ဝေမိုးနိုင်

ဝေမိုးနိုင် (မုံရွာ)သည် စာရေးသူတစ်ဦးဖြစ်သည်။ ၁၉⁠၉၅ ခုနှစ် စက်တင်ဘာ ၂၆ တွင် အဖ ဦးကို⁠ကိုနိုင်၊ အမိ ဒေါ်မိုးစန္ဒာကြူတို့မှ မွေးဖွားသည်။ အသက် ၁၃ နှစ် အရွယ်တွင် ဖူးငုံဆယ်ကျော်သက်၌ ပွင့်ချိန်တန်လျှင် ဝတ္ထုတိုကို စတင်ဖော်ပြခံရသည်။ ဖူးငုံဆယ်ကျော်သက်၊ ရုပ်ရှင်တေးကဗျာ၊ မဟေသီနှင့် ရနံ့သစ်တို့တွင် ဝတ္ထုတို၊ ဆောင်းပါးများ ရေးသားလျက်ရှိသလို အွန်လိုင်းတွင်လည်း ဘလော့များ ရေးသားခဲ့သည်။

ဖမ်းဆီးခံရခြင်း

နွေဦးတော်လှန်ရေးကာလတွင် မုံရွာမြို့၌ တက်ကြွစွာပါဝင်ခဲ့ပြီး မုံရွာ၏ ပင်မသပိတ်ခေါင်းဆောင်းတစ်ယောက် ဖြစ်လာခဲ့သည်။ ဧပြီလ (၁၅)ရက်နေ့ နေ့လယ်ပိုင်းတွင် အာဏာသိမ်း စစ်ကောင်စီမှ အိမ်စီးကားနှင့် ဝေမိုးနိုင် စီးလာသော ဆိုင်ကယ်ကို ဝင်တိုက်ပြီး ဖမ်းဆီးရိုက်နှက် ခေါ်ဆောင်သွားခဲ့သည်။

မတရားစွဲချက်တင်ခံရမှု

ဧပြီ ၂၃ ရက်နေ့ မုံရွာမြို့တွင် ကိုဝေမိုးနိုင်နှင့်အတူ နွေဦးတော်လှန်ရေးလှုပ်ရှားမှု တွင် ပါဝင်ခဲ့သော ၄၂ ဦးအားလူသတ်မှုပုဒ်မ ၃၀၂၊ ဥပဒေနှင့်မညီဘဲ လူစုလူဝေးစုဖွဲ့မှု ပုဒ်မ ၁၄၉၊ လူကိုမတရားချုပ်နှောင်မှု ပုဒ်မ ၃၄၂၊ လူသတ်ရန်ရည်ရွယ်၍ သွေးဆောင်ခေါ်ယူမှု ပုဒ်မ ၃၆၄ နှင့် သွေးထိုးလှုံ့ဆော်မှု ပုဒ်မ ၅၀၅-က တို့ဖြင့် အာဏာသိမ်း စစ်ကောင်စီမှ စွဲချက်တင်ခဲ့သည်။ မတ်လ ၂၅ တွင် အသတ်ခံရ၍ သေဆုံးခဲ့သော ရဲနှစ်ဦး အမှုအတွက် မုံရွာမြို့မရဲစခန်းမှူး ဒုရဲမှူးခင်သန်းမှ ပုဒ်မ ၃၀၂ လူသတ်မှုဖြင့် တရားစွဲခံရခြင်းဖြစ်သည်။ ^[၁]