Vadis Odjidja-Ofoe

Vadis Odjidja-Ofoe (Gent, 21 ta' Frar 1989) huwa plejer tal-futbol Belġjan li jilgħab bħala midfilder mal-klabb Belġjan ta' Gent.

Vadis Odjidja-Ofoe

Informazzjoni personali
Isem sħiħ	Vadis Odjidja-Ofoe
Twelid	21 ta' Frar 1989 (1989-02-21) (36 sena) Ghent, Belġju
Tul	1.85m
Rwol	Midfilder
Informazzjoni fuq il-klabb
Klabb attwali	Gent
Numru	8
Mixtliet
1994–1999	Gent
1999–2007	Anderlecht
Karriera professjonali
Snin	Klabb
2007–2008	Anderlecht
2008–2009	Hamburger SV
2009–2014	Club Brugge
2014–2016	Norwich City
2015–2016	→ Rotherham United (self)
2016–2017	Legia Warsaw
2017–2018	Olympiacos
2018–	Gent
Tim nazzjonali
2004	Belġju U15
2007	Belġju U18
2007	Belġju U19
2007–2009	Belġju U21
2010–2012	Belġju

Karriera

Hu ngħaqad mat-tim lokali tiegħu KAA Gent fl-età ta' ħames snin. Huwa lagħab ukoll għal RSC Anderlecht. Odjidja-Ofoe kien parti mit-tim riżerv ta' Anderlecht li rebħu l-kampjonat tar-riżervi (2006–07). Fl-istaġun 2007–08, huwa ġie promoss għall-ewwel tim ta' Anderlecht. Fit-22 ta' Diċembru 2007, Vadis skorja l-ewwel gowl tiegħu fid-debutt sħiħ tiegħu għal Anderlecht f'logħba kontra RAEC Mons.

F'Jannar 2008, kien iffirma ma Hamburger SV.^[1] Fid-9 ta' Jannar 2009, huwa telaq lil Hamburg u mar ma' Club Brugge KV bi prezz ta' 900.000 Ewro wara sena li għamel fil-Bundesliga.^[2]

Internazzjonali

Odjidja kien imssejjaħ mat-tim tal-Belġju U23 għall-Olimpjadi tas-Sajf 2008. Huwa ħa sehem f'żewġ logħbiet; rebħa tal-fażi tal-grupp kontra l-ospiti Ċina u f'telfa ta' 4–1 fis-semi-finali kontra n-Niġerja.

F'Novembru 2010, huwa applika għal passaport Ganiż u ssuġġerixxa li huwa jista' jiġi interessat li jirrappreżenta lil Gana fil-futbol internazzjonali fil-futur.^[3] Fis-17 ta' Novembru, huwa għamel id-debutt tiegħu għall-Belġju fi ħbiberija internazzjonali kontra r-Russja. Huwa daħal bħala sostitut minflok Eden Hazard fid-90 minuta.

Hu għamel it-tieni dehra tiegħu għall-Belġju f'logħba kwalifikanti tal-Kampjonati Ewropej 2012 kontra l-Ażerbajġan f'Marzu 2011, għal darb'oħra ġie bħala sostitut fid-90 minuta, billi ssostitwixxa lil Steven Defour. Fit-tielet ħarġa internazzjonali tiegħu huwa ssostitwixxa lil Defour darb'oħra fit-63 minuta f'logħba tal-Belġju kontra l-Każakstan. Bħala riżultat ta' logħob ta' kwalifiki tal-Kampjonati Ewropej 2012, Odjidja m'għadux eliġibbli biex jilgħab għall-Gana.

Ħajja personali

Huwa għandhu nofs l-oriġini tiegħu mill-Gana,missieru mill-Gana u ommu minn Gent fil-Belġju. Hu jitkellem bl-Olandiż u Franċiż.