အဘူမီနာ

အဘူမီနာသည် ရှေးဟောင်း အီဂျစ် နှောင်းပိုင်းခေတ်တွင် မြို့တစ်မြို့၊ ခရစ်ယာန်ဘုန်းကြီးကျောင်း အစုအဝေး နှင့် ခရစ်ယာန် ဘုရားဖူးတို့ လာရောက်ရာ နေရာ တစ်ခု ဖြစ်ပြီး အလက်ဇန္ဒရီးယားမြို့ ၏ အနောက်တောင်ဘက် ၂၈မိုင် (၄၅ ကီလိုမီတာ) အကွာတွင် တည်ရှိသည်။ ၎င်း၏ အကြွင်းအကျန်များကို ၁၉၇၉ ခုနှစ်တွင် ယူနက်စကိုမှ ကမ္ဘာ့အမွေအနှစ်နေရာ အဖြစ် သတ်မှတ်ခဲ့သည်။ မြေပြင်ပေါ်သို့ ထိုးထွက်နေသော အကြွင်းအကျန် အနည်းငယ်သာ ရှိသော်လည်း ဂရိတ် ဘာဆေလီကာ ကဲ့သို့သော အဓိက အဆောက်အဦးများ၏ အုတ်မြစ်များကိုမူ အလွယ်တကူ မြင်တွေ့နိုင်သေးသည်။

အဘူမီနာ*
UNESCO ကမ္ဘာ့အမွေအနှစ်နေရာများ
တည်ရှိသည့် နိုင်ငံ	အီဂျစ်
အမျိုးအစား	ယဉ်ကျေးမှု
ရွေးချယ်သည့်စံနှုန်း	iv
ကိုးကား	၉၀
ဒေသ**	အာရပ်နိုင်ငံများ
သတ်မှတ်ခြင်း မှတ်တမ်း
စတင်သတ်မှတ်ခြင်း	၁၉၇၉  (တတိယအကြိမ်)
* ယူနက်စကိုကမ္ဘာ့အမွေခံစာရင်းတွင် ရေးထိုးထားသောအမည် ** ယူနက်စကိုမှ ခွဲခြားသတ်မှတ်ထားသောဒေသ

ထိုဒေသရှိ လတ်တလော စိုက်ပျိုးမွေးမြူရေး လုပ်ငန်းများကြောင့် ရေမျက်နှာပြင် သိသာစွာ မြင့်တက်လာခဲ့သဖြင့် ထိုဒေသ အတွင်းရှိ အဆောက်အဦးများမှာ ပြိုကျခြင်း ယိမ်းယိုင်ခြင်းများ ဖြစ်ပေါ်လာစေသည်။ ၂၀၀၁ ခုနှစ်တွင် ထိုနေရာအား စိုးရိမ်ရသော ကမ္ဘာ့အမွေအနှစ်နေရာ စာရင်းသို့ ထည့်သွင်းခဲ့သည်။ အာဏာပိုင်များ အနေနှင့် ထိုနေရာရှိ အစိုးရိမ်ရဆုံး အဆောက်အဦးများ၏ အောက်ခြေသို့ သဲများ ထည့်သွင်းခဲ့ရလေသည်။