De Friese Meren
From Wikipedia, the free encyclopedia
De Friese Meren (Fries: De Fryske Marren) is n gemiente in de Nederlaandse perveensie Frieslaand. t Gemientehuis staot in De Jouwer.
| Gemiente De Friese Meren | ||
 |  | |
| (Vlagge van De Friese Meren) | (Waopen van De Friese Meren) | |
.png) Lekaosie van de gemiente De Friese Meren | ||
| Infermaosie | ||
| Perveensie | Frieslaand | |
| Heufdplak | De Jouwer | |
| Geografie en bevolking | ||
| Oppervlak - Laand - Waeter | 559,93 km² 361,83 km² 198,1 km² | |
| Antal inwoners Inwoners per km² | 51.567 (1 jannewaori 2020) 143 inw./km² | |
| Koordinaten | 52° 34′ N, 5° 25′ O | |
| Oaverig | ||
| Belangrieke verkeersaoders | A6, A7, E22 N354, N359, N924, N927, N928 | |
| Netnummer | 0513, 0514, 0566 | |
| Postkodes | 8461 - 8544, 8556 -8583 | |
| Officiële webstee defryskemarren.nl | ||
De ni'je gemiente is n fusie tussen Gaasterlaand-Sloten, Lemsterlaand, Skarsterlaand en n gedielte van Boornsterhem rond Terhorne. De gemiente het omdebi'j de 51.500 inwoners, mit t stadtien Sloten en de grootste plakken Balk, De Jouwer en De Lemmer. t Wetgevingstrajekt leup vanof halverwege 2011. In t naojaor van 2012 is n wetsveurstel indiend (kaemerstok 33496 2012-2013). In 2013 is t veurstel deur de Twiede en de Eerste Kaemer vaastesteld.
De naeme verwist naor de Friese meren. De gemiente dreegt sund de instelling op 1 jannewaori 2014 offisieel disse naeme. Mar de gemienteraod het altied de bevoegdhied om de naeme van de gemiente te wiezigen. Tegeliekertied mit de raodsverkiezings wordde n volksraodpleging hoolden. Bewoners mochten zels veurstellen indienen veur de gemientenaeme. Hierin keus 42,4% veur De Friese Meren, 41,6% veur de Friestaelige variaant (De Fryske Marren). Laeter wordden der ok n protte aandere naemen veursteld zo as 'Marrelân' (2,9 %) en 'Sudergoa' (1,8 %). Mar in t koalisie-akkoord dat in november 2013 tussen FNP en CDA ofsleuten wordde is opneumen toch veur De Fryske Marren te kiezen, wat dus tegen de resultaoten van de peiling ingaot. De Friese regionalistiese parti'j FNP wordde bi'j de gemienteraodsverkiezings de grootste en maekte van n Friese naeme n breekpunt in de koalisieonderhaandelings. Koalisiepartner CDA stemde bi'j disse onderhaandelings in veur n toekomstige naemswieziging naor de Friese variaant. FNP verdedigt heur keuze mit de stelling dat, as rekening hoolden wordt mit de eigen veurstellen van de bevolking in de naemspeiling, '53% veur n Friese naeme keuzen had' en in t pergramme dudelik angeven ston dat de parti'j veur n Friese naeme was. Op 23 april 2014 nam de ni'je raod mit 19 stemmen veur en 12 tegen t besluut dat de naeme mit ingang van 1 juli 2015 wiezigd worden zal. De Friese naeme is dus sund juli 2015 de offisiële naeme wordden.
Bi'j de herindieling van Boornsterhem wordde Terhorne bi'j De Friese Meren daon. De plakken Haskerdieken en Ni'jbrogge (beide Skarsterlaand) bin naor de gemiente Et Vene gaon. De gemiente De Friese Meren het 51 offisiële plakken (kernen). Sloten is de ienigste historiese stad binnen de gemientegreenzen.
Steden en dörpen
|
|
|
Buurtskoppen
Naost de offisiële plakken liggen de volgende buurtskoppen in de gemiente:
|
|
|
| Angrenzende gemeenten | ||
|---|---|---|
| Zuudwest-Frieslaand | Liwwarden | Et Vene |
 | Weststellingwarf | |
| Enkhuzen (NH) over t Iesselmeer) | Noordoostpoolder (FL) | Stienwiekerlaand (OV) |
 |
Dit artikel is skreaven in et stellingwarvsk, in de Algemene Nedersaksiese Schriefwieze. |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
