သုဒိတာ

သုဒိတာ(ထိုင်း: สุทิดา၊ အမည်ရင်း: สุทิดา ติดใจ; သုဒိတာ တိတစေယ, ထိုင်းအသံထွက် - ဆုထိဒါ)သည် ထိုင်းနိုင်ငံ၏ မိဖုရား​ခေါင်၊ ဘုရင် ​လောင်ကွန်း၏ စတုတ္ထ​မြောက်ကြင်ဖော် ဖြစ်သည်။

သုဒိတာ สุทิดา
ထိုင်းနိုင်ငံ၏ မိဖုရားခေါင်
သက်တမ်း	၁ ​မေ ၂၀၁၉- လက်ရှိ
နန်းတက်ချိန်	၄ ​မေ ၂၀၁၉
မွေးဖွား	(1978-06-03) ၃ ဇွန်၊ ၁၉၇၈ (အသက် ၄၇) ဘန်ကောက်မြို့၊ ထိုင်းနိုင်ငံ
အိမ်ထောင်ဖက်	ဝဇိရာလင်္ကရဏ (ရာမ ၁၀)
စံအိမ်	မဟီ​ဒေါ (ချက္ကရီမင်းဆက်)
ကိုးကွယ်မှု	ဗုဒ္ဓဘာသာ

မိဘုရားခေါင် ဖြစ်ပြီးနောက်ပိုင်း ဘွဲ့တံဆိပ်နာမံတော် အပြည်အစုံမှာ -

• มเด็จพระนางเจ้าสุทิดา พัชรสุธาพิมลลักษณ พระบรมราชินี
• Her Majesty The Queen Suthida Bajarasudha Bimollaksana
• ဆောမ့်ဒေ့ဗြနန်းစော သုဒိတာ ဝဇိရသုဓ ဝိမလလက္ခဏ ဗြပရမရာဇိနီ

ဘဝအစ

၁၉၇၈ ခု၊ ဇွန်လ ရက်တွင် မွေးသည်။ ၂၀၀၀ ပြည့်နှစ်တွင် ဆက်ဆံရေးဘာသာ (Communication Arts) ဖြင့် အဆမ်းပရှင်း တက္ကသိုလ်မှ ဘွဲ့ရသည်။ ထို့နောက် ထိုင်း​လေ​ကြောင်း၏ ​လေယာဉ်မယ် ဖြစ်လာသည်။

စစ်မှုထမ်း ဘဝ

၂၀၁၄ ခုနှစ် ဩဂုတ်လတွင် အိမ်​ရှေ့မင်းသား ဝါချီရာ​လောင်ကွန်း၏ သက်​တော်​စောင့်အဖွဲ့တွင် တပ်မှူးအဖြစ် ခန့်အပ် ခံရသည်။

ရာထူး အဆင့်ဆင့်

ခန့်အပ် ရက်စွဲ	အဆင့်	မှတ်ချက်
၂၀၁၀ မေ ၁၄	ဒုဗိုလ်
၂၀၁၀ နိုဝင်ဘာ ၁၄	ဗိုလ်
၂၀၁၁ ဧပြီ ၁	ဗိုလ်ကြီး
၂၀၁၁ အောက်တိုဘာ ၁	ဗိုလ်မှူး
၂၀၁၂ ဧပြီ ၁	ဒုတိယ ဗိုလ်မှူးကြီး
၂၀၁၂ အောက်တိုဘာ ၁	ဗိုလ်မှူးကြီး
၂၀၁၃ နိုဝင်ဘာ ၁၀	ဗိုလ်မှူးချုပ်
၂၀၁၆ ဩဂုတ် ၂၆	ဒုတိယ ဗိုလ်ချုပ်
၂၀၁၆ ဒီဇင်ဘာ ၁၀	ဗိုလ်ချုပ်

မိဖုရား​ခေါင်

အိမ်ရှေ့မင်းသား လောင်ကွန်းမှာ စုဝတီနှင့် ပြတ်စဲပြီးနောက် စုသီတာနှင့် ဇာတ်လမ်းဖြစ်လာသည်။

၂၀၁၉ခုနှစ် ​မေလ၁ရက်​နေ့တွင် ဘုရင်ဝါချီရာလောင်ကွန်း၏ မိဖုရား​ခေါင်အဖြစ် ခန့်အပ်ခံခဲ့ရသည်။^[၁]

ဘုရင်သည် ​မေလ ၄ ရက်မှ ၆ ရက်​နေ့အတွင်းတွင် နန်းသိမ်းပွဲ ကျင်းပခဲ့သည်။ လက်ထပ်မင်္ဂလာ လက်မှတ်​ရေးထိုးပွဲကို ဘန်​ကောက်မြို့၊ ​တော်ဝင်နန်း​တော်၌ ကျင်းပခဲ့ပြီး နှမ​တော် မင်းသမီးကြီး သီရိဒုံနှင့် ဘုရင်ခံ​ဟောင်း ပရမ်တို့က အသိသက်​သေအဖြစ် ​ဆောင်ရွက်ခဲ့ကြသည်။^[၂]