လမ်းမတော်မြို့နယ်သည် ရန်ကုန်မြို့လယ်၏ အနောက်ပိုင်းတွင် တည်ရှိသည်။ လမ်းမတော်မြို့နယ်၏ အနောက်ဘက်တွင် အလုံမြို့နယ်၊ အရှေ့ဘက်တွင် လသာမြို့နယ်၊ တောင်ဘက်တွင် ဆိပ်ကမ်းမြို့နယ်နှင့် ရန်ကုန်မြစ်ရှိပြီး မြောက်ဘက်တွင် ဒဂုံမြို့နယ်တို့ တည်ရှိသည်။ လမ်းမတော်မြို့နယ်တွင် ရပ်ကွက်ပေါင်း (၁၂)ခု၊ အစိုးရ မူလတန်းကျောင်း (၅) ကျောင်း၊ အလယ်တန်းကျောင်း (၂) ကျောင်းနှင့် အထက်တန်းကျောင်း (၂) ကျောင်းရှိသည်။ လမ်းမတော်မြို့နယ်နှင့် လသာမြို့နယ်တို့သည် ရန်ကုန်မြို့၏ တရုတ်တန်းဖြစ်သည်။