Саамтнень раськень коцт

Арсемазо-теемазо

1986 иестэ умарьковонь 13-це чистэ саезь 15 чинть видс шведэнь Оре ошсо ютыль XIII Омбораськень саамонь конференциясь. Сонзэ ушодоманзо икеле ульнесь нолдазь пелькстамот раськень коцтонть коряс. Сехте вадрякс ульнесь кочказь коцтось, конань арсинзеть ды артызе Астрид Баль (Astrid Bahl). 1986 иень умарьковонь 14 чистэ раськень саамонь коцтось ульнесь васенцеде кепедезь, ды умарьковонь 15 чистэ ульнесь кемекстазь^[1]^[2].

Remove ads

Раськень коцтонть эйстэ

Раськень коцтонть покшолмазо — 2020 мм 1500 мм лангс. Коцтось ашти стядо линиядо эрьва-кодадо келейгадомасо сэнь, ожо, пиже ды якстере тюсо ды вейс пурнавомо якстере-сэнь кирьксэ.

Раськень коцтонть смустезэ

Ниле тюстнэ коцтсонть — те гактинь тюстнэ, саамонь оршамо пель. Кирьксэсь невти саамонь чавоманть ды пурны Чинть ды Ковонть, конат ульнесь саамтнень раштыцякс (Фьелльнер, Андерсэнь «Paiven parneh» поэманть (руз. «Дети солнца» эли «Сыновья солнца») коряс: сэнь пельксэст кирьксэ — Ковось, якстересь — Чись^[1]^[2].

Ниле тюссо коцтось, кода кирьксэсь невти вейсэндямонть саамтнень Норвегиянь, Финляндиянь, Швециянь ды Россиянь^[2].

Коцтонть тевс нолдыть

Покш читне коли саамтнень коцтонть понгавтыть (ульнесь кемекстазь XV Саамонь конференциясь Хельсинки ош, 1992 ие, аштемковонь 15—17 читнестэ)^[2]:

Даволковонь 6 чи — Саамтнень раськень чи. Те чистэнть 1917 иестэ Тронхейм ошсо ульнесь ютавтозь васенце саамтнень пурнавома.
Мариянь Чи (саамтнень коень покшчи).
Ивана Купалы Чи.
Умарьковонь 15 чи — Чись коли кемекстазь ульнесь саамтнень коцтось.
Умарьковонь 18 чи — Чись коли ульнесь теезь Саамтнень Вейсэндявкс.
Ожоковонь 9 чи — Норвегиянь Саамтнень парламентэнть Чи (1989 ие).
Сундерьковонь 9 чи — Суоминь Саамтнень парламентэнть Чи (1973 ие).