Покш Толкан веле (Похвистнева буень)

Покш Толкан веле (руз. Большой Толкай) — эрзянь^[1] веле, Похвистнева буесэ, Самарань ёнкс лембеёнов.

Веле
Покш Толкан веле
53°28′55″ с. ш. 51°57′06″ в. д.HGЯOL
Мастор	Россия Россия
Ёнкс	Самарань ёнкс
Буе	Похвистневань буе
История ды география
Путозь	1650 ие
Эрицятне
Эрицятне	1752 ломанть (2014)
Раськеть	эрзят
Цифрань идентификаторт
Почтань индекс	446483
Автомобильной код	63
{|align="center" style="background-color:inherit;width:290px" | |}

Покш Толкан велесь ашти Покш Толкан леенть чиресэ, Чихан пандо ало. Велестэнть 32 вп буенть куншка таркас — Похоснёвс ды 131 вп Самар ошонть видс.

Веленть кувалмозо 7 вп. 95 % эрицятнеде — эрзят.

Веленть лемденть

Ульнесь путозь 1650 иестэ, Алоошсто сазь од эрямо таркань эрямо ломантнеде. Веленть лемезэ улить ламо смусть:

• «покш» ды «тол» валтнэстэ. Те модась кармась эрзятнень туртов од эрямокс, нужачивтеме, тесэ сынь кирвастизь Раськень толонть.

• Икелень ёвксонть коряс — модась, конань таркасо ашти Покш Толкан велесь кезэрень шкасто ульнесь ногай Талхан ханонть кедьсэ. Эрьзятненень, конатат састь тей од эрямо таркань вешнеме, ульнесь мелест рамамонзо сонзэ. Ансяк ногаесь кармась вешеме аволь ярмакт моданть кис, сон вешисэть Федуша эрзянь тейтерьканть. Ламос атятне энялдсть тейтерьканть, шкань ютазь сон прась ве мельс мартост. Истя тесэ появась Покш Толкан велесь.

• Лия конёвтнэнь коряс лиси, 1755 иень эйзюрковонь 29 чистэ ульнезь теезь рамамось. Эйсэнзэ сёрмадозь^[2]:

(эрз. «Иень1755 эйзюрковонь 29 чистэ одс лемдязь печкасонь койстэ Дмитриевень Иван максызе те рамсеманть Симбирэнь уездстсэ одс лемдязь эрьва кодат эрицятненень».

Оригинальной текст (руз.)  

«Лета 1755 года марта 29 дня новокрещенной из татарской природы Иван Дмитриев дал сию купчую крестьянам Симбирского уезда разным новокрещенным деревни»

Эрзятне не модатнень кис пандсть 50 целковойть сиясо.

Веленть эрямозо

2015 иень умарьковонь 29 чистэ Покш Толкан веленьте топодсть 260 иеть^[3].

Содавикс ломанть те велестэнть

Покш Толкан велесэ чачсть:

• И. Н. Бузуев^[4] — агроном
• Алек Дуняшин^[5]— эрзянь прозаик, публицист, критик.
• Числав Журавлёв^[1] — эрзянь сёрмадей ды валморозей.
• Лука Семенович Кавтаськин^[6][7] — ученой, тонавтыця, фольклоронь пурныця
• А. И. Колесова, Р. А. Пыряева^[8] — тонавтыцят
• Ю. В. Мишакин^[9] — Покш Толкан веленть прявт (2010 ожоковонь 18 чистэ).
• Василий Кузьмич Радаев^[10][11][12] — эрзянь сёрмадей, фольклоронь пурныця, «Сияжар» морокерьксэнть сёрмадыцязо.
• Тимофея Раптанов^[13][14][15] — эрзянь прозань сёрмадыця, куляньсёрмадей
• А. Ф. Рябов^[16] — (руз. Государственное бюджетное учреждение Самарской области «Большетолкайский пансионат для ветеранов труда (дом-интернат для престарелых и инвалидов)») прявт.
• Ю. Ф. Рябов^[17][18]— Похостнёвонь буенть прявт.
• В. Н. Старков^[19] — Вишка Толкан веленть прявт (2010 иестэ).
• И. С. Чагаев^[20] — Ине Отечественной ойнань ветеран — МВД-нь ветеран.

Покш Толкан веледе шкинемасо

• веледенть «Сятко» ковставксо ульнесь сёрмадозь^[21](сёрмадома лувось ды стилистикась кадозь):

(эрз. Покш-толкансо (Кинель-черказонь р-н Рав- Куншкань край) крй-кить апак лотксе салыть вирь.

Лесничиесь Бузнягай Илька вирень салы цятнень каршо овсе а бороце, а, сеедьстэ микшне виренть эйсэ вина бутылкань кис, кода тейсь Кажай Петянь маро. Кундасы вирень салынть. Алты тензэ тона вина бутылка, Нолдасы. Я тарка Бизнягайнень лесничеекс.
Пиле пря.)