စင်ကာပူစီမံခန့်ခွဲမှုပညာတက္ကသိုလ်

စင်ကာပူ စီမံခန့်ခွဲမှုပညာ တက္ကသိုလ်(အင်္ဂလိပ်: Singapore Management University)သည် စင်ကာပူနိုင်ငံရှိ အစိုးရမှ အထောက်အပံ့ပေးသော်လည်း၊ ကိုယ်တိုင်ဆုံးဖြတ်အုပ်ချုပ်နိုင်သော ပုဂ္ဂလိက တက္ကသိုလ်တစ်ခုဖြစ်သည်။ ၂၀၀၀-ခုနှစ်တွင် တည်ထောင်ခဲ့သည်။ ဝှာတန်စီမံခန့်ခွဲမှုပညာကျောင်း (Wharton School)၏ ပညာသင်ကြားမှုပုံစံကို စံနမူနာအဖြစ် အတုယူသုံးခဲ့ပြီး၊ စင်ကာပူနိုင်ငံ၏ တတိယမြောက် သက်တမ်းအရှည်ဆုံး ကိုယ်ပိုင်အုပ်ချုပ်ခွင့်ရ တက္ကသိုလ်ဖြစ်သည်။^[၅] ဤတက္ကသိုလ်ကို အက်စ်အမ်ယူ(SMU)ဟုလည်း အတိုကောက်ခေါ်ကြသည်။

စင်ကာပူ စီမံခန့်ခွဲမှုပညာ တက္ကသိုလ် (Singapore Management University)

Universiti Pengurusan Singapura  (မလေး) 新加坡管理大学 (တရုတ်) சிங்கப்பூர் நிர்வாக பல்கலைக்கழகம் (တမီးလ်)
အမျိုးအစား	ကိုယ်ပိုင်အုပ်ချုပ်ခွင့်ရှိတက္ကသိုလ်(en:Autonomous university)[၁]
တည်ထောင်	၂၉ ဇူလိုင် ၂၀၀၀; ၂၅ နှစ် အကြာက (၂၀၀၀-၀၇-29)
ပံ့ပိုးမှု	S$1.3 billion (US$988 million)[၂]
အဓိပတိ	Lim Chee Onn
ဥက္ကဋ္ဌ	Lily Kong
စီမံခန့်ခွဲရေး အရာရှိ	Timothy Clark
ဆရာဦးရေ	376[၃]
ဘွဲ့ကြိုဦးရေ	8182[၄]
ဘွဲ့လွန်ဦးရေ	1828[၃]
လိပ်စာ	81 Victoria St, Bras Basah, Singapore 1°17′48″N 103°50′59″E
ပရဝုဏ်	Urban; City campus
အထိမ်းအမှတ် အရောင်	Blue   Gold
ဝဘ်ဆိုဒ်	smu.edu.sg

စင်ကာပူ စီမံခန့်ခွဲမှုပညာ တက္ကသိုလ်၏ အုပ်ချုပ်ရေးအဆောက်အဦး

ဖွဲ့စည်းပုံ

စင်ကာပူ စီမံခန့်ခွဲမှုပညာ တက္ကသိုလ်ကို အောက်ပါ အဓိကကျောင်း ၈-ကျောင်းဖြင့် ဖွဲ့စည်းထားသည်။

• စာရင်းကိုင်ပညာကျောင်း 3 April 2025^{[Date mismatch]} ၌ မော်ကွန်းပြန်ကြည့်စက်တွင် မော်ကွန်းတင်ပြီး . (School of Accountancy)
• လီကုန်းချန်စီးပွားရေးပညာကျောင်း (Lee Kong Chian School of Business or LKCSB)
• ဘောဂဗေဒပညာကျောင်း (School of Economics)
• ကွန်ပျုတင်းနှင့် အချက်အလက်နည်းစနစ်ပညာကျောင်း (School of Computing and Information Systems)
• ရန်ပန်းဟောင်ဥပဒေပညာကျောင်း (Yong Pung How School of Law)
• လူမှုရေးသိပ္ပံပညာကျောင်း (School of Social Sciences)
• ပညာရပ်နယ်ပယ်စုံပေါင်းစပ်လေ့လာခြင်းကောလိပ် (College of Integrative Studies)
• ဘွဲ့လွန်သုတေသနပညာကောလိပ် (College of Graduate Research Studies)

ပညာရေး

ကျောင်းဝင်ခွင့်လိုအပ်ချက်များ

စင်ကာပူ စီမံခန့်ခွဲမှုပညာ တက္ကသိုလ်သည် စင်ကာပူ-ကိန်းဘရစ်ချ် ဂျီစီအီး(အေ)အဆင့် (Singapore-Cambridge GCE Advanced Level) အောင်လက်မှတ်ဖြစ်စေ၊ စင်ကာပူနိုင်ငံရှိ ပိုလီတက်ကနစ် ၅-ခုနှင့် အနုပညာကျောင်း ၂-ခုတို့မှ ဒီပလိုမာအောင်လက်မှတ်များ ဖြစ်စေ၊^[၆] အိုင်ဘီဒီပလိုမာ (International Baccalaureate diploma) စသည်တို့ပါဝင်သော တက္ကသိုလ်ဝင်တန်း သို့မဟုတ် အထက်တန်းကျောင်း အောင်မြင်မှု အသိအမှတ်ပြုလက်မှတ်များတင်ပြနိုင်သော ကျောင်းသားများမှ တစ်နှစ်တစ်ကြိမ် ရွေးချယ်ဝင်ခွင့်ပြုသည်။^[၇] ဘွဲ့လွန် သို့မဟုတ် မာစတာပရိုဂရမ်များသို့ ဝင်ခွင့်အတွက် စင်ကာပူ စီမံခန့်ခွဲမှုပညာ တက္ကသိုလ်သည် အဓိကဘာသာရပ်အများစုအတွက် ဂျီမက်(GMAT) နှင့် တိုဖယ်လ်(TOEFL) သို့မဟုတ် အိုင်အဲလ်စ်(IELTS) လိုအပ်သည်။ အချို့သော မေဂျာများသည် စာစီစာကုံးများ၊ ထောက်ခံစာများ တင်ပြခြင်းနှင့် လုပ်ငန်းအတွေ့အကြုံ အနည်းဆုံးမည်မျှရှိရမည်ဟူသော လိုအပ်ချက်တို့လည်း တောင်းဆိုတတ်သည်။^[၆]

မြန်မာအထက်တန်းကျောင်းကို ဘာသာရပ်တိုင်း၌ အမှတ် ၉၀-ရာခိုင်နှုန်းနှင့်အထက် ရရှိအောင်မြင်ပြီး၊ နိုင်ငံတကာအသိအမှတ်ပြု တက္ကသိုလ်တစ်ခုတွင် အနည်းဆုံးတစ်နှစ်သင်ယူထားကာ ၎င်းတက္ကသိုလ်တွင် သင်ယူထားသော ဘာသာရပ်အားလုံးကို ကောင်းစွာအောင်မြင်ထားပါကလည်း စင်ကာပူ စီမံခန့်ခွဲမှုပညာ တက္ကသိုလ်သို့ ကျောင်းဝင်ခွင့် လျှောက်ထားနိုင်ပါသည်။^[၈]