Цыганов, Николай Фёдорович (кельсодый)

Николай Фёдорович Цыганов (1904-це иень ацамковонь 24-це чи, Мачкасы веле, Саратовань губерния — 1971-це иень ожоковонь 23-це чи, Саран ош) — эрзянь кельсодый, валморозей, эрзянь лексикографиянь уставиця.

Цыганов, Николай Фёдорович
чачома чись	11 (24) ацамковонь 1904
Чачома тарка	Мачкасы[d], Петровский уезд[d], Саратовская губерния[d], Россиянь империясь
Кулома чись	ожоковонь 23 чи 1971(1971-10-23) (66 иеть)
Кулома тарка	Саран ош, Российянь Советэнь Федеративной Социалистической Республикась[d], Советэнь Вейсэндявкс[d]
Важодема ёрокчизе	валморозей
казнеть ды медальть

Эрямокизэ

Земской школанть прядызе 1916-це иестэ, тонавтнеманть поладызе Мачкасысэ учителень семинариясо, мейле Петровской педагогической техникумсо ды Саратовань университетсэ. Прядомадонзо мейле тонавтсь тосконь школасо^[1]. 1932—1934-це иетнестэ вети эрзянь-мокшонь отделения, важоди тонавтыцякс ды ученой секретарекс Мордовской пединститутсо Саран ошсо. 1934—1938-це иетнестэ тонавтни Ленинградонь государственной университетэнь филологической факультетэнь аспирантурасо Д. В. Бубрих профессоронть кедьсэ. Теке шкане роботы ВЛКСМ комитетэнь секретарекс ды филологиянь факультетэнь тонавтыцякс. Идесь «Вопросы лексики и лексикографии мордовских языков» кандидатонь диссертация. 1938—1939-це иетнестэ ульнесь СССР-нь Наукань академиянь келень ды арсемань (языка и мышления) научной сотрудникекс.

1930—1931-це иетнестэ Н. Ф. Цыганов командовась Кушка ошсо ударно-стрелковой полконь взводсо ды якась Каракумов контрреволюционной басмачествань лепштямо. Западной Белоруссияв олякстомтомань якамонь участник, истя жо советско-финской войнань (1939—1940). ВКП(б)-нь член 1941-це иестэ саезь^[2]. 1941-це иень таштамковсто саезь — Ине Отечествань войнань фронттнэсэ: Западной, Степной (1943-це иень эйсюрковсто саезь). Командовась артбатареясо, дивизиононь штабонь прявтоль, дивизиононь командир, полконь штабонь начальник, армиянь штабонь оперативной отделэнь началникень лездыця. Фронтсо колмоксть ранязель.

Демобилизациядо мейле важодсь Саранскосэ старшей научной сотрудникекс, секторонь заведующеекс ды Келень, литературань, историянь ды экономикань Мордовской научно-исследовательской институтонь директорокс; тонавтсь Мордовской педагогической институтсо (ней Н. П. Огарёв лемсэ эрзя-мокшонь государственной университет), косо доцентэкс ветясь эрзянь ды мокшонь филологиянь кафедранть. Н. Ф. Цыганов кадсь ведьгеменде ламо научной сёрмадовкст эрзянь-мокшонь лексикографиянь ды диалектологиянь коряс.

Кулось 1971-це иень ожоковонь 20-це чистэ.

Шкинемазо ды наукань тевензэ

Печатьс лиснесь 1920-це иетнестэ саезь. Лиснекшнесь Гай-Узин псевдонименть ало. Н. Ф. Цыганов ливтсь ведьгеменде ламо статьят лексикографиянь, диалектологиянь ды эрзянь-мокшонь языкознаниянь коряс.

Кочказь произведеният

Источник — Электронные каталоги РНБ

• Вопросы мордов. филологии: [Сб. статей / Отв. ред. Н. Ф. Цыганов]. — Саранск : Морд. кн. изд-во, 1968. — 198 с. — (Кафедра мордовского языка и литературы Мордовского гос. ун-та. Ученые записки ; № 64).
• Русско-эрзянский словарь [ок. 25000 слов] / Сост.: М. Н. Коляденков, Ф. В. Сульпин, Л. П. Тарасов, Н. Ф. Цыганов; Под общ. ред. М. Н. Коляденкова и Н. Ф. Цыганова. — М.: Гос. изд-во иностр. и нац. словарей, 1948. — 418 с. — 5000 экз.
• Цыганов Н. Ф. Вопросы лексики и лексикографии мордовских языков : Автореф. дис. … канд. филол. наук. — М., 1952. — 24 с.
• Эрзянско-русский словарь [ок. 15000 слов с прил. краткого грамматич. очерка] / Сост.: М. Н. Коляденков и Н. Ф. Цыганов; Под ред. Д. В. Бубриха. — М.: Гос. изд-во иностр. и нац. словарей, 1949.

Казнензэ

• Орден Отечественной войны 2-й степени (16.11.1943)
• Орден Отечественной войны 1-й степени (12.12.1943)^[2]
• Орден Красного Знамени (25.12.1943)^[3]
• Медаль «За оборону Москвы»

Лисьмапрят