General Motors
From Wikipedia, the free encyclopedia
Modelo:Anfo/Ampresa
General Motors Corporation, tamien coincida solo pula sigla GM, ye ua multinacional cun sede an Detroit, ne ls Stados Ounidos, cuja percipal ária de negócios ye la porduçon de outomobles.
La GM ten bárias marcas ne l sou portfólio, antre las quales, las quatro marcas ouriginales d'outomobles de la GM: Buick, Cadillac, Chebrolet, i Pontiac (fui zatibada an 2010), para alhá de la GMC, que fabrica sclusibamente caminones, grandes Modelo:PBPE2 i camionetes; i outras marcas, cumo: Daewo, Holden, Hummer ( que quaije fui bendida para un grupo chinés), Oupel, Saturn, i Bauxhall. Ye dona tamien, de 50,7% de la GM Daewo i de 34% de la Wuling. Ye inda parceira de la Isuzu. Tubo tamien participaçon na Lada de la Rússia.
La marca Saab fui bendida pa la Koenigsegg, mas la GM cuntinará fornecendo motores i plataformas pa la Saab. Nun hai ua defeniçon de tiempo qu'esso cuntinará a acuntecer, mas será de, ne l mínimo, cinco anhos. La cuncretizaçon de l'ouparaçon de benda debe acuntecer an setembre de 2009 i será an parte financiada por un ampréstimo de l Banco Ouropeu de Ambestimiento i co-assinado pul gobierno sueco.[1]
To este grupo faç de la GM la maior montadora d'outomobles de l mundo, ampregando 252.000 trabalhadores.[2]
L'ampresa fui líder de bendas por 77 anhos cunsecutibos - de 1931 la 2007. Fabrica carros i caminones an 34 países. Bende beiclos an cerca de 140 países. An 2008, 8,35 milhones ounidades fúrun bendidas an to l mundo, sob las sues dibersas marcas.[3]