ဗီဂန်မြို့
From Wikipedia, the free encyclopedia
Remove ads
ဗီဂန်မြို့ (တမ်းပလိတ်:Lang-ilo; တဂ္ဂလော့: Lungsod ng Vigan; Local pronunciation: [ˈbigän]) သည် ဖိလစ်ပိုင်နိုင်ငံ၏ စတုတ္ထအဆင့် မြို့တစ်မြို့ဖြစ်ပြီး အီလိုကော့ ဆိုးပြည်နယ် (တောင် အီလိုကော့ ပြည်နယ်) ၏ မြို့တော်ဖြစ်သည်။ ၂၀၁၅ ခုနှစ်တွင် ကောတ်ယူခဲ့သော သန်းခေါင်စာရင်းအရ မြို့တွင် လူဦးရေ ၅၃,၈၇၉ ဦး နေထိုင်ကြသည်။
.svg)
အကြီးဆုံးကျွန်းဖြစ်သော လူဇွန်းကျွန်း၏ အနောက်ဘက်ကမ်းရိုးတန်း တောင်တရုတ်ပင်လယ်တွင် တည်ရှိသည်။ ဗီဂန်မြို့သည် ဖိလစ်ပိုင်နိုင်ငံတွင် ရှေးဟောင်းအဆောက်အဦများ မပျက်မယွင်း ပကတိအတိုင်း တည်ရှိနေသည့် ယူနက်စကို ကမ္ဘာ့အမွေအနှစ်နေရာ ဖြစ်သည်။ မြို့၏ ကျော်ကြားလှသည့် အုတ်ကျောက်တို့ဖြင့် စီရီထားသော လူသွားစင်္ကြများ၊ ဒေသခံ ဖိလစ်ပိုင်နှင့် အရှေ့တိုင်းလက်ရာတို့ကို စပိန်ဗိသုကာလက်ရာတို့ဖြင့် ပေါင်းစပ်ထားသည့် ဖိလစ်ပိုင် ကိုလိုနီခေတ်လက်ရာများဖြစ်သော ဘာဟေး န ဘာတိုး ဟုခေါ်သည့် ကျောက်တုံးဖြင့် ဆောက်လုပ်ထားသော အိမ်များ၊ ငလျင်ဒဏ်ခံစားခဲ့ရသော ဘရို့စ် (Baroque) လက်ရာ ဘုရားကျောင်းတို့ဖြင့် ပြည့်နှက်၍ နေသော မြို့ဖြစ်သည်။ ဗီဂန်မြို့သည် ဆဌမမြောက် ဖိလစ်ပိုင် သမ္မတဖြစ်သူ အယ်ပီဒီရို ကွိရီနို၏ မွေးရပ်မြေလည်း ဖြစ်သည်။ ဗီဂန်မြို့သည် ယူနက်စကို ကမ္ဘာ့အမွေအနှစ်နေရာဖြစ်ပြီး ကမ္ဘာ့အမွေအနှစ်မြို့များ အသင်း (OWHC) ၏ အဖွဲ့ဝင်လည်း ဖြစ်သည်။
၂၀၁၅ ခုနှစ် မေလတွင် ဗီဂန်မြို့သည် ဘေရွတ်မြို့၊ ဒိုဟာမြို့၊ ဒါဘန်မြို့၊ ဟာဗားနားမြို့၊ ကွာလာလမ်ပူမြို့နှင့် လာပက်မြို့တို့နှင့်အတူ New7Wonders Cities ထဲတွင် ထည့်သွင်း ဖော်ပြခြင်း ခံခဲ့ရသည်။[၃] New7Wonders Foundation ၏ ဥက္ကဋ္ဌနှင့် တည်ထောင်သူ ဘာနဒ့် ဝီဘာသည် စိန့်ပေါလ် ကာသီဒရယ်တွင် အခမ်းအနားတစ်ခု ကျင်းပခဲ့ပြီး ဗီဂန်မြို့တော်ဝန် အဲဗာ ဂရေ့စ် ဆင်းဆွန် မဒီနာကို ကမ္ဘာ့အံ့ဖွယ်မြို့အဖြစ် သတ်မှတ်ခဲ့ခြင်းအတွက် အထိမ်းအမှတ် ကြေးပြားအား ပေးအပ်ခဲ့သည်။[၄]
Remove ads
ပထဝီဝင်
အရှေ့လောင်ဂျီကျူ ၁၂၀ ဒီဂရီ ၂၃ မိနစ် ၁၅ စက္ကန့်နှင့် မြောက်လတ္တီကျူ ၁၇ ဒီဂရီ ၃၄ မိနစ် ၃၀ စက္ကန့်တွင် ဗီဂန်မြို့ကို တွေ့ရှိနိုင်သည်။ ဖိလစ်ပိုင်ရှိ ကျွန်းများထဲမှ အကြီးဆုံးကျွန်းဖြစ်သော လူဇွန်းကျွန်း၏ မြောက်ဘက်တွင် တည်ရှိသည့် မြို့ဖြစ်သည်။ Ilocos Sur ပြည်နယ်၏ မြို့တော်ဖြစ်ပြီး စပိန်ကိုလိုနီတို့ မရောက်မီကတည်းကပင် နိုင်ငံရေးနှင့် ကုန်သွယ်မှုတို့၏ အဓိကကျသော မြို့တစ်မြို့ဖြစ်ခဲ့သည်။
မြေမျက်နှာသွင်ပြင်နှင့် တည်နေရာတို့၏ အားသားချက်များကြောင့် ဗီဂန်သည် သွားလာရ လွယ်ကူသော ဒေသတစ်ခုဖြစ်ခဲ့သည်။ မြို့တော် မနီလာမှ ၄၀၇ ကီလိုမီတာ (၂၅၃ မိုင်)၊ လဝမ်မြို့ မှ ၈၂ ကီလိုမီတာ (၅၁ မိုင်)နှင့် အီလိုကော့ဒေသကြီး၏ မြို့တော်ဖြစ်သော ဆန်ဖာနန်ဒိုနှင့် ၁၃၈ ကီလိုမီတာ (၈၆ မိုင်) ကွာဝေးသည်။
မြေမျက်နှာသွင်ပြင်
Remove ads
ကိုးကား
Wikiwand - on
Seamless Wikipedia browsing. On steroids.
Remove ads