![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/63/Flag_of_Macau.svg/langmwl-640px-Flag_of_Macau.svg.png&w=640&q=50)
Macau
From Wikipedia, the free encyclopedia
Macau (chinés: 澳門; pinyin: Àomén) fui ua antiga quelónia pertuesa até 20 de Dezembre de 1999, quando la sue soberanie fui trasferida pa la República Popular de la China (RPC), tornando-se nua Region Admenistratiba Special. L'acupaçon i admenistraçon pertuesa durou 442 anhos. Passado la trasferéncia de soberanie, l nome cumpleto i oufecial de Macau ye: Region Admenistratiba Special de Macau de la República Popular de la China.[1][2]
![Bandeira de Macau](http://upload.wikimedia.org/wikipedia/commons/thumb/6/63/Flag_of_Macau.svg/640px-Flag_of_Macau.svg.png)
![Localizaçon](http://upload.wikimedia.org/wikipedia/commons/thumb/a/a7/Macau-CIA_WFB_Map.png/320px-Macau-CIA_WFB_Map.png)
![Thumb image](http://upload.wikimedia.org/wikipedia/commons/thumb/4/49/Lago_Nam_Van%2C_Macao%2C_2013-08-08%2C_DD_05.jpg/640px-Lago_Nam_Van%2C_Macao%2C_2013-08-08%2C_DD_05.jpg)
Segundo l percípio de l Gobierno Popular Central de la RPC de "un paíç, dous sistemas"[3] i la Lei Básica de la Region Admenistratiba de Macau, esta cidade chinesa goza dun statuto especial, semelhante al de Ḥong Kong. Ten ua eilebada outonomie an todos ls aspetos i assuntos relacionados culha, scetuando an assuntos relacionados cula defesa i ls negócios strangeiros (política sterna) sendo que, nesta redadeira sfera Macau goza inda assi d'algua outonomie. La Lei Básica i la "Declaraçon Cunjunta Chinesa-Pertuesa subre la Queston de Macau" specifican que l sou sistema eiquenómico-financeiro (de caráter capitalista), social, fiscal, de sigurança i de cuntrolo de l'eimigraçon i de las frunteiras, bien cumo ls dreitos i las libardades de ls sous cidadanos eiran manter-se einalterables pul menos até 2049.
Macau queda ne l sudeste de la China Cuntinental, a Oeste de la foç de l riu de las Pérolas i ye adjacente a la porbíncia de Guangdong. Mais percisamente, esta cidade queda a 22° 10' Norte (latitude) i 113° 33' Leste (longitude). Ye custituída por ua península i dues ilhas (Taipa i Coloane, antretanto lhigadas por tierra seca, l istmo de Cotai), nua superfice total de 28,6 Km². Ten cerca de 540 mil habitantes, sendo aprossimadamente 94% d'etnia chinesa.
Macau ye ua pequeinha eiquenomie de mercado, stremamente abierta i liberal, cun lhibre circulaçon de capitales, cumo resulta de la sue longa stória cumo porto franco. La moneda ousada an Macau ye la pataca i ancontra-se andexada al dólar de Hong Kong. Esta eiquenomie baseia-se ne l jogo i ne l turismo, sendo que l jogo repersenta ua parte seneficatiba de l PIB de Macau.