ဒီမိုကရေစီနှင့်လူ့အခွင့်အရေးပါတီ

ဒီမိုကရေစီနှင့်လူ့အခွင့်အရေးပါတီ (အင်္ဂလိပ်: Democracy and Human Rights Party, DHRP) သည် မြန်မာနိုင်ငံရှိ နိုင်ငံရေးပါတီ တစ်ခုဖြစ်သည်။

ဒီမိုကရေစီနှင့် လူ့အခွင့်အရေးပါတီ
နာယက	ဦးကျော်မင်း
အထွေထွေ အတွင်းရေးမှူး	ဦးကျော်စိုးအောင်
တည်ထောင်ခြင်း	၁၉၈၉ (၁၉၈၉) (တည်ထောင်) ၁၂ မတ် ၂၀၁၃ (၂၀၁၃-၀၃-၁၂) (ပြန်လည်မှတ်ပုံတင်)[၁]
ဌာနချုပ်	ဗိုလ်တထောင်မြို့နယ်၊ ရန်ကုန်တိုင်းဒေသကြီး
အရောင်	အပြာ၊ အစိမ်း၊ အနီ
အမျိုးသားလွှတ်တော် အမတ်နေရာ	၀ / ၂၂၄
ပြည်သူ့လွှတ်တော် အမတ်နေရာ	၀ / ၄၄၀
မြန်မာနိုင်ငံ၏ နိုင်ငံရေး နိုင်ငံရေးပါတီများ

သမိုင်းကြောင်း

၁၉၈၉ တွင် အမျိုးသားလူ့အခွင့်အရေးနှင့် ဒီမိုကရက်တစ်ပါတီ အဖြစ် စတင် တည်ထောင်ခဲ့သည်။^[၂] ၁၉၉၀ အထွေထွေ ရွေးကောက်ပွဲတွင် ရှစ်နေရာ ဝင်ရောက်ယှဉ်ပြိုင်ခဲ့ရာ^[၃] လေးနေရာ အနိုင်ရရှိခဲ့သည်။^[၄]

၁၉၉၁ ခုနှစ်တွင် ပါတီကို ဖျက်သိမ်းခဲ့သည်။ ၂၀၁၃ မတ်လ ၁၃ ရက်တွင် ခွင့်ပြုမိန့် အမှတ်စဉ် (၆၃) ဖြင့် ဒီမိုကရေစီနှင့်လူ့အခွင့်အရေးပါတီ ကို တည်ထောင်ခဲ့သည်။ ပါတီဝင်အရေအတွက်မှာ တစ်သောင်းခန့် ရှိသည်။^[၅]

မှတ်ပုံတင် ငြင်းပယ်ခြင်း

အသစ်ပြဋ္ဌာန်းလိုက်သည့် ဥပဒေအရ ပြန်လည်မှတ်ပုံတင်ကြရန် စကစ ရွေးကောက်ပွဲကော်မရှင်က ကြေညာခဲ့ပြီးနောက် ၂၀၂၃ ခုနှစ် နိုင်ငံရေးပါတီများ မှတ်ပုံတင်ခြင်းနည်းဥပဒေအရ ပြည်ထောင်စုရွေးကောက်ပွဲကော်မရှင်သို့ မှတ်ပုံတင်ခဲ့ရာ နိုင်ငံရေးပါတီများမှတ်ပုံတင်ခြင်းဥပဒေ ပုဒ်မ ၅ ပါ ပြဋ္ဌာန်းချက်များနှင့် မညီညွတ်ခြင်းကြောင့် ၂၀၂၄ ဇူလိုင် ၈ ရက်နေ့တွင် ပါတီမှတ်ပုံတင်ခြင်းမှ ငြင်းပယ်ခံရသည်။ ^[၆]