ပန်ချာပီဘာသာစကား

ပန်ချာပီ ( /pʌnˈdʒɑːbi/ ; ^[၁၀] پن٘جابی‎ ရှားဟ်မူခီ : پن٘جابی , ဂူရမူခီ : ਪੰਜਾਬੀ ပန်ချာပီအသံထွက်: [pənˈdʒaːbːi] ) သည် ပန်ချာပီလူမျိုးများ ပြောဆိုသော အင်ဒို-အာရီယန်ဘာသာစကား ဖြစ်ပြီး အိန္ဒိယ နှင့် ပါကစ္စတန်နိုင်ငံ ပန်ဂျပ် ဒေသတို့မှဖြစ်သည်။ ပန်ချာပီသည် ကမ္ဘာပေါ်တွင် ၉ ခုမြောက် အကျယ်ပြန့်ဆုံးပြောဆိုကြသော ဘာသာစကားဖြစ်သည်။ ပန်ချာပီသည် ပါကစ္စတန်တွင် အကျယ်ပြန့်ဆုံး ဘာသာစကားဖြစ်ပြီး အိန္ဒိယတွင် ၁၁ ခုမြောက် အကျယ်ပြန့်ဆုံးဘာသာစကားဖြစ်ပြီး အိန္ဒိယတိုက်ငယ် တွင် တတိယလူပြောအများဆုံး ဘာသာစကားဖြစ်သည်။ ပန်ချာပီသည် အင်္ဂလန်တွင် တတိယမြောက် လူပြော အများဆုံးဘာသာစကားဖြစ်ပြီး ကနေဒါတွင် ပဉ္စမမြောက် လူပြောအများဆုံးဘာသာစကားဖြစ်သည် ။ ၎င်းသည် အာရပ်စော်ဘွားများ ပြည်ထောင်စု ၊ အမေရိကန် ၊ ပြင်သစ် ၊ ဩစတြေးလျ ၊ နယူးဇီလန် ၊ အီတလီ နှင့် နယ်သာလန် တို့တွင်လည်း သိသာထင်ရှားစွာ တည်ရှိသည်။

ပန်ချာပီ
ਪੰਜਾਬੀ پن٘جابی‎
'Punjabi' written in Shahmukhi script used in Punjab, Pakistan (top) and Gurmukhi script used in Punjab, India (bottom)
အသံထွက်	ပန်ချာပီ: [pənˈdʒaːbːi] အင်္ဂလိပ်: /pʌnˈdʒɑːbi/
ဒေသခံ	အိန္ဒိယ နှင့် ပါကစ္စတန်နိုင်ငံ
ဒေသ	ပန်ဂျပ်
လူမျိုးစု	ပန်ချာပီလူမျိုး
ဒေသခံ ပြောဆိုသူများ	၁၁၃ သန်း (၂၀၁၁–၂၀၁၇)[၁]
ဘာသာစကား မိသားစု	အင်ဒို-ယူရိုပီယမ် Indo-Iranian အင်ဒို-အာရီယန် အနောက်မြောက် အင်ဒို-အာရီယန် ပန်ချာပီ
စာအရေးအသားစနစ်	Shāhmukhī (Perso-Arabic) Gurmukhī Punjabi Braille Laṇḍā (historical) Takri (historical) Mahajani (historical)
တရားဝင် အခြေအနေ
ရုံးသုံး အဖြစ် အသုံးပြုမှု	အိန္ဒိယ ပန်ဂျပ် (တရားဝင်)[၂][၃] ဟာယန (ထပ်တိုး)[၄] ဒေလီမြို့ (ထပ်တိုး)[၅] အနောက်ဘင်္ဂလား (ထပ်တိုး၊ လူဦးရေ၏ ၁၀%ကျော်သော ဒေသများ)[၆]
တရားဝင်ထိန်းသိမ်းသူ	ဘာသာစကားများဌာန၊ ပန်ဂျပ်ပြည်နယ်၊ အိန္ဒိယနိုင်ငံ[၇] ပန်ဂျပ် ဘာသာစကား၊ အနုပညာနှင့် ယဉ်ကျေးမှု သိပ္ပံ၊ ပါကစ္စတန်နိုင်ငံ
ဘာသာစကားကုဒ်များ
ISO 639-1	pa
ISO 639-2	pan
ISO 639-3	Either: pan – Panjabi pnb – Western Panjabi
Glottolog	panj1256  Eastern Panjabi[၈] west2386  Western Panjabi[၉]
Linguasphere	59-AAF-e
အဓိက ဘာသာစကား   လူနည်းစု ဘာသာစကား
ဤဆောင်းပါးတွင် IPA အသံထွက် သင်္ကေတများ ပါဝင်သည်။ မှန်ကန်သော ထောက်ပံ့မှုမရှိပါက ယူနီကုဒ်စာလုံးများအစား ? များ၊ လေးထောင့်ကွက်များနှင့် အခြားသင်္ကေတများ မြင်နေရနိုင်သည်။ IPA သင်္ကေတများ မိတ်ဆက်ကို Help:IPA တွင် ကြည့်ပါ။

ပန်ချာပီဘာသာစကားကို ဒေသခံပြောဆိုသူဦးရေ ၁၁၃ သန်း ရှိပြီး ပါကစ္စတန်နိုင်ငံတွင် သန်း ၈၀ ကျော်ဖြစ်သည်။ ပါကစ္စတန်နိုင်ငံ၊ ပန်ဂျပ်ပြည်နယ်တွင် ပန်ချာပီဘာသာစကားသည် ပြည်နယ်သုံးဘာသာစကားအဖြစ် သတ်မှတ်ထားသည်။ အိန္ဒိယနိုင်ငံတွင် ပန်ချာပီဘာသာစကား ပြောဆိုသူ ၃၁.၃ သန်း (၂၀၁၁ အရ) ရှိပြီး ပန်ဂျပ်ပြည်နယ်၏ တရားဝင်ရုံးသုံးဘာသာစကား ဖြစ်သည်။