သဲစုငြိမ်း
မြန်မာအလှမယ် From Wikipedia, the free encyclopedia
Remove ads
သဲစုငြိမ်း (၂၄ မေ ၂၀၀၇ မွေးဖွား)[၁] သည် မြန်မာနိုင်ငံရှိ အလှမယ်၊ ရုပ်ရှင်မင်းသမီးနှင့် မော်ဒယ်တစ်ဦးဖြစ်သည်။[၂] သူမသည် Miss Grand Myanmar 2024[၃][၄] ရရှိခဲ့ပြီး မြန်မာနိုင်ငံကိုယ်စားပြု အနေဖြင့် Miss Grand International 2024 ပြိုင်ပွဲကို ပါဝင်ယှဉ်ပြိုင်ခဲ့ရာ ဒုတိယဆု (Second runner-up) ရရှိခဲ့သည်။[၅][၆]
Remove ads
ငယ်ဘဝနှင့်ပညာရေး
သဲစုငြိမ်းကို ၂၀၀၇ ခုနစ် မေလ ၂၄ ရက်နေ့တွင် ပဲခူးတိုင်းဒေသကြီး တောင်ငူမြို့နယ်တွင် မွေးဖွားခဲ့သည်။ မွေးချင်းနှစ်ယောက် အနက် သူမသည် အကြီးဆုံးသမီးဖြစ်သည်။[၇]
အနုပညာခရီးလမ်း
၂၀၂၂ ခုနှစ်တွင် သဲစုငြိမ်းသည် မော်ဒယ်များသင်တန်းများ နှင့် လေ့ကျင့်မှုများကို လေ့လာခဲ့သည်။ ထို့နောက် ဂျွန်လွင် ၏ John International Modeling Agency တွင် Runway မော်ဒယ်အဖြစ် စတင် ဝင်ရောက်ခဲ့ပြီး ကြော်ငြာများနှင့် ဖက်ရှင်ပြပွဲများတွင် ပါဝင်ခဲ့သည်။[၈]
သဲစုငြိမ်းသည် အလှမယ် လောကကို အသက် ၁၆ နှစ်အရွယ်တွင် စတင်ဝင်ရောက်ခဲ့သည်။ သဲစုငြိမ်းသည် မြန်မာနိုင်ငံတွင် အသက်အငယ်ဆုံး ပြိုင်ပွဲဝင်ဖြစ်သည်။ သူမသည်မြန်မာနိုင်ငံကိုယ်စားပြု ဝင်ရောက်ယှဉ်ပြိုင်ခဲ့ပြီး အောင်မြင်မှုများစွာရရှိခဲ့သည်။[၉][၁၀] သဲစုငြိမ်းသည် ပြိုင်ပွဲပြီးဆုံးပြီးနောက် သူမ၏ ပထမဆုံးအနုပညာလမ်းကြောင်းထဲသို့ဝင်ရောက်ခဲ့သည်။[၁၁][၁၂] ယခုအခါရုပ်ရှင်ဇာတ်ကားများ၊ ကြော်ငြာများရိုက်ကူးလျက် ရှိသည်။[၁၃][၁၄][၁၅]
၂၀၂၅ မတ်လတွင် သဲစုငြိမ်းသည် Yangon International University Campus (YIUC) ဖွင့်ပွဲတွင် မြန်မာနိုင်ငံရှိ အနုပညာရှင်များနှင့်အတူ တက်ရောက်ခဲ့သည်။[၁၆]
Remove ads
အလှမယ်
Miss Grand Taungoo 2024
၂၀၂၄ ခုနှစ် ဇွန်လ ၂၁ ရက်နေ့တွင် ရန်ကုန် ကွန်ဗင်ရှင်းစင်တာ၌ Miss Grand Bago 2024 ပြိုင်ပွဲကိုကျင်းပခဲ့ပြီး ပဲခူးတိုင်းဒေသကြီးမှ မြို့ ၅ မြို့ကို ကိုယ်စားပြုရန် အနိုင်ရရှိသူများကို ရွေးချယ်ခဲ့သည်။ သဲစုငြိမ်း သည် Miss Grand Taungoo 2024 ဆုကိုရရှိခဲ့ပြီး Miss Grand Myanmar 2024 ပြိုင်ပွဲတွင် တောင်ငူ ကိုယ်စားပြုအဖြစ် ယှဉ်ပြိုင်ခဲ့သည်။[၁၇]
Miss Grand Myanmar 2024
သဲစုငြိမ်းသည် ဒီဇင်ဘာလ ၂၀၂၃ ခုနစ်တွင် ကျင်းပခဲ့သော Miss Grand Myanmar 2024 ပြိုင်ပွဲတွင် ဝင်ရောက်ယှဉ်ပြိုင်[၁၈] ခဲ့ရာ မြန်မာနိုင်ငံကိုယ်စားပြုအနေနှင့် Miss Grand Myanmar 2024 ဆုကို ရရှိခဲ့သည်။[၁၉]
Miss Grand International 2024

သဲစုငြိမ်းသည် မြန်မာနိုင်ငံကိုယ်စားပြုအနေဖြင့် Miss Grand International 2024 ပြိုင်ပွဲ[၂၀] ကိုဝင်ရောက်ယှဉ်ပြိုင်ခဲ့ရာ 2nd runner up ဆုကို ရရှိခဲ့သည်။[၂၁] National Costume ပြိုင်ပွဲတွင် ဗိဿနိုးဘုရင်မ “Queen Panhtwar” ဝတ်စုံဖြင့် ယှဉ်ပြိုင်ခဲ့သည်။[၂၂][၂၃]
ထိုင်းနိုင်ငံ ဘန်ကောက်မြို့ရှိ MGI ခန်းမတွင် ကျင်းပသည့် Miss Grand International 2024ပြိုင်ပွဲတွင် မြန်မာနိုင်ငံကိုယ်စားပြု သဲစုငြိမ်းသည် Miss Beauty Skin Award , Miss I'Aura Queen Award, Miss Fan Vote Awardတို့ကို အောက်တိုဘာလ ၂၀၂၄ တွင် ဆွတ်ခူးရရှိခဲ့သည်။[၂၄]

အောက်တိုဘာလ ၂၅ ရက်နေ့တွင် ကျင်းပသော အလှမယ်ပြိုင်ပွဲတွင် သဲစုငြိမ်းသည် ထိပ်တန်း ဆန်ကာတင် ၁၀ ဦးတွင် ပါဝင်ခဲ့သည်။[၂၅][၂၆][၂၇][၂၈][၂၉] ပြိုင်ပွဲပြီးဆုံးချိန်တွင် အိန္ဒိယနိုင်ငံမှ ရေချယ်ဂူပတာ သည် အနိုင်ရရှိသူဖြစ်လာပြီး သဲစုငြိမ်းသည် Second runner-up အဖြစ် ပြီးဆုံးခဲ့သည်။[၃၀][၃၁][၃၂]
Placements
Remove ads
ဆုရုပ်သိမ်းခြင်းနှင့်နှုတ်ထွက်ခြင်း
သဲစုငြိမ်း သည် မြန်မာနိုင်ငံကို ကိုယ်စားပြု၍ Miss Grand International 2024 ပြိုင်ပွဲတွင် ပါဝင်ခဲ့ပြီး၊ Second runner-up ဆုကိုရရှိခဲ့သည်။[၃၃] ပြိုင်ပွဲအပြီးတွင် Instagram Live မှတဆင့် သူမရရှိခဲ့သောဆုကို ပြန်လည်ပေးအပ်မည်ဟု ကြေညာခဲ့ပြီး၊ Best National Costume နှင့် Country's Power of the Year ဆုများ မရရှိခြင်းကြောင့် မကျေနပ်မှုကို ဖော်ပြခဲ့သည်။ သူမက မကျေနပ်မှုကို အနိုင်ရရှိသော Rachel Gupta (အိန္ဒိယ)[၃၄] သို့မဟုတ် CJ Opiaza (ဖိလစ်ပိုင်) အပေါ် မဆိုင်ကြောင်း၊ အထူးဆုများ ဆုံးဖြတ်ချက်များအပေါ်. ဖြစ်ကြောင်း ရှင်းလင်းပြောကြားခဲ့ သည်။[၃၅]
Miss Grand International (MGI) အဖွဲ့အစည်း၊ ဥက္ကဋ္ဌ ဝတ် Nawat Itsaragrisil ဦးဆောင်၍ သူမ ရရှိခဲ့သောဆုများကို တရားဝင် ရုတ်သိမ်းခဲ့ကြောင်း လူမှုကွန်ရက်များတွင် ကြေညာခဲ့ပြီး၊ "အမြင်မသင့်တော်ခြင်းနှင့် စည်းမျဉ်းစည်းကမ်းများ ချိုးဖောက်မှုများ" ဖြစ်ကြောင်း ဖော်ပြခဲ့သည်။[၃၆] ခေါင်းစဉ် ဖယ်ရှားခြင်းအပြီး သဲစုငြိမ်းသည် Instagram Bio မှ Miss Grand Myanmar 2024 ခေါင်းစဉ်ကို ဖယ်ရှားခဲ့သည်။[၃၇]
Remove ads
အများပြည်သူများ၏ဝေဖန်မှု့
၂၀၂၅ ခုနှစ် မတ်လတွင် သဲစုငြိမ်း သည် Miss World Myanmar 2025 ပြိုင်ပွဲတွင် “farewell walk” ဆောင်ရွက်ခဲ့သည့်အတွက် အများပြည်သူထံမှ ဝေဖန်မှုများ ရရှိခဲ့သည်။[၃၈]
လူမှုကူညီမှုများနှင့် လှူဒါန်းမှုများ
၂၀၂၄ ခုနှစ် စက်တင်ဘာလတွင် Miss Grand Myanmar အဖွဲ့အစည်းသည် နိုင်ငံတော် Corporate Social Responsibility (CSR) အဖွဲ့များ နှင့် ပူးပေါင်း၍ အရေးပေါ်အတွက် လိုအပ်သောပစ္စည်းများ သန်း ၁၀၀ ကျော် ကျပ်တန်ဖိုးများ လှူဒါန်းခဲ့သည်။[၃၉][၄၀]
၂၀၂၅ ခုနှစ် မတ်လ ၂၈ ရက်နေ့ မြန်မာနိုင်ငံတွင် ဖြစ်ပေါ်ခဲ့သော ၇.၇ မဂ္ဂနီကျူတ် လ (7.7-magnitude earthquake) အပြီး သဲစုငြိမ်း သည် အရေးပေါ်ကယ်ဆယ်ရေး လှုပ်ရှားမှုများတွင် တက်ကြွစွာ ပါဝင်ခဲ့ပြီး၊ အကူအညီကို တောင်းဆိုကာ၊ ထိခိုက်ခံခဲ့ရသည့် လူထုသို့ ကိုယ်တိုင် လှူဒါန်းပစ္စည်းများ ဖြန့်ဝေမှုကို လုပ်ဆောင်ခဲ့သည်။[၄၁]
Remove ads
ရိုက်ကူးထားသော ရုပ်ရှင်များ
ကိုးကား
ပြင်ပလင့်ခ်များ
Wikiwand - on
Seamless Wikipedia browsing. On steroids.
Remove ads