گیاهون
اتی زنده موجودات که چندسلولی هستنه و فتوسنتز کننه / From Wikipedia, the free encyclopedia
گیاهون زندهموجوداتِ اتا گتِ دسته هستنه که شه دار، واش، چماز، وگلیز، کاکتوس و ساکولنتها ره شامل وونّه. گیاهون ِطبقهبندی، چندسلولی ِموجوداتِ رج دله دره که یوکاریوتها قلمرو دله قرار گیرنه و اکثراً فتوسنتز پشتی زندگی کننه. گیاهِ بدنه ونه بیخ (=ریشه)، انباره (=ساقه) و ولگ (=برگ) داره و همینسه مثلاً گوشکون دسته، گیاهون ِجیرگروه حساب ننه.[3] گیاهونی که فتوسنتز کنّه، باعث وونّه که اکسیجن تولید وونه و زمینِ درصد زیادی از اُکسیجن ره گیاهون تأمین کنّه.[3] دکّل بعضی گیاهون هم درنه که شه نتونّه فتوسنتز پشتی زنده بموندن و شه نیاز ره انگل واری بدست یارنه و اتی موجودِ تن ماسنّه تا ونجه شه خِراک ره هکشن؛ البته گیاهونِ اینتا دسته هم شه میوه، تیم و گول دارنه ولی وشون بیخ ِشکل اتی بیّه که انگل دستوری اتی گیاهونِ خِراک ره بدزده. بعضی گیاهونِ تولید مثل جنسی هسته و بعضیشون غیرجنسی هستنه.[4] گیاهون ره بعضی گدر وشون ِعُمرِ جا رجوَندی کانّه؛ بعضیشون یکسال، بعضی دِ سال و اتی هم چندساله عُمر دارنه.
گیاهون | |
---|---|
رج مرتبه | قلمرو [دیگر زوونها]Q36732Check for unknown parameters[1] |
علمی طبقهبندی | |
محدوده: | یوکاریوت |
قلمرو: | گیاهون ارنست هکل ۱۸۶۶[2]شابلون:Verify source |
علمی نوم | |
Plantae[1] ارنست هکل ، ۱۸۶۶ | |
گیاهون عکس نگارخنه - ویکیمدیا تلمبار | |
کد ره دچیین - دچیین |
سرجمع، حدود ۴۲۰۰۰۰ جور گیاه دنیا دله درنه که اکثراً تیمدارون جیردسته درنه و شه زندهبیین گدر، تیم یلنه تا تکثیر بوون. اکثراً گیاه نتونده حرکت هاکنه و آزادِ اراده ندارنه.[5] گیاهون دنیایِ اصلی پایهئون جا هستنه. آدمیزاد شه خِراک، شه دِوا و خله مواد ره گیاه وَر جه عمل یارنه.[6]