ရက္ခိုင့်အမျိုးသားအဖွဲ့ချုပ်

ရက္ခိုင့်အမျိုးသားအဖွဲ့ချုပ် (အင်္ဂလိပ်: United League of Arakan; အတိုကောက် ယူအယ်လ်အေ) သည် ရက္ခိုင့်တပ်တော်၏ နိုင်ငံရေးပါတီတစ်ခုဖြစ်သည်။ ရက္ခိုင့်အမျိုးသားအဖွဲ့ချုပ်၏ ဥက္ကဋ္ဌ တာဝန်ကို ရက္ခိုင့်တပ်တော် စစ်ဦးစီးချုပ် ဗိုလ်ချုပ်ထွန်းမြတ်နိုင် မှ တာဝန်ယူပြီး အတွင်းရေးမှူး တာဝန်ကို ဒေါက်တာညိုထွန်းအောင် မှ တာဝန်ယူသည်။

ရက္ခိုင့်အမျိုးသားအဖွဲ့ချုပ်
United League of Arakan

ရက္ခိုင့်အမျိုးသားအဖွဲ့ချုပ်၏အလံ
အတိုကောက်	ULA
ဖွဲ့စည်းခြင်း	၂၀၁၂ (၂၀၁၂)
အမျိုးအစား	နိုင်ငံရေးအဖွဲ့
အဖွဲ့ဝင်များ	၃၀၀၀၀၀+
ဥက္ကဋ္ဌ	ဗိုလ်ချုပ်ထွန်းမြတ်နိုင်[၁]
အတွင်းရေးမှူး	ဒေါက်တာညိုထွန်းအောင်[၂]
သတင်းနှင့် ပြန်ကြားရေးတာဝန်ခံ	ခိုင်သုခ
နှီးနွယ်အဖွဲ့အစည်း	ရက္ခိုင့်တပ်တော်
ဝက်ဘ်ဆိုဒ်	ulaparty.com//

၂၀၂၀ ပြည့်နှစ် မတ်လ ၂၃ ရက်နေ့တွင် United League of Arakan (ULA)/AA လက်နက်ကိုင်အဖွဲ့အား အကြမ်းဖက်အုပ်စုနှင့် မတရားအသင်းအဖြစ် အကြမ်းဖက်မှုတိုက်ဖျက်ရေးဗဟိုအဖွဲ့နှင့် ပြည်ထဲရေးဝန်ကြီးဌာနတို့က အမိန့်ကြော်ငြာစာအမှတ် ၁/၂၀၂၀ ဖြင့် ကြေညာခဲ့သည်။^[၃]

သမိုင်းကြောင်း

ရက္ခိုင့်အမျိုးသားအဖွဲ့ချုပ်အား ၂၀၁၆ ခုနှစ်၊ ဇန်နဝါရီလ ၁၆ ရက်မှ ၂၁ရက်အထိ ပထမအကြိမ် မျက်နှာစုံညီ အစည်းအဝေးအား နယ်စပ်တစ်နေရာတွင် ပြုလုပ်ပြီး ထူထောင်ခဲ့သည်။ ရက္ခိုင့်အမျိုးသားအဖွဲ့ချုပ်အား ဥက္ကဋ္ဌ၊ အထွေထွေအတွင်းရေးမှူး၊ အတွင်းရေးမှူး ၁၊ ၂ ၊ ၃ အပါအဝင် ဗဟို​ကော်မတီဝင် ၂၁ ဦးနှင့် ဖွဲ့စည်းခဲ့သည်။^[၄][၅]