ရှမ်းနီအမျိုးသားများတပ်မတော်

ရှမ်းနီအမျိုးသားများတပ်မတော် (အင်္ဂလိပ်: Shanni Nationalities Army; အတိုကောက် SNA) သည် ကချင်ပြည်နယ်နှင့် စစ်ကိုင်းတိုင်းဒေသကြီး အထက်ပိုင်းတွင် လှုပ်ရှားနေသော ရှမ်းနီလက်နက်ကိုင် အဖွဲ့တစ်ခု ဖြစ်သည်။ SNA ကို ၁၉၈၉ ခုနှစ်၊ ဇူလိုင်လ ၅ ရက်နေ့တွင် ကချင်ပြည်နယ်နှင့် စစ်ကိုင်းတိုင်းဒေသကြီး အထက်ပိုင်းရှိ ရှမ်းနီလူငယ်များဖြင့် ဖွဲ့စည်းခဲ့သည်။^{[ကိုးကားချက်လိုသည်]}

ရှမ်းနီအမျိုးသားများတပ်မတော် Shanni Nationalities Army
ရှမ်းနီအမျိုးသားများတပ်မတော်၏ အမှတ်တံဆိပ်
စတင်လှုပ်ရှားခြင်း	ဇန်နဝါရီ ၂၀၁၆ (၂၀၁၆-၀၁) – လက်ရှိ
ခွဲထွက်လာမှု	ကချင်လွတ်လပ်ရေးအဖွဲ့
လှုပ်ရှားနယ်မြေ	ကချင်ပြည်နယ် နှင့်စစ်ကိုင်းတိုင်းဒေသကြီး
နိုင်ငံရေးအယူဝါဒ	ရှမ်းနီ အမျိုးသားရေး
မဟာမိတ်	State allies တပ်မတော် (၂၀၂၂-လက်ရှိ) ပျူစောထီးပြည်သူ့စစ်အဖွဲ့[၁] Non-state allies ရှမ်းပြည်တပ်မတော်-တောင်ပိုင်း[၂]
ပြိုင်ဘက်များ	State opponents  မြန်မာ တပ်မတော်  တပ်မတော် (ကြည်း) (၂၀၂၂ အထိ) မြန်မာနိုင်ငံရဲတပ်ဖွဲ့ (၂၀၂၂ အထိ) Non-state opponents ကချင်လွတ်မြောက်ရေးတပ်မတော် ကူကီးအမျိုးသားတပ်မတော် ပြည်သူ့ကာကွယ်ရေးတပ်မတော်
စစ်ပွဲနှင့် တိုက်ပွဲများ	မြန်မာ့ပြည်တွင်းပဋိပက္ခများ မြန်မာ့ပြည်တွင်းစစ် (၂၀၂၁-လက်ရှိ)
အလံ
ဝဘ်ဆိုဒ်	ဖေ့စ်ဘွတ်ခ် စာမျက်နှာ

ရှမ်းနီအမျိုးသားတပ်မတော်(SNA)သည် ရှမ်းနီပြည်နယ်ရရှိရေး၊ မူးယစ်ဆေးဝါး တိုက်ဖျက်ရေး၊ စစ်မှန်သော ဖက်ဒရယ် ပြည်ထောင်စု ဖော်ထွန်းရေး၊ ရှမ်းမျိုးနွယ်စုများ အားလုံး စည်းလုံး ညီညွတ်မှု ရရှိရေး၊ သဘာဝ ပတ်ဝန်းကျင် ထိန်းသိမ်း စောင့်ရှောက်ရေးနှင့် ဒေသဖွံ့ဖြိုးတိုးတက်ရေး စသည့် မူ (၅) ချက်ကို ချမှတ်အကောင်အထည်‌ဖော်လျက်ရှိသည်။ SNA သည် စစ်ကိုင်းတိုင်းဒေသကြီးနှင့် ကချင်ပြည်နယ်အတွင်းရှိ တိုင်းဆာ(ခေါ် )မိုင်းသာရှမ်း၊ တိုင်းလုံ(ခေါ် )ရှမ်းကြီး၊ တိုင်းနေ(ခေါ် )အထက်ရှမ်း၊ တိုင်းမောဝ်(ခေါ် )မောဝ်ရှမ်း၊ တိုင်းကဒူး(ခေါ် )ရှမ်းကဒူး၊ တိုင်းကနန်း(ခေါ် )ရှမ်းကနန်း၊ တိုင်းခွမ်(ခေါ်)မိုင်းခွမ်းရှမ်း၊ တိုင်းခမ်းတီး(ခေါ် )ခမ်းတီးရှမ်း၊ တိုင်းနိုင်း- တိုင်းလိုင်- တိုင်းချောင်း- တိုင်းလျဲန် ခေါ် ရှမ်းနီ စသည့် ရှမ်းမျိုးနွယ်စုများကို ကိုယ်စားပြု ဖွဲ့စည်းထားခြင်းဖြစ်သည်။^[၃][၄]

လက်ရှိတွင် ကချင်ပြည်နယ်၊ မိုးညှင်း၊ မိုးကောင်း၊ ဖားကန့်၊ ဗန်းမော်၊ ဝိုင်းမော် စသည့် မြို့နယ်များနှင့် စစ်ကိုင်းတိုင်းဒေသကြီးရှိ ဟုမ္မလင်း၊ ခန္တီးနှင့်ဗန်းမောက် စသည့် မြို့နယ်များ၌ အခြေပြုလှုပ်ရှားလျက်ရှိသည်။ ယခုလက်ရှိတွင် သျှမ်းနီအမျိုးသားများတပ်မတော်အား တပ်မဟာလေးခု၊ ဗဟိုဌာနချုပ်တစ်ခုတို့ဖြင့် ဖွဲ့စည်းထားသည်။ တပ်မဟာများမှာ တပ်မဟာ ၉၇၂၊ တပ်မဟာ ၈၉၁၊ တပ်မဟာ ၇၅၃ နှင့် တပ်မဟာ ၆၁၄ တို့ ဖြစ်သည်။^{[ကိုးကားချက်လိုသည်]}