တာရာ၊ ဗိုလ် (ရဲဘော်သုံးကျိပ်)
From Wikipedia, the free encyclopedia
Remove ads
Remove ads
ကိုယ်ရေးဖြစ်စဉ်
၁၃ ဧပြီ ၁၉၁၉ ရက်နေ့တွင် ပျဉ်းမနားမြို့၌ အဖ သစ်စက်ပိုင်ရှင်၊ သစ်ကုန်သည် ဦးအကောက်နှင့် အမိ ဒေါ်လွန်းတို့မှ မွေးဖွားခဲ့သည်။ အမည်ရင်းမှာ ခင်မောင်ဦး ဖြစ်ပြီး ရဲဘော်သုံးကျိပ် ဗိုလ်အမည်ခံရာတွင် ဗိုလ်တာရာဟု နာမည် ယူခဲ့သည်။
- ၁၉၃၆ ခုနှစ်တွင် ပျဉ်းမနားခရိုင် တို့ဗမာအစည်းအရုံး သို့ ဝင်ရောက်ခဲ့သည်။ ကျောင်းသားသမဂ္ဂ၊ ခရိုင် တို့ဗမာအစည်းအရုံး၊ ခရိုင် ဗမာ့လက်ရုံးတပ်ဖွဲ့၊ ခရိုင် တောင်သူလယ်သမား အစည်းအရုံး များ ဖွဲ့စည်းတည်ထောင်ရာတွင် တက်ကြွစွာ ပါဝင်ခဲ့သည်။
- ၁၉၃၇ ခုနှစ်၊ မြန်မာနိုင်ငံလုံးဆိုင်ရာတောင်သူလယ်သမားအစည်းအရုံး၏ စည်းရုံးရေးမှူးနှင့် ဘဏ္ဍာရေးမှူး တာဝန်များ ထမ်းဆောင်ခဲ့သည်။
- ၁၉၃၈ ခုနှစ် ပျဉ်းမနားမြို့ KEM အထက်တန်းကျောင်းမှ အင်္ဂလိပ် မြန်မာ ၁ဝ တန်း အောင်မြင်သည်။ ကျောင်းသားသပိတ်ကြီးတွင် ပါဝင် လှုပ်ရှားခဲ့သည်။
- ၁၉၄၁ ခုနှစ်တွင် ဂျပန်နိုင်ငံသို့ သွားရောက် စစ်ပညာ သင်ကြားခဲ့သည့် ရဲဘော်သုံးကျိပ် အနက် တဦး အပါအဝင် ဖြစ်သည်။
- ၁၉၄၂ ခုနှစ်မှ ၁၉၄၅ ခုနှစ်အထိ BIA ဗမာ့လွတ်လပ်ရေးတပ်မတော်နှင့် ဗမာ့ကာကွယ်ရေးတပ်မတော်တို့တွင် ပါဝင် ထမ်းဆောင်ပြီး ဂျပန် တော်လှန်ရေးတွင် ဝင်ရောက် ဆင်နွှဲခဲ့သည်။
- ၁၉၅၉ ကွတ်ခိုင်မြို့၊ ခရစ်ယာန် သာသာနာပြုကျောင်းမှ ကျောင်းဆရာမ ဖြစ်သူ ဒေါ်စောခင် နှင့် အိမ်ထောင်ပြုသည်။
- ၁၉၆၀ ပြည်ထောင်စုပါတီ (ပထစ) မှ ပျဉ်းမနား အမတ်အဖြစ် ပါလီမန်လွှတ်တော်သို့ ရွေးကောက်တင်မြှောက်ခံရသည်။
- ၁၉၆၁ ရဲဘော်သုံးကျိပ် ၏ ပြည်တော်ပြန် လုံးချင်းစာအုပ်ဖြင့် စာပေဗိမာန် (သုတပဒေသာဆု) ရရှိခဲ့သည်။
- ၁၉၇၈ သိုင်းနယ်မှ ကျားသောင်းကျန်း ဝတ္ထုတိုကို အထက်တန်း မြန်မာစကားပြေ စာအုပ်တွင် သင်ရိုးညွန်းတမ်း အဖြစ် ပြဋ္ဌာန်းခံခဲ့ရသည်။
- ၁၉၈၀ ဇန်နဝါရီ (၇) တွင် မြန်မာ့လွတ်လပ်ရေးအတွက် နယ်ချဲ့ဆန့်ကျင်ရေး နှင့် ဖက်ဆစ်တိုက်ဖျက်ရေးတွင် သက်စွန့်ကြိုးပမ်း ဆောင်ရွက် ခဲ့သောကြောင့် နိုင်ငံတော်က ချီးမြှင့်သည့် နိုင်ငံ့ဂုဏ်ရည်ဘွဲ့ (ပထမဆင့်) ကို ရရှိသည်။
- ၁၉-- နိုင်ငံတော်က ချီးမြှင့်သည့် လွတ်လပ်ရေး မော်ကွန်းဝင် (ပထမဆင့်) ကို ရရှိသည်။
- ၁၉၈၆ သူ၏ မာန်စွယ်ဖွေးဖွေး ဝတ္ထုကို ဟန္ဒီဘာသာ သို့ ပြန်ဆိုခြင်းခံရသည်။[၁]
စစ်ကြိုခေတ်ကပင် ဘားမားဂျာနယ်၊ ဒီးဒုတ်ဂျာနယ်၊ သူရိယမဂ္ဂဇင်းတို့တွင် ဝတ္ထုတိုများ ရေးသားခဲ့သည်။ ရှုမဝ၊ မြဝတီ၊ ငွေတာရီ၊ သွေးသောက်မဂ္ဂဇင်းများတွင် တော်လှန်ရေး ဝတ္ထုများ၊ စစ်ဝတ္ထုများမှ စ၍ နောက်ပိုင်း အမဲလိုက်မုဆိုး ဝတ္ထုများကို တသမတ်တည်း ရေးသားခဲ့သည်။
ဗိုလ်တာရာ (ရဲဘော်သုံးကျိပ်) သည် နိုင်ငံဂုဏ်ရည် ပထမအဆင့်နှင့် လွတ်လပ်ရေး မော်ကွန်းဝင် ပထမအဆင့် ရရှိပြီး စာပေဆုရှင် စာရေးဆရာနှင့် ရဲဘော်သုံးကျိပ်ဝင်၊ အငြိမ်းစား ဗိုလ်မှူး ဖြစ်သည်။ အသက် ၇၅ နှစ်၊ ၆၊ ၂၊ ၁၉၉၃ ရက်နေ့၌ ကွယ်လွန်ခဲ့သည်။
Remove ads
ထုတ်ဝေခဲ့သည့် စာအုပ်များ
Remove ads
ဘဝနိဂုံး
စစ်မှုထမ်းဟောင်းအဖွဲ့ဝင်၊ စာရေးဆရာ၊ ရဲဘော်သုံးကျိပ်ဝင် ဗိုလ်တာရာသည် ၁၉၉၃ခု၊ ဖေဖော်ဝါရီလ (၆)ရက်နေ့တွင် ရန်ကုန်မြို့၌ ကွယ်လွန်သည်။ ကွယ်လွန်ချိန်၌ ဇနီး ဒေါ်စောခင်နှင့် သားနှစ်ယောက်၊ သမီးနှစ်ယောက်၊ မြေးတစ်ယောက် ကျန်ရစ်သည်။[၃]
ကိုးကား
Wikiwand - on
Seamless Wikipedia browsing. On steroids.
Remove ads