ကမ္ဘာ့ မိုးလေဝသအဖွဲ့

ကမ္ဘာ့ မိုးလေဝသ အဖွဲ့ (အင်္ဂလိပ်: World Meteorological Organization - WMO) သည် ကုလသမဂ္ဂ၏ အထူးပြုအေဂျင်စီတစ်ခုဖြစ်ပြီး ကမ္ဘာ့လေထုဆိုင်ရာ သိပ္ပံပညာ၊ ရာသီဥတုဗေဒ၊ ဇလဗေဒနှင့် ဘူမိရူပဗေဒတို့တွင် နိုင်ငံတကာ ပူးပေါင်းဆောင်ရွက်မှုကို မြှင့်တင်ရန် တာဝန်ယူသည်။

ကမ္ဘာ့ မိုးလေဝသအဖွဲ့

World Meteorological Organization المنظمة العالمية للأرصاد الجوية Organisation météorologique mondiale Organización Meteorológica Mundial Всемирная Метеорологическая Организация 世界气象组织
ကမ္ဘာ့ မိုးလေဝသအဖွဲ့၏ အလံ
အတိုကောက်	WMO OMM
ဖွဲ့စည်းခြင်း	၁၉၅၀
အမျိုးအစား	ကုလသမဂ္ဂ၏ လက်အောက်ခံအဖွဲ့အစည်း
တရားဝင်အနေအထား	Active
ဌာနချုပ်	ဂျနီဗာမြို့၊ ဆွစ်ဇာလန်နိုင်ငံ
အကြီးအကဲ	Celeste Saulo  အာဂျင်တီးနား (အထွေထွေအတွင်းရေးမှူး)
ဝက်ဘ်ဆိုဒ်	wmo.int

ဤအဖွဲ့အစည်းသည် မူလက ၁၈၇၃ ခုနှစ်တွင် တည်ထောင်ခဲ့သော အပြည်ပြည်ဆိုင်ရာ မိုးလေဝသ အဖွဲ့ (International Meteorological Organization - IMO) မှ ဆင်းသက်လာခြင်းဖြစ်သည်။ ကမ္ဘာ့ မိုးလေဝသ အဖွဲ့ကို WMO ညီလာခံကို အခြေခံ၍ ၁၉၅၀ ပြည့်နှစ် မတ်လ ၂၃ ရက်နေ့တွင် တည်ထောင်ခဲ့ပြီး ၁၉၅၁ ခုနှစ်တွင် ကုလသမဂ္ဂ၏ အထူးပြုအေဂျင်စီ ဖြစ်လာခဲ့သည်။

ကမ္ဘာ့ မိုးလေဝသ အဖွဲ့၏ ရုံးချုပ်သည် ဆွစ်ဇာလန်နိုင်ငံ၊ ဂျီနီဗာမြို့တွင် တည်ရှိသည်။ အဖွဲ့ဝင်နိုင်ငံများနှင့် နယ်မြေများသည် ကမ္ဘာလုံးဆိုင်ရာ မိုးလေဝသ စောင့်ကြည့်လေ့လာမှုစနစ် (Global Observing System) ကို ထူထောင်ထိန်းသိမ်းခြင်း၊ မိုးလေဝသနှင့် ရာသီဥတုဆိုင်ရာ အချက်အလက်များ ဖလှယ်ခြင်းနှင့် သုတေသနပြုမှုများ ပူးပေါင်းဆောင်ရွက်ခြင်းဖြင့် ဘေးအန္တရာယ် ကြိုတင်ခန့်မှန်းမှုနှင့် ရာသီဥတုပြောင်းလဲမှုများကို လေ့လာရာတွင် အရေးပါသော အခန်းကဏ္ဍမှ ပါဝင်ကြသည်။

ဖွဲ့စည်းပုံ

ကမ္ဘာ့ မိုးလေဝသ အဖွဲ့၏ အဆင့်ဆင့် ဖွဲ့စည်းပုံမှာ အောက်ပါအတိုင်း ဖြစ်သည်။

• ကမ္ဘာ့ မိုးလေဝသ ကွန်ဂရက် (World Meteorological Congress): အဖွဲ့အစည်း၏ အမြင့်ဆုံး အဖွဲ့အစည်းဖြစ်ပြီး မူဝါဒများကို ချမှတ်သည်။ အဖွဲ့ဝင်နိုင်ငံနှင့် နယ်မြေတိုင်းသည် လေးနှစ်တစ်ကြိမ်ကျင်းပသော ကွန်ဂရက်အစည်းအဝေးတွင် အမြဲတမ်း ကိုယ်စားလှယ်တစ်ဦးစီဖြင့် ပါဝင်သည်။ ကွန်ဂရက်က အဖွဲ့အစည်း၏ ဥက္ကဋ္ဌနှင့် ဒုတိယဥက္ကဋ္ဌများ၊ အမှုဆောင်ကောင်စီဝင်များအား ရွေးကောက်တင်မြှောက်ပြီး အထွေထွေအတွင်းရေးမှူးအား ခန့်အပ်သည်။
• အမှုဆောင်ကောင်စီ (Executive Council - EC): ကွန်ဂရက်၏ ဆုံးဖြတ်ချက်များကို အကောင်အထည်ဖော် ဆောင်ရွက်သည်။

အတွင်းရေးမှူးရုံး (Secretariat): ဌာန ရှစ်ခုပါဝင်သော အဖွဲ့အစည်းဖြစ်ပြီး ဝန်ထမ်း ၂၀၀ ရှိသည်။ အထွေထွေအတွင်းရေးမှူးက ဦးဆောင်ပြီး လေးနှစ်သက်တမ်းကို အများဆုံး နှစ်ကြိမ် ထမ်းဆောင်နိုင်သည်။

အထွေထွေအတွင်းရေးမှူးများ

• 1952–1955 Gustav Swoboda (  ဆွစ်ဇာလန်)^[၁]
• 1956–1979 David Arthur Davies ( ယူနိုက်တက်ကင်းဒမ်း)
• 1980–1983 Aksel C. Wiin-Nielsen ( ဒိန်းမတ်)
• 1984–2003 Godwin Obasi ( နိုင်ဂျီးရီးယား)
• 2004–2015 Michel Jarraud ( ပြင်သစ်)
• 2016–2023 Petteri Taalas^[၂] ( ဖင်လန်)
• 2024–present Celeste Saulo^[၃] ( အာဂျင်တီးနား)

ထုတ်ပြန်ချက်များ

ကမ္ဘာ့ မိုးလေဝသ အဖွဲ့၏ နှစ်စဉ် ထုတ်ပြန်သည့် ကမ္ဘာ့ ရာသီဥတု အခြေအနေဆိုင်ရာ ထုတ်ပြန်ချက် (WMO Statement on the Status of the World Climate) သည် ကမ္ဘာလုံးဆိုင်ရာ၊ ဒေသတွင်းနှင့် နိုင်ငံအလိုက် အပူချိန်များနှင့် ဆိုးရွားသော မိုးလေဝသ ဖြစ်စဉ်များ၏ အသေးစိတ်အချက်အလက်များကို ဖော်ပြသည်။ ၎င်းအပြင် လေထုအတွင်း ဖန်လုံအိမ်ဓာတ်ငွေ့ပါဝင်မှု၊ ပင်လယ်ရေမျက်နှာပြင် မြင့်တက်လာမှုနှင့် ပင်လယ်ရေခဲပြင်ကျယ်ဝန်းမှုတို့ အပါအဝင် ရေရှည်ရာသီဥတုပြောင်းလဲမှုဆိုင်ရာ အညွှန်းကိန်းများဆိုင်ရာ အချက်အလက်များကိုလည်း ပေးသည်။ ကမ္ဘာ့ မိုးလေဝသ အဖွဲ့၏ နောက်ဆုံးအစီရင်ခံစာအရ ၂၀၁၆ ခုနှစ်သည် မှတ်တမ်းဝင် အပူဆုံးနှစ်ဖြစ်ခဲ့ပြီး မိုးလေဝသနှင့် ရာသီဥတု ဆိုးရွားလွန်ကဲမှုများစွာ ဖြစ်ပွားခဲ့သည်။

ကူညီရေး

မိုးလေဝသခန့်မှန်းချက်များ၊ ဇလဗေဒ ခန့်မှန်းချက်များနှင့် မိုးလေဝသ ဆွဲငင်အားဆိုင်ရာ အခြားခန့်မှန်းချက်များပြုလုပ်မည့် ဌာနကွန်ရက်များ တည်ထောင်ရာတွင် ကူညီသည်။

အဖွဲ့ဝင်

၂၀၀၇ ဧပြီ ၅ ရက်နေ့တွင်

• States ( ၁၈၂ နိုင်ငံ)
• Territories(၆ နယ်မြေ)

ကိုးကားချက်

• ကမ္ဘာ့ကုလသမဂ္ဂ-နိုင်ငံတကာသတင်းဂျာနယ်
• http://www.wmo.int/pages/members/membership/index_en.html