ဗြိတိသျှ အိန္ဒိယသမုဒ္ဒရာ နယ်မြေ

ဗြိတိသျှ အိန္ဒိယသမုဒ္ဒရာ နယ်မြေ (British Indian Ocean Territory (BIOT) သို့မဟုတ် ချာဂိုးကျွန်းများ) သည် အိန္ဒိယသမုဒ္ဒရာတွင်းရှိ ယူနိုက်တက်ကင်းဒမ်းနိုင်ငံ၏ ပင်လယ်ရပ်ခြားနယ်မြေတစ်ခု ဖြစ်သည်။ ဗြိတိသျှ အိန္ဒိယသမုဒ္ဒရာ နယ်မြေတွင် ချာဂိုးကျွန်းစုရှိ သန္တာကျွန်း ၇ ခုအပါအဝင် ကျွန်းငယ်ပေါင်း တစ်ထောင်ကျော်ခန့် ပါဝင်ဖွဲ့စည်းထားသည်။ စုစုပေါင်းကုန်းမြေဧရိယာမှာ ၆၀ စတုရန်းကီလိုမီတာ (၂၃ စတုရန်းမိုင်) ခန့်ရှိသည်။^[၃]

ဗြိတိသျှ အိန္ဒိယသမုဒ္ဒရာ နယ်မြေ British Indian Ocean Territory
အလံတော် အမှတ်တံဆိပ်
ဆောင်ပုဒ်: "In tutela nostra Limuria" (လက်တင်) "Limuria is in our charge"
နိုင်ငံတော် သီချင်း: God Save the King
မြို့တော်	ဒီယေဂိုဂါစီယာ
ရုံးသုံး ဘာသာစကားများ	အင်္ဂလိပ်
လူမျိုးစု	ဗြိတိန် / အမေရိကန် ၉၅.၈၈% ၊ အခြား ၄.၁၂%
အမျိုးအစား	ဗြိတိသျှ ပင်လယ်ရပ်ခြား နယ်မြေ
အစိုးရ
• သက်ဦးဆံပိုင်ဘုရင်	ချားလ်စ် ဝေလမင်းသား
• Commissioner	Peter Hayes
• Administrator	Tom Moody
ဧရိယာ
• စုစုပေါင်း	၅၄,၄၀၀ စတုရန်းကီလိုမီတာ[၁]
• ရေထု (%)	၉၉.၈၉
လူဦးရေ
• ခန့်မှန်း	၃,၀၀၀[၂]
• သိပ်သည်းမှု	၅၈.၃/km2
ငွေကြေး	US$, UK£
အချိန်ဇုန်	+6
တယ်လီဖုန်းကုဒ်	+246

အကြီးဆုံးနှင့် တောင်ဘက်အကျဆုံးကျွန်းမှာ ဒီယေဂိုဂါစီယာ ဖြစ်ကာ ၄၄ စတုရန်းကီလိုမီတာ (၁၇ စတုရန်းမိုင်) ကျယ်ဝန်းပြီး အမေရိကန်ပြည်ထောင်စုနှင့် ယူနိုက်တက်ကင်းဒမ်းတို့၏ တွဲဖက် စစ်အခြေစိုက်စခန်းတစ်ခုဖြစ်သည်။ ထိုကျွန်းမှာ ပုံမှန်ခရီးသွားများ၊ သတင်းသမားများနှင့် ယခင်ကနေထိုင်ခဲ့သူများကို ဝင်ခွင့်ကန့်သတ်ထားသော ကျွန်းဖြစ်သည်။