အလယ်ပြင်သည် (ညောင်ဦးစောရဟန်း)

အလယ်ပြင်သည် ("အလယ်နန်းမတော် မိဖုရား") သည် ပုဂံခေတ် ညောင်ဦး စောရဟန်းနှင့် ကွမ်းဆော်ကြောင်းဖြူမင်းများ၏ မိဖုရားတစ်ပါး ဖြစ်သည်။ သူမသည် စုက္ကတေးမင်း၏ မယ်တော်လည်း ဖြစ်သည်။^[၁]

အလယ်ပြင်သည်
ပုဂံ အလယ်နန်းမတော် မိဖုရား
နန်းသက်	? – ၁၀၁၄?
ရှေ့မင်းဆက်	?
နောက်မင်းဆက်	လစ်လပ်
မွေးဖွား	ပုဂံ
အိမ်ထောင်ဖက်	ညောင်ဦး စောရဟန်း (?–၁၀၀၁) ကွမ်းဆော်ကြောင်းဖြူ (၁၀၀၁–၁၄?)
သားသမီးများ	စုက္ကတေး
စံအိမ်	ပုဂံ
ကိုးကွယ်မှု	ထေရဝါဒ ဗုဒ္ဓဘာသာ

နန်းတွင်းရာဇဝင်ကျမ်းများအရ သူမသည် မင်းမျိုးမင်းနွယ်မှ ဆင်းသက်လာသူဖြစ်ပြီး အစ်မတစ်ဦးနှင့် ညီမ တစ်ဦး ရှိသည်။ သူမအပါအဝင် ညီအစ်မ သုံးဦးသည် ညောင်ဦး စောရဟန်းမင်းနှင့် လက်ထပ်ခဲ့ကာ မိဖုရားများ ဖြစ်လာခဲ့သည်။ သူမ၏ ညီအစ်မနှစ်ဦးမှာ တောင်ပြင်သည် ("တောင်နန်းမတော် မိဖုရား") နှင့် မြောက်ပြင်သည် ("မြောက်နန်းမတော် မိဖုရား") တို့ဖြစ်ကြသည်။^[၁][၂]