SK Rapid Wien
From Wikipedia, the free encyclopedia
Remove ads
Sportklub Rapid Wien (magħruf bl-Ingliż bħala Rapid Vienna) huwa klabb tal-futbol Awstrijak li huwa bbażat ġewwa l-belt kapitali Vjenna. Rapid huwa l-aktar klabb tal-futbol popolari fl-Awstrija, u l-aktar li għandhu suċċess f'termini ta' titli tal-kampjonat. Huma għandhom 32 titlu tal-kampjonat Awstrijak, u kampjonat Ġermaniż fl-1941 matul l-okkupazzjoni Nażista. Rapid darbtejn laħqu l-finali tal-UEFA Cup Winners' Cup fl-1985 u l-1996, iżda tilfu ż-żewġ okkażjonijiet.
Il-klabb huwa spiss magħruf bħala Die Grün-Weißen (Ħodor-Bojod) għall-kuluri tiegħu jew bħala Hütteldorfer, b'referenza għall-post tal-Istadju Gerhard Hanappi, li huwa ġewwa Hütteldorf, parti tal-14-il distrett tal-belt, Penzing.
Remove ads
Storja
Bidu
Il-klabb kien fondat fl-1898 bħala Erster Wiener Arbeiter-Fußball-Club (L-ewwel Ħaddiema ta' Klabb tal-Futbol ġewwa Vjenna). Il-kuluri oriġinali tat-tim kienu aħmar u blu, li għadhom ta 'spiss użati fil-logħbiet ta' barra minn darhom. Fit-8 ta' Jannar 1899 il-klabb issemma mill-ġdid, li ġie għall-isem attwali tiegħu Sportklub Rapid Wien, wara l-eżempju ta' Rapide Berlin. Fl-1904, il-kuluri tat-tim ġew mibdula għal aħdar u abjad. Il-klabb rebaħ l-ewwel kampjonat nazzjonali Awstrijak fl-istaġun li kellhom punt vantaġġ fuq it-tim ta' taħtom,[1] u dan reġa ġara fl-istaġun ta 'wara.[2]
Bejn il-Gwerer dinjija
Rapid saru forza dominanti matul is-snin bejn il-gwerer dinjija, fl-era fejn l-Awstrija kienet waħda min-nazzjonijiet tal-futbol ewlenin fil-kontinent. Din kien l-ewwel rebħa ta' tlett titli infila mill-1919 sal-1921.[3] Wara l-annessjoni tal-Awstrija għall-Ġermanja fl-1938, Rapid issieħbu fis-sistema tal-futbol Ġermaniż, li lagħbu fl-ewwel diviżjoni reġjonali Gauliga Ostmark flimkien mal-klabbs bħal Wacker Wien u Admira Vienna. Rapid kienu l-aktar ta 'suċċess minn dawn il-klabbs. Huma rebħu t-Tschammerpokal, li llum imsejħa t-Tazza Ġermaniża, fl-1938 b'rebħa ta' 3–1 kontra FSV Frankfurt, u segweni mal-Kampjonat Ġermaniż fl-1941 meta għelbu lil Schalke 04, l-aktar klabb dominanti Ġermaniż tal-era. Rapid irnexxilhom jiskorjaw 4 gowls meta kienu qedgħin jitilfu 0-3.
Wara Tieni Gwerra Dinjija
Peress li kienu rebbieħa fl-istaġun 1954-55, Rapid kienu parteċipant Awstrijaċi għat-Tazza Ewropea fl-istaġun ta' wara. Huma ġew imfassla fl-ewwel rawnd kontra PSV Eindhoven tal-Olanda, u fetħu b'rebħa kbira ta' 6-1 f'darhom b'Alfred Körner jiskorja 3 gowls importanti. Iżda imbagħad tilfu barra minn darhom 1-0. It-tim kien għadu avvanzat għal kwarti tal-finali, meta dawn bdew bid-dro ta' 1-1 f'darhom kontra t-Taljani AC Milan qabel ma kienu melgħuba 7-2 ġewwa San Siro u tilfu 8-3 bl-aggregat. [4]
L-aħjar prestazzjoni ta' Rapid fit-Tazza Ewropea kienet fl-istaġun 1960-61 meta laħqu s-semifinali qabel ma ġew eliminata mir-rebbieħa eventwali SL Benfica tal-Portugall tilfu 4-1 bl-aggregat. Preċedentement, fil-kwarti tal-finali, l-klabb kien ħtieġ biex jerġa jilgħab kontra l-klabb Ġermaniż Aue mit-turnew wara aggregat ta' 3-3. Ir-regola moderna tal-gowls barra mid-dar kienet tara lil-Aue javvanzaw mingħajr ma jkun hemm logħba, li saret f'St Jakob Park fin-newtral ta' Basel, l-Żvizzera. [5]
Il-klabb kien involut f'episodju kontroversjali fl-1984 meta eliminaw lil-klabb Skoċċiż Celtic fl-aħħar sittax tal-UEFA Cup Winners' Cup. Celtic kellhom vantaġġ ta' 4-3 bl-aggregate b'14-il minuta għat-tmiem tal-logħba, filwaqt li Rapid kellhom penalti. Peress li l-plejers ta' Rapid ipprotestaw għall-uffiċjal tal-logħba, id-difensur tagħhom Rudolf Weinhofer waqgħa fil-grawnd, u ntlaqgħat minn flixkun li tefgħu l-partitarji. Ir-ritatti tat-Televiżjoni urew biċ-ċar li l-flixkun li kien intefa 'fuq il-grawnd ma laqatx il-plejer. Il-logħba spiċċat 4-3, imma Rapid appellat lil-UEFA biex il-logħba terġa tintlagħab, u ż-żewġ timijiet kienu mmultati. Il-UEFA ma aċċettatx dan, imma Rapid appellaw għat-tieni darba. F'din l-okkażjoni, Il-multa ta' Rapid kienet ġiet irdoppjata, iżda l-UEFA stipulat ukoll li l-logħba tkun imwarrab 100 mil mill-grawnd tas-Celtic. Il-logħba kienet saret fit-12 ta 'Diċembru 1984 f'Old Trafford, Manchester, l-Ingilterra u Rapid rebħu 1–0 permezz tal-gowl magħmul minn Peter Pacult.
Rapid laħqu l-ewwel finali Ewropew fl-1985, iżda tilfu 3-1 kontra Everton tal-Ingilterra ġewwa Rotterdam. Ħdax-il sena wara, fil-finali tal-istess turnew fi Brussel, Rapid tilfi 1-0 kontra Paris SG ta' Franza.[6]
Rapid laħqu l-Fażi tal-Grupp fil-UEFA Champions League għal żmien aktar riċenti fl-istaġun 2005-06 wara li għelbu lil Dudelange tal-Lussemburgu b'aggregat ta' 9-3 u mbagħad rebħu lil Lokomotiv Moscow 2-1 bl-aggregat fil-play-off wara rebħa ta' 1-0 fir-Russja. Huma eventwalment spiċċaw l-aħħar fil-grupp tagħhom wara li tilfu l-logħbiet kollha tagħhom ma Bayern Munich, Juventus u Club Brugge. [7]
Remove ads
Unuri
Rapid huwa klabb li għandhu l-aktar unuri fl-Awstrija, rebbieħa total ta '32 darba sal-lum. Il-rebaħ Kampjonat Ġermaniż u Tazza Ġermaniża filwaqt li kien parti mill-kompetizzjoni tal-futbol ta' dak il-pajjiż mill-istaġun 1938–45, wara l-annessjoni tal-Awstrija mill-Ġermanja fit-12 ta' Marzu 1938.
- Kampjonat Nazzjonali Awstrijak (32): 1912, 1913, 1916, 1917, 1919, 1920, 1921, 1923, 1929, 1930, 1935, 1938, 1940, 1941, 1946, 1948, 1951, 1952, 1954, 1956, 1957, 1960, 1964, 1967, 1968, 1981–82, 1982–83, 1986–87, 1987–88, 1995–96, 2004–05, 2007–08
- Tazza Awstrijaka (14): 1919, 1920, 1927, 1946, 1961, 1968, 1969, 1972, 1976, 1983, 1984, 1985, 1987, 1995
- Supercup Awstrijaka: 1986, 1987, 1988, 2008 (edizzjoni mhux uffiċjali)
- Kampjonat Ġermaniż: 1941
- Tazza Ġermaniża: 1938
- Tazza Mitropa: 1930, 1951
- Intertoto Cup: 1992, 1993
- Cup Winners' Cup Runners Up: 1985, 1996
Remove ads
Plejers notevoli
|
|
|
Kowċis
|
|
|
Remove ads
Referenzi
Ħoloq esterni
Wikiwand - on
Seamless Wikipedia browsing. On steroids.
Remove ads