လိုလိုနွယ် ဘာသာစကားများ

လိုလိုနွယ်ဘာသာစကားများကို၊ ယီ(ယီလူမျိုးနှင့်တူသော)နွယ်ဝင်ဘာသာစကားများ နှင့် Ngwi သို့မဟုတ် Nisoic ဟုလည်းလူသိများသည်။ လိုလိုနွယ်ဘာသာစကားများသည် တရုတ်နိုင်ငံအနောက်တောင်ပိုင်း ယူနန်ပြည်နယ်တွင်အဓိက ပြောဆိုကြသော တိဗက်-ဗမာအုပ်စုဝင် ဘာသာစကားများဖြစ်သည်။ဗမာဘာသာစကား(မြန်မာဘာသာစကား) နှင့် ဗမာနွယ်ဘာသာစကားများနှင့်နီးကပ်စွာ ချိတ်ဆက်နေသည်။လိုလိုနွယ်ဘာသာစကားများနှင့် ဗမာနွယ်ဘာသာစကားများသည် လိုလို-ဗမာအုပ်စု၏ ကိုင်းခွဲများဖြစ်သည်။သို့သော်လည်း လိုလို-ဗမာအုပ်စုမှ လိုလိုနွယ်ဘာသာစကားအဖြစ်ခွဲခြားဖော်ပြခြင်းသည် အငြင်းအခုံဖြစ်နေစဲဖြစ်သည်။

Ethnologue ၏ 2013 ထုတ်ဝေမှုတွင် လိုလိုနွယ် ("Ngwi") ဘာသာစကားများ၏ စုစုပေါင်းဘာသာစကားများအနက် ပြောဆိုသူ9 သန်းခန့်ကို ခန့်မှန်းထားပြီး အကြီးဆုံးသောအုပ်စုဖြစ်သည့် နော့ဆူ (မြောက်ပိုင်းယီ) ပြောဆိုသူ 2 သန်း (2000 PRC သန်းခေါင်စာရင်း) ခန့်ရှိသည်။။[a]