ကော့မူးရာတိုက်ပွဲ သို့မဟုတ် ဝမ်ခသစ်တိုက်ပွဲ သည် စစ်တပ်နှင့် KNLA တို့အကြား နှစ်ရှည်လများတိုက်ခိုက်ခဲ့ကြသည့် တိုက်ပွဲဖြစ်သည်။ ၁၉၉၄ ခုနှစ်မတိုင်မီတွင် စစ်တပ်သည် KNLA ၏ အမာခံခံတပ်ဖြစ်သည့် ကော့မူးရာစခန်း ၏ အမာခံနယ်မြေကို သိမ်းပိုက်ရန်အပြင်းအထန်ကြိုးစားခဲ့သော်လည်း ခံစစ်ကောင်းသောကြောင့် သိမ်းပိုက်နိုင်ခြင်း မရှိခဲ့ပေ။ စစ်တပ်သည် ထိုင်းအစိုးရ၏ ခွင့်ပြုချက်ဖြင့် ထိုင်းနိုင်ငံသို့ အမြောက်သွားပို့ဆောင်ပြီး ထိုနေရာမှ စိတ်ကြိုက်ပစ်ခတ်ခဲ့သည် ၁၉၉၅ ခုနှစ် ဇန်နဝါရီလ ၂၇ ရက်နေ့တွင် မနောပလောကျဆုံးပြီး စစ်တပ်သည် တောင်ဘက်သို့ ချီတက်ကာ ဖေဖော်ဝါရီ ၂၁ ရက်တွင် ကော့မူးရာကို သိမ်းပိုက်ခဲ့သည်။