Muħammed

Muħammed (bl-Għarbi: مُحَمَّد ٱبْن عَبْد ٱللَّٰه‎, bl-ittri Rumani: Muħammad ibn Għabd Allāh; pronunzjat bl-Għarbi Klassiku: [muˈħammad]; pronunzjat bil-Malti l-iktar bħala [muˈħammed] jew [moˈħammed] jekk mhux verbatim bħall-Għarbi Klassiku; twieled għall-ħabta tal-570 – miet fit-8 ta' Ġunju 632)^[1] kien mexxej Għarbi reliġjuż, soċjali u politiku, u fundatur tar-reliġjon dinjija tal-Iżlam. Skont it-tagħlim Iżlamiku, huwa kien profeta, imnebbaħ b'mod divin biex jipprietka u jikkonferma t-tagħlimiet monoteistiċi ta' Adam, Abram, Mosè, Ġesù, u profeti oħra.^[2][3][4] Huwa l-profeta finali ta' Alla skont il-fergħat prinċipali kollha tal-Iżlam, għalkemm xi denominazzjonijiet moderni ma jaqblux ma' dan it-twemmin. Muħammed għaqqad lill-Arabja f'entità Musulmana waħda, bil-Koran kif ukoll bit-tagħlimiet u prattiki tiegħu bħala l-bażi tat-twemmin reliġjuż Iżlamiku.

"Muħammed il-Messaġġier ta' Alla" mnaqqxa fuq il-bibien tal-Moskea tal-Profeta f'Medina, l-Arabja Sawdija

Muħammed
kap ta' stat 622 - 632
Ħajja
Twelid	Mekka, 570, 20 April 571
Residenza	Mekka Medina
Grupp etniku	Għarab
L-ewwel lingwa	Għarbi
Mewt	Medina, 8 Ġunju 632
Post tad-dfin	Kamra Profetika Mqaddsa
Familja
Missier	Abd Allah ibn Abd al-Muttalib
Omm	Aminah
Konjuga/i	Khadija bint Khuwaylid (en)  (595 -  619) Sawda bint Zamʿa (en)  (619 -  632) Aisha (en)  (619 -  632) Hafsa bint Umar ibn Al-Khattab (en)  (624 -  632) Zaynab bint Khuzayma (en)  (625 -  627) Zaynab bint Jahsh (en)  (627 -  632) Juwayriyya bint al-Harith (en)  (628 -  632) Ramla bint Abi Sufyan (en)  (628 -  632) Rayhana bint Zayd ibn ʿAmr (en)  (629 -  631) Safiyya bint Huyayy (en)  (629 -  632) Umm Salama (en)  (629 -  632) Maria al-Qibtiyya (en)  (630 -  632) Maymunah bint al-Harith (en)  (630 -  632)
Ulied	uri Abd-Allah ibn Muhammad (en) Qasim ibn Muhammad (en) Ibrahim ibn Muhammad (en) Zainab bint Muhammad (mul) Ruqayya bint Muhammad (en) Umm Kulthum bint Muhammad (en) Fatima (en)
Familja	uri Alī ibn Abī Ṭālib (en) (son-in-law (en) , male paternal parallel cousin (en) ) Halimah bint Abi Dhuayb (en) (milk kinship (en) ) Hamza ibn ‘Abd al-Muttalib (en) (paternal uncle (en) , milk kinship (en) ) Abu Talib ibn ‘Abd al-Muttalib (en) (paternal uncle (en) ) Abd al-Muttalib (en) (paternal grandfather (en) ) Hasan ibn Ali (en) (daughter's son (en) ) Husayn ibn Ali (en) (daughter's son (en) ) Zaynab bint Ali (en) (daughter's daughter (en) ) Abbas ibn Abd al-Muttalib (en) (paternal uncle (en) ) Abū Lahab (en) (paternal uncle (en) ) Safiyyah bint ‘Abd al-Muttalib (en) (paternal aunt (en) ) Harith ibn ‘Abd al-Muttalib (en) (paternal uncle (en) ) Az-Zubayr ibn ‘Abd al-Muttalib (en) (paternal uncle (en) ) Umm Kulthum bint Ali (en) (daughter's daughter (en) )
Tribù	Banu Hashim (en)
Edukazzjoni
Lingwi	Għarbi
Studenti	uri Anas ibn Malik (en) Abd Allah ibn Abbas (en) Uqbah ibn Amir (en) Zayd ibn Thabit (en)
Okkupazzjoni
Okkupazzjoni	ragħaj speditur merkant profeta predikatur politiku mexxej militari
Servizz militari
Iġġieldu	Expeditions of Muhammad (en) Battalja ta' Badr Battalja ta' Uhud Battalja tat-Trunċiera Battalja ta' Khaybar Battalja ta' Hunayn Battalja ta' Tabouk

Muħammed twieled bejn wieħed u ieħor fil-570 (is-Sena tal-Iljunfant) fil-Mekka. Huwa kien iben Abdullah ibn Abd al-Muttalib u Amina bint Wahb. Missieru kien iben il-mexxej tribali tal-Qurajx Abd al-Muttalib ibn Hashim, u Abdullah miet ftit xhur qabel twieled Muħammed. Ommu Amina mietet meta kellu sitt snin, u ħallietu orfni.^[5] Huwa trabba ma' nannuh, Abd al-Muttalib, u ma' zijuh min-naħa ta' missieru, Abu Talib.^[6] Iktar 'il quddiem, huwa kien perjodikament joqgħod għalih f'għar fil-muntanji msejjaħ Hira għal diversi ljieli ta' talb. Meta kellu 40 sena, Muħammed sostna li żaru Gabrijel fl-għar^[7][8] u li tah l-ewwel rivelazzjoni minn Alla. Fis-613^[9], Muħammed beda jipprietka dawn ir-rivelazzjonijiet pubblikament, u beda jipproklama li tewħid (Alla hu wieħed), li s-"sottomissjoni" (iżlam) sħiħa lill-Alla kienet l-istil ġust tal-ħajja (dīn)^[10], u li hu kien profeta u messaġġier ta' Alla, bħal profeti oħra fl-Iżlam.^[11][12][13]

"Muħammed" miktuba bil-kalligrafija Iżlamika ta' Thuluth

Is-segwaċi ta' Muħammed inizjalment kont tgħoddhom fuq ponot subgħajk, u esperjenzaw ostilità mill-politeisti tal-Mekka għal 13-il sena. Sabiex jaħrab il-persegwitazzjoni kontinwa, huwa bagħat lil uħud mis-segwaċi tiegħu lejn l-Abissinja fis-615, qabel ma hu u s-segwaċi tiegħu ma marrux mill-Mekka għal Medina (dak iż-żmien magħrufa bħala Jatrib) iktar 'il quddiem fis-622. Dan l-avveniment, il-Hiġra, jimmarka l-bidu tal-kalendarju Iżlamiku, magħruf ukoll bħala l-kalendarju Hijri. F'Medina, Muħammed għaqqad it-tribujiet taħt il-Kostituzzjoni ta' Medina. F'Diċembru 629, wara tmien snin ta' ġlied intermittenti mat-tribujiet tal-Mekka, Muħammed ġabar armata ta' 10,000 ikkonvertit Musulman u assedja l-belt tal-Mekka. Il-ħakma bilkemm kienet ikkontestata u Muħammed ħataf il-belt bi ftit tixrid tad-demm. Fis-632, ftit xhur wara li rritorna mill-Pellegrinaġġ tat-Tluq, huwa marad u miet. Sal-mument ta' mewtu, il-biċċa l-kbira tal-Peniżola tal-Arabja kienet ikkonvertiet għall-Iżlam.

Ir-rivelazzjonijiet (magħrufa individwalment bħala Ajah – litteralment "Sinjal [ta' Alla]") li Muħammed kien sostna li rċieva sa mewtu jiffurmaw il-versi tal-Koran, meqjus mill-Musulmani bħala verbatim "il-Kelma ta' Alla" li fuqha hija bbażata r-reliġjon. Apparti l-Koran, it-tagħlimiet u l-prattiki ta' Muħammed imsejħa Sunna (bl-Għarbi: سنّة, sunnah), li jinsabu fil-letteratura Ħadit u sira (bijografija tal-Profeta), jitqiesu u jintużaw bħala sorsi tal-liġi Iżlamika.

Ismijiet u appellazzjonijiet mill-Koran

Folja minn Koran bikri miktub bil-kalligrafija Kufi (il-perjodu Abbasida, is-sekli 8-9)

L-isem Muħammed (/mʊˈhæməd, -ˈhɑːməd/) ifisser "dak li jistħoqqlu t-tifħir" u jidher erba' darbiet fil-Koran. Il-Koran jindirizza wkoll lil Muħammed fit-tieni persuna b'diversi appellazzjonijiet; profeta, messaġġier, qaddej jew skjava ta' Alla (għabd, relatata bil-kelma l-Malti għabid), ħabbar it-tajba (baxir) fil-Koran 2:119, xhud (xahid) fil-Koran 33:45, dak li jwassal il-bxara t-tajba (mubaxxir), dak li jwissi (nathir) fil-Koran 11:2, dak li jfakkar (muthakkir) fil-Koran 88:21, dak li jsejjaħ [lill-Alla] (dā'ī) fil-Koran 12:108, id-dawl personifikat (nūr) fil-Koran 5:15, u l-lampa li tagħti d-dawl (siraġ munir) fil-Koran 33:46.