၂၀၁၈ လားရှိုးမြို့ ဗုံးပေါက်ကွဲမှု

၂၀၁၈ လားရှိုးမြို့ ဗုံးပေါက်ကွဲမှုမှာ မြန်မာနိုင်ငံ၊ ရှမ်းပြည်နယ်၊ လားရှိုးမြို့တွင် ဖြစ်ပွားခဲ့သော ဗုံးပေါက်ကွဲမှုအကြောင်းဖြစ်ပြီး ထိုပေါက်ကွဲမှုကြောင့် ရိုးမဘဏ်မှာ ဘဏ်ဝန်ထမ်း ၂ ဦး သေဆုံးခဲ့ပြီး ၂၂ ဦး ဒဏ်ရာရရှိခဲ့သည်။

၂၀၁၈ လားရှိုးမြို့ ဗုံးပေါက်ကွဲမှု
နေရာ	လားရှိုးမြို့၊ ရှမ်းပြည်နယ်၊ မြန်မာနိုင်ငံ
ကိုဩဒိနိတ်	22°56′17″N 97°44′47″E
ရက်စွဲ	၂၁ ဖေဖော်ဝါရီ ၂၀၁၈ ၄ နာရီ ၃၀ မိနစ် (ညနေပိုင်း) (UTC+6:30)
တိုက်ခိုက်မှု အမျိုးအစား	ဗုံးပေါက်ကွဲမှု
သေဆုံးသူဦးရေ	၂
ဒဏ်ရာရဦးရေ	၂၂

နောက်ခံအခြေအနေ

မြန်မာနိုင်ငံအစိုးရနှင့် သောင်းကျန်းသူအဖွဲ့အစည်းများကြား ဖြစ်ပွားနေသော တိုက်ပွဲများကြောင့် ဗုံးပေါက်ကွဲခြင်းမှာ ရှမ်းပြည်နယ်အတွက် ထူးခြားသော ကိစ္စရပ်တစ်ခုမဟုတ်ခဲ့ပေ။ သို့သော် ထိုသို့ပေါက်ကွဲများသည် ပြည်သူများအား ထိခိုက်သေဆုံးစေရန် ပြုမူမှုများမှာ ဖြစ်ပွားခဲလှပါသည်။^[၁]

ပေါက်ကွဲမှု ဖြစ်ပွားခြင်း

ပေါက်ကွဲမှုမှာ ၂၁ ရက် ဖေဖော်ဝါရီလ ၂၀၁၈ ခုနှစ် မြန်မာစံတော်ချိန် ၄ နာရီ ၃၀ မိနစ်ဝန်းကျင်လောက်တွင် ဖြစ်ပွားခဲ့ခြင်းဖြစ်ပြီး ဘဏ်နှစ်ခုဖြစ်သည့် ရိုးမဘဏ်နှင့် ဧရာဝတီဘဏ်အကြားတွင် ပေါက်ကွဲခဲ့ခြင်းဖြစ်ပြီး ထိုပေါက်ကွဲမှုကြောင့် ဘဏ်ဝန်ထမ်းနှစ်ဦး နေရာတွင်ပင် သေဆုံးခဲ့သည်။^[၁][၂] ထို့ပြင် အခြားသော ၂၂ ဦးမှာ ပေါက်ကွဲမှုကြောင့် ဒဏ်ရာရရှိခဲ့သည်။^{[၃][၄][၅]}