Азарць тикше

Азарць тикше^[2], лиякс: дурак тикше^[2][3], ормаза тикше^[2], дурмантикше^[4], душмантикше^[4] (лат. Hyoscýamus, руз. Белена́) — те тикшень касовкс, Пиненьбабстонь буестэ (Solanaceae).

Азарць тикше
Тонань лем
промежуточные ранги Домен:  Эукариотт Инязормастор:  Касыкст Отдел:  Цецякань Класс:  Кавтопельксэнь[1] Лувверькс:  Asteranae Лув:  Пиненьбабстоньцецянь Буе:  Паслёновые Семияалкс:  Азарць тикшень Триба:  Азарць тикшень Буе:  Азарць тикше
Омбомасторонь тонань лем
Hyoscyamus L., 1753
Дочерние таксоны
Hyoscyamus niger (aut) Раужо тюсонь дурак тикше
Систематикась Викилувтнесэ Артовкст Викиутомсо ITIS   30522 NCBI   4078 EOL   61431 GRIN   t:5957 IPNI   38391-1

Азарць тикшесь цецямсто

Касы видезь сюро юткова, парина паксява, барлак мода ланга, эмеж пирева. Кой-кува ламо — мерят прок нарушной видезь.

Кодамо те тикшесь

Сон аволь вишкине, касны пель метрань, косо-косо метрань серьсэ. Недьксэзэ эчке, касы видьстэ. Лопанзо келейть, пест керсезь покш пей ладсо, аламодо педицят, качады эйстэст а тантей чине. Цецянзо аштить вете лопинестэ, понаст ашо марто бутравоень кондят, эзгаст молить фиолетовой санынэть, конадо венчикесь аламодо розовойгады.

Эмеж

Эмежезэ — вельтемне марто кукшуннэнь кондямо коробкине-куйме, улить пейнензэ, конат кенерема малав кармить пупамо. Азарць тикшень мазый куйметнесэ налкстнить эйкакшт ды ярсакшныть сынст маконь кондят видьмест, конань эйсэ мейле пек морявкшныть, эрзякс мерить азаргадыть — те тикшесь куловтыця: лопанзояк, цецянзояк, недьксэнзэяк.

Тикшень лемтне

• Раужо тюсонь дурак тикше^[2], раужо тюсонь азарць тикше — (лат. Hyoscýamus níger, руз. Белена́ чёрная)
• Азарць тикшентень эрзянь литературной кельсэнть лиякс мерить:
  • Шугур велесэ — дурак мако (durak mako)^[3].
  • Селища — дурак бабань тикше (durak baban’ t’ikše)^[3].
  • Ицялосо  — овтонь беште (ovton’ bešt’e)^[3].
  • Ало велесэ — дикой мако (d’ikoj mako)^[3].
  • Кулясовасо — саразонь гулофтома (sarazon’ guloftoma)^[3].

Сёрм.

• Пурнадо лекарствань тикшеть А. Ф. Терехов, Равкуншкань краень Государственной Издательствась, Москов-Самар 1932, л.40

Лисьмапрят

1. Об условности указания класса двудольных в качестве вышестоящего таксона для описываемой в данной статье группы растений см. раздел «Системы APG» статьи «Двудольные».
2. Русско-эрзянский ботанический словарь (названия сосудистых): Ок. 1600 назв. /А. М. Гребнева, В. В. Лещанкина.— Саранск: Тип. «Крас. Окт.», 2002.— 60 с.— Рус, эрзян. ISBN 5-7493-0433-7., (руз.), (эрз.)
3. Гребнева, А. М. Мордовские фитонимы в системе семантического поля / А. М. Гребнева // интеграция образования. — 2015. — т. 19, No 4. — С. 100—106. dOi: 10.15507/1991- 9468.081.019.201504.100 (мокш.),(руз.), (эрз.)
4. Агафонова Н. А., Алёшкина Р. А., Гребнева А. М., Имайкина М. Д., Мосин М. В., Рузанкин Н. И., Тихонова Т. М., Цыганкин Д. В., Харитонова А. М., Цыпайкина В. П.; Гаврилова Т. Г. (отв. секретарь). Вейсэ, башка, тешкс вельде (Слитно, раздельно, через дефис). Словарь трудностей эрзянского языка. Саранск, 2001. - 172с(руз.), (эрз.)