Pluton
From Wikipedia, the free encyclopedia
Pluton (simbolos: [1] i ;[2] oufecialmente 134340 Pluton) ye un planeta nano i un plutóide[3] de l Sistema Solar, nua region coincida cumo cinturon de Kuiper. Sue órbita, scéntrica, ye furtemente anclinada an relaçon als planetas. De l 248 anhos que demora la para fazer la traslaçon an buolta de l Sol, Pluton passa 20 anhos mais acerca de l sol de l que Netuno; ne l restante de la órbita, queda para alhá de Netuno.
Pluton | |
---|---|
Planeta nano | |
Caratelísticas orbitais | |
Caratelísticas físicas |
Ten un satélite maior chamado Caronte i dous menores, çcubiertos an 2005 pul telscópio spacial Hubble i que recebírun de la Ounion Astronómica Anternacional (OAI) ls nomes mitológicos de Nix i Heidra. Un de ls motibos de la scuolha desses nomes fúrun las einiciales M i H que coinciden cula Sonda spacial New Horizons' ', que an 2015 bejitará l sistema Pluton - Caronte i tamien esses nuobos satélites.
Até 2006, Pluton era cuntado cumo un planeta percipal; mas la çcubierta de bários cuorpos celhestres de tamanho cumparable i até mesmo la dun outro oubjeto maior ne l Cintura de Kuiper fizo cun que la UAI, an 24 de agosto, durante ua cunferéncia de la ourganizaçon, decidisse cunsidrá-lo cumo un "planeta-nano",[4] juntamente cun Éris i Ceres (este redadeiro localizado ne l cinturon de asteróides antre Marte i Júpiter). Pluton ye bisto agora cumo l purmeiro dua catadorie de oubjetos tranes-netunianos cuja chamaçon, "plutóides", fui aprobada pula UAI an 11 de júnio de 2008.
An setembre de 2006, la OAI dou a Pluton l númaro 134340 ne l catálogo de planetas menores, de modo a refletir la sue nuoba cundiçon de planeta nano.