![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/33/Gutenberg.jpg/640px-Gutenberg.jpg&w=640&q=50)
Johannes Gutenberg
From Wikipedia, the free encyclopedia
Johannes Gensfleisch zur Laden zun Gutenberg, ó simplesmente Johannes Gutenberg (Mogúncia, c. 1398 - 3 de Febreiro de 1468) fui un ambentor i gráfico alman. Sue ambençon de l tipo macánico moble para ampresson ampeçou la Reboluçon de la Amprensa i ye amplamente cunsidrado l'eibento mais amportante de l período moderno.[1] Tubo un papel fundamental ne l zambolbimiento de la Renacença, Reforma i na Reboluçon Científica i lançou las bases materiales pa la moderna eiquenomie baseada ne l coincimiento i la desseminaçon de la daprendizaige an massa.
Gutenberg | |
---|---|
![]() | |
Nacimiento | cerca de 1398 |
Muorte | 3 de febreiro de 1468 (apross. 70 anhos) |
Acupaçon | grabador, gráfico, ambentor |
Gutenberg fui l purmeiro ne l mundo a ousar l'ampresson por tipos mobles, por buolta de 1439, i l'ambentor global de la prensa moble. Antre sues muitas cuntribuiçones pa l'ampresson stan: l'ambençon dun porcesso de porduçon an massa de tipo moble, l'outelizaçon de tinta la base de ólio i inda l'outelizaçon dua prensa de madeira similar a la prensa de parafuso agrícola de l período. Sue ambençon berdadeiramente memorable fui la cumbinaçon desses eilemientos nun sistema prático que permitiu la porduçon an massa de libros ampressos i qu'era eiquenomicamente rentable para gráficas i leitores. L método de Gutenberg para fazer tipos ye tradecionalmente cunsidrado tener ancluído ua liga de tipo de metal i un molde manual pa la cunfeçon de l tipo.
L'uso de tipos mobles fui un marcante aperfeiçoamiento ne ls manuscritos, qu'era l método anton eisistente de porduçon de libros na Ouropa, i na ampresson an blocos de madeira, rebolucionando l modo de fazer libros na Ouropa. La tecnologie d'ampresson de Gutenberg spalhou-se debrebe por to la Ouropa i mais tarde pul mundo.
Sue obra maior, la Bíblia de Gutenberg (tamien coincida cumo la Bíblia de 42 linhas), fui aclamada pula sue alta stética i culidade técnica.