![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/0d/GMR.png/640px-GMR.png&w=640&q=50)
Guimarães
From Wikipedia, the free encyclopedia
![](http://upload.wikimedia.org/wikipedia/commons/thumb/4/4a/Disambig_grey.svg/20px-Disambig_grey.svg.png)
Guimaráes (an pertués: Guimarães) ye ua cidade pertuesa situada ne l Çtrito de Braga, region Norte i sub-region de l Abe (ua de las sub-regiones mais andustrializadas de l paíç), cun ua populaçon de 52 181 habitantes, repartidos por ua malha ourbana de 23,5 Km², an 20 freguesies i cun ua densidade populacional de 2 223,9 hab/Km².[2]
![]() |
![]() |
Brason | Bandeira |
![]() Castielho de Guimarães | |
![]() | |
Gentílico | bimaranense; guimaranense (ralo) |
Ária | 241,05 km² |
Populaçon | 158 124[1] hab. (2011) |
Densidade populacional | auto hab./km² |
N.º de freguesies | 69 |
Fundaçon de l munecípio (ó foral) |
1096? (Cunde D. Anrique) |
Region | Norte |
Subregion | Abe |
Çtrito | Braga |
Antiga porbíncia | Minho |
Ourago | Nuossa Senhora de la Oulibeira i San Gualter |
Feriado municipal | 24 de Júnio (Batailha de San Mamede) |
Código postal | 48__-___ Guimarães |
Andereço de ls Paços de l Cunceilho |
Largo Cónego José Maria Gomes 4800-419 Guimarães |
Sítio oufecial | Nun çponible |
Andereço de correio eiletrónico |
geral@cm-guimaraes.pt |
Munecípios de Pertual ![]() |
Ye sede dun munecípio cun 241,05 Km² de ária i 158 124 habitantes (2011)[1] (an queda se cumparada cula populaçon stimada de 162 592 habitantes an 2009[3] i als Censos de 2001), subdebidido an 69 freguesies, sendo que la maiorie de la populaçon reside na cidade i na sue zona periférica. L munecípio ye lhemitado a norte pul munecípio de Póboa de Lhanhoso, a lheste por Fafe, a sul por Felgueiras, Bizela i Santo Tirso, a oeste por Bila Nuoba de Famalicon i a noroiste por Braga.
Ye ua cidade stórica, cun un papel crucial na formaçon de Pertual, i que cunta yá cun mais dun milénio zde la sue formaçon, altura an qu'era zeignada cumo Vimaranes. Podendo este chamadeiro tener tenido ourige an Bímara Peres, ne ls meados de l seclo IX, quando fizo deste lhocal l sou percipal centro gobernatibo de l cundado Portucalense que tenie cunquistado pa l Reino de Galiza i adonde bieno a falecer.
Guimaráes ye ua de las mais amportantes cidades stóricas de l paíç, sendo l sou centro stórico cunsidrado Património Cultural de la Houmanidade, tornando-la defenitibamente un de ls maiores centros turísticos de la region. Las sues rues i monumientos respiran stória i ancantan quien la bejita.
La Guimaráes atual soube cunceliar, de a melhor forma, la stória i cunsequente manutençon de l patrimonho cul dinamismo i amprendedorismo que caraterizan las cidades modernas, que se manifestou na nomeaçon para Capital Ouropeia de la Cultura an 2012, fatores que lhiebórun Guimarães a ser eileita pul New York Times cumo un de ls 41 lhocales a bejitar an 2011 i la cunsidrá-a un de ls eimergentes puntos culturales de la Península Eibérica.[4]
Guimaráes ye muitas bezes zeignada cumo "Cidade Vrício", debido al fato ende tener sido stablecido l centro admenistratibo de l Cundado Portucalense por D. Anrique i por sou filho D. Fonso Heinriques poder tener nacido nesta cidade i fundamentalmente pula amportança stórica que la Batailha de San Mamede, trabada na periferie de la cidade an 24 de Júnio de 1128, tubo pa la formaçon de la nacionalidade. Assi i to, las necidades de la Reconquista i de proteçon de territórios la sul lhebou esse mesmo centro para Coimbra an 1129.
Ls "Bimaranenses" son ourgulhosamente tratados por "Cunquistadores", fruito dessa hardança stórica de cunquista ampeçada percisamente an Guimaráes.