż-żeffien Albaniż Kledi Kadiu kien żeffien professjonist li kien jiżfen b'mod regolari fl-ewwel sensiliet tal-programm televiżiv.^[5]

Fl-2001 hija ospitat it-Telegatto flimkien ma' Gerry Scotti. Mill-2009, hi kienet waħda mill-ġurija u mill-produtturi ta' Italia's Got Talent.^[6][7][8]

Marco Carta, Valerio Scanu u Emma Marrone, huma tliet kantanti li varaw il-karrieri tagħhom permezz ta' Amici, u lkoll sussegwentement rebħu l-Festival Mużikali prestiġjuż ta' Sanremo fl-2009, fl-2010, u fl-2012 rispettivament.^[9]

Fost il-programmi televiżivi appoġġati minn Maria de Filippi u mill-produzzjonijiet ta' Fascino PGT hemm Amici, Uomini e donne, C'è posta per te, Italia's Got Talent, Coca-Cola Summer Festival, Temptation Island, Tú sí que vales, Pequeños gigantes, Maurizio Costanzo Show, L'intervista, Selfie - Le cose cambiano, House Party u Ultima fermata.

Filmografija

Sena	Titlu	Rwol	Noti
2002	Natale sul Nilo	Lilha nnifisha	Apparenza kameo
2008	I Cesaroni		Sensiela televiżiva Taljana; l-episodju "La posta del cuore"
2011	Finalmente la Felicità		Apparenza kameo

Programmi televiżivi

Titlu	Sena	Rwol	Noti
Amici	1992-2001	Preżentatriċi	Talent show, preżentatriċi mit-tieni sensiela
Amici di sera	1993-1997	Preżentatriċi	Verżjoni ta' billejl tat-talent show Amici
Forum	1995-1996	Mistiedna regolari	Programm ta' dibattitu proċedurali (il-11-il sensiela)
Uomini e donne	1996-preżent	Preżentatriċi	Reality show ta' dating; kreatriċi wkoll
Buona Domenica	1997-1998	Mistiedna	Varjetà (l-10 sensiela)
Missione impossibile	1998	Preżentatriċi	Reality show; kreatriċi wkoll
Telegatto 2001	2001	Preżentatriċi	Ċerimonja annwali
Amici di Maria De Filippi	2001-preżent	Preżentatriċi	Talent show tal-kant u taż-żfin, li oriġinarjament kien jissejjaħ Saranno Famosi fl-ewwel sensiela
Vero Amore	2005	Preżentatriċi	Reality show (l-ewwel sensiela), mit-tieni sensiela beda jissejjaħ Temptation Island
Striscia la notizia	2005, 2015	Ospitant mistiedna	Varjetà (is-sensiliet 17 u 28)
Unan1mous	2006	Preżentatriċi	Reality show; verżjoni Taljana tal-programm Amerikan Unan1mous
Festival Mużikali ta' Sanremo tal-2009	2009	Koospitant	Festival mużikali annwali
Italia's Got Talent	2009-2013	Ġurija	Talent show (sensiliet 1 sa 5)
Tú sí que vales	2014-preżent	Ġurija	Talent show; kreatriċi wkoll
House Party	2016	Preżentatriċi	Varjetà (episodju 1) flimkien ma' Sabrina Ferilli
Rischiatutto		Mistiedna	Game show; kontestant għal episodju wieħed
Amici VIP	2019	Preżentatriċi	Verżjoni ta' Amici di Maria De Filippi għaċ-ċelebritajiet
Amici Specials	2021-preżent	Preżentatriċi	Web show oriġinali fuq Amazon Prime Video

Premjijiet

• 1995 - Telegatto Intrattenimento con ospiti għal Amici
• 1996 - Telegatto Intrattenimento con ospiti għal Amici di sera^[10]
• 1997 - Telegatto Personaggio femminile dell'anno
• 1998 - Telegatto Intrattenimento con ospiti għal Accadde domani
• 2000 - Telegatto Miglior talk show għal C'è posta per te
• 2001 - Telegatto Miglior talk show għal C'è posta per te
• 2002 - Telegatto Miglior reality show għal Saranno famosi^[11]
• 2002 - Telegatto Trasmissione dell'anno għal Saranno famosi^[11]
• 2003 - Telegatto Miglior reality show għal Amici di Maria De Filippi^[12]
• 2003 - Telegatto Personaggio femminile dell'anno^[12]
• 2008 - Telegatto TeleRatto Speciale di Amianto għal Amici di Maria De Filippi
• 2011 - Wind Music Award Premio Speciale "Arena di Verona"^[13][14]
• 2021 - Seat Music Awards; Premju għar-rwol tagħha fil-mużika Taljana^[15]