Guerra de l Afeganistan
From Wikipedia, the free encyclopedia
La Guerra de l Afeganistan ó ambason sobiética de l Afeganistan fui un cunflito armado de nuobe anhos antre tropas sobiéticas, que apoiában l gobierno marxista de l Afeganistan, i ansurgentes mujahidin afegones, que percurában derrubar l regime quemunista ne l paíç. Ne l cuntesto de la Guerra Frie, la Ounion Sobiética apoiou l gobierno, anquanto que ls rebeldes recebírun apoio de ls Stados Ounidos, de l Paquiston i de outros países muçulmanos. L cunflito coincidiu ne l tiempo cula Reboluçon Eiraniana (1979) i la Guerra Eiran-Eiraque.
Las purmeiras tropas sobiéticas a antrar ne l Afeganistan chegórun an 25 de dezembre de 1979. La retirada final ampeçou an 15 de maio de 1988 i fui cuncluída an 15 de febreiro de 1989. Debido al alto custo i al resultado malogrado para aqueilha superpoténcia de la Guerra Frie, la anterbençon sobiética ne l Afeganistan questuma ser cumparada al que fui, pa ls Stados Ounidos, la Guerra de l Bietname. Alguns studiosos pénsan que l custo eiquenómico i melitar de la guerra cuntribuiu cunsidrablemente pa la colapso de la Ounion Sobiética an 1991[1].
Este cunflito ye un capítulo de la lhonga guerra cebil afegana, que ampeçou an 1978 i perdura até hoije.