နက်ဆီဘားမြို့
ဘားဂတ်စ်ခရိုင်ဘူဂေးရီးယားရှိမြို့ From Wikipedia, the free encyclopedia
Remove ads
နက်ဆီဘား သည် ဘူဂေးရီးယားနိုင်ငံရှိ ရှေးဟောင်းမြို့တော် တစ်ခုဖြစ်ပြီး ဘားဂပ်စ် ခရိုင်အတွင်း ဘူဂေးရီးယား ပင်လယ်နက် ကမ်းရိုးတန်းတွင် တည်ရှိသော အဓိက ပင်လယ်ဆိပ်ကမ်း အပန်းဖြေစခန်းမြို့ တစ်ခု ဖြစ်သည်။ နက်ဆီဘား စည်ပင်သာယာရေး နယ်နိမိတ်၏ အုပ်ချုပ်ရေး ဗဟိုဌာနတစ်ခုလည်း ဖြစ်သည်။ ပင်လယ်နက်၏ ပုလဲ ဟု မကြာခဏ တင်စားခေါ်ဝေါ်လေ့ ရှိကြပြီး နှစ် ၃၀၀၀ ကျော်မျှ အမြဲတစေ ပြောင်းလဲနေသော ကြွယ်ဝသည့် သမိုင်းကြောင်းရှိသော ပြတိုက်မြို့တော် တစ်ခုလည်း ဖြစ်သည်။ မြို့တော်သည် လူတို့လုပ်ထားသော ကုန်းမြောင်တစ်ခုဖြင့် ခြားနားထားသော အပိုင်း ၂ပိုင်း ရှိပြီး ရှေးဟောင်းဒေသ အပိုင်းသည် ကျွန်းဆွယ် (ယခင်က ကျွန်း) ပေါ်တွင် တည်ရှိကာ ပို၍ ဟိုတယ် နှင့် နောက်ပိုင်း အဆောက်အဦးများရှိသော ခေတ်မီသော အပိုင်းသည် ကုန်းမကြီး ပေါ်တွင် တည်ရှိသည်။ ရှေးဟောင်း အပိုင်းသည် အမျိုးမျိုး ကွဲပြားသော ယဉ်ကျေးမှုလောကမှ လူတို့ နှစ်ပေါင်းများစွာ အတွင်း နေထိုင်ခဲ့သော သက်သေ အထောက်အထားများရှိသည်။
၎င်းသည် ပင်လယ်နက် ပေါ်ရှိ အထင်ရှားဆုံး ကမ္ဘာလှည့်ခရီးသွားများ လည်ပတ်ရာ ဌာန နှင့် ပင်လယ်ဆိပ်ကမ်း တစ်ခု ဖြစ်ပြီး ကြီးမားသော အပန်းဖြေစခန်း အချို့ရှိကာ အကြီးဆုံး အပန်းဖြေစခန်းမှာ နက်ဆီဘား၏ မြောက်ဘက်ကပ်လျှက်တွင် ရှိသော ဆန်နီဘိရှ် အပန်းဖြေစခန်း ဖြစ်သည်။
နက်ဆီဘားသည် အချို့သော အချိန်များတွင် ခြိမ်းခြောက်ခံနေရသော အင်ပိုင်ယာ၏ အနားသတ်တစ်ခု အဖြစ် တည်ရှိခဲ့သဖြင့် ကြွယ်ဝသော သမိုင်းရှိသည့် မြို့တစ်မြို့ ဖြစ်သည်။ သမိုင်းဝင် အဆောက်အဦးများ ပေါများလှသဖြင့် ယူနက်စကိုမှ နက်ဆီဘား အား ကမ္ဘာ့အမွေအနှစ်နေရာ စာရင်းတွင် ၁၉၈၃၌ ထည့်သွင်းခဲ့သည်။[၁]
၂၀၀၉ ခုနှစ် ဒီဇင်ဘာလတွင် နေထိုင်သူ လူဦးရေ ၁၁,၆၂၆ ဦး ရှိသည်။[၂]
Remove ads
ကိုးကား
Wikiwand - on
Seamless Wikipedia browsing. On steroids.
Remove ads